אונטערשייד צווישן ווערסיעס פון "פרשת ויצא"

[[טעקע:Jacob Laying Peeled Rods before the Flocks of Laban, detail, by Bartolome Esteban Murillo, Spanish, c. 1665, oil on canvas - Meadows Museum - Southern Methodist University - DSC05366.jpg|קליין|יעקב לייגט אפגעשיילטע שפענדלעך פארנט פון די שאף. מאלעריי דורך בארטאלאמע עסטעבאן מורילא]]

יעקב און לבן האבן אויסגעהאמערט א געשעפט ווי יעקב וועט באקומען געקליבענע סארטן פון די שאף וואס וועלן געבוירן ווערן פון דאן און ווייטער, אלס באלוינונג פאר'ן זיי פאשן. יעקב האט מאניפולירט אז די בהמות מיט די אפגעמאכטע אייגנשאפטן זאלן זיך מערן אין גרויסע פראצענטן{{הערה|זעט [https://www.hatanakh.com/sites/herzog/files/herzog/Download%20File%20(13%29.pdf ארטיקל] פון פראפעסאר יהודה פליקס, מיט טעאריעס איבער די מעגליכע מעטאדן וואס יעקב האט געניצט, לויט די היינטיגע גענעטישע וויסנשאפט.}}, און יעקב איז גאר גאר רייך געווארן, מיט פיל בהמות, קנעכט און דינסטן{{הערה|{{תנ"ך|בראשית|ל|כה|מג|אן=ספר}}.}}.

יעקב האט אנגעהויבן שפירן א פיינטשאפט פון לבן איבער זיין ערווארבענע רייכטום, און גאט האט אים באפוילן זיך אהיימצוקערן צום לאנד פון זיינע עלטערן, מיט א פארשפרעכונג צו זיין מיט אים. יעקב האט דערציילט פאר רחל און לאה וויאזוי לבן האט אים פרובירט אויספאפּן, אבער גאט איז געשטאנען מיט אים און ער איז מיט דעם אלעם רייך געווארן, און איבער די באפעל פונעם אויבערשטן זיך אהיימצוקערן, און מיט זייער גוטהייסונג האט ער ארויפגעזעצט זיין פאמיליע מיט זיין פארמעגן אויף קעמלען, און האט זיך ארויסגעלאזט קיין ארץ ישראל, אן דערציילן דערוועגן פאר לבן. איידער'ן אנטלויף האט רחל גע'גנב'עט לבן'ס "[[תרפים]]".

לבן איז געוואויר געווארן איבער די אנטלויף דריי טעג שפעטער, און אנגעהויבן נאכיאגן יעקב, זיי גרייכנדיג נאך א וואך פון די אנטלויף אין הר הגלעד. גאט האט זיך באוויזן צו לבן אין חלום און אנגעווארנט נישט צו טשעפן יעקב. לבן האט פארגעהאלטן יעקב פאר'ן אנטלויפן אן לאזן וויסן, און אויף דאס גנב'ענען די תרפים, אויף וואס יעקב האט געענטפערט אז ער האט מורא געהאט ער וועט נישט לאזן זיינע טעכטער גיין, און - נישט וויסנדיג אז רחל האט זיי גע'גנב'עט - געזאגט אז דער ביי וועם ער וועט טרעפן די תרפים "לֹא יִחְיֶה". לבן האט געזוכט ביי יעדעם, אבער רחל האט באהאלטן די תרפים אינעם קישן פונעם קעמל אויף וועלכע זי איז געזיצן, און געזאגט אז זי קען נישט אויפשטיין וויבאלד זי איז נישט ריין{{הערה|[[רמב"ן]] און {{תנ"ך|בראשית|לא|לה|אן=ספר|מפרש=רבינו בחיי}}}}, און לבן האט עס נישט געטראפן. יעקב האט אריינגעזאגט פאר לבן איבער די צוואנציג יאר ער האט געטריי באדינט, בשעת לבן פאפּט אים אויס און פרובירט אים בא'גנב'ענען, און ווען נישט די הילף פונעם אויבערשטן וואלט ער ארויס אן גארנישט. צום סוף האבן זיי געשלאסן א בונד און אוועקגעשטעלט שטיינער אלס סימן אז זיי וועלן זיך נישט שעדיגן איינער דעם צווייטן{{הערה|{{תנ"ך|בראשית|לא|אן=ספר|לאנג=יא}}.}}.