אונטערשייד צווישן ווערסיעס פון "רוי:יוסף"

יוסף איז געווען דער באליבטער זון פון יעקב, א פאקט וואס האט שפעטער צוגעברענגט אז די ברודער זאלן אין אים מקנא זיין און פארקויפן פאר א קאראוואן פון הענדלער וואס זענען אראפ קיין [[מצרים]]. נאכן אנקומען קיין מצרים, איז יוסף פארקויפט געווארן פאר [[פוטיפר]] און ער האט געפירט די גאנצע ווירטשאפט פון זיין הויז. אבער, נאך א בלבול וואס פוטיפר'ס ווייב האט אנגעלייגט אויף אים, איז ער איינגעשפארט געווארן אין טורמע. אין טורמע איז יוסף אויפגענומען געווארן צו זיין א וועכטער, און דארט האט ער [[פתרון חלומות|פותר חלום]] געווען די חלומות פון שר המשקים און פון שר האופים. דערנאך האט [[פרעה]] אויך געדארפט צוקומען צו א פותר חלומות און יוסף איז ארויסגעברענגט געווארן פון טורמע צו עס טון. יוסף האט פותר געווען די [[חלום]] פון פרעה, און אים אנגעזאגט וועגן זיבן זאטע יארן וואס קומען צו גיין און וועגן זיבן [[הונגער]] יארן דערנאך, וואס וועלן מיט זייער שטארקייט פארגעסן די זאטע יארן. אין רעאקציע האט פרעה אויפגענומען יוסף אלס [[משנה למלך]] צו זיין פאראנטווארטליך צו ראטעווען מצרים פונעם צוקופנטיגער הונגער.

נאך די זיבן זאטע יארן, ווען די הונגער יארן האבן זיך אנגעפאנגען, זענען די ברודער פון יוסף אראפ קיין מצרים צו ברענגען עסן, און דארט האבן זיי אים באגעגנט. יוסף האט זיי דערקענט אבער זיי האבן אים נישט דערקענט. יוסף האט זיי אנגעבענגט אסאך מאטערנישן, ביז ווען אין אנדע האט ער זיך אנטפלעקט צו זיי אלס זייער ברידער יוסף. יוסף און זיינע ברודער האבן זיך איבערגעבעטן, און די גאנצע פאמיליע פון יעקב איז אראפ וואוינען אין מצרים אין [[גושן]].