ח' חשון
קפיצה לניווט
קפיצה לחיפוש
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
אין יאר ה'תשפ"ד איז נישט פארהאן קיין ל' חשון
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
ח' חשון איז דער אכטער טאג פונעם צווייטן חודש אין די אידישע יאר, ציילנדיג פון תשרי, און דער אכטער טאג פונעם אכטן חודש ציילנדיג פון ניסן.
| קביעות פון יאר | טאג | סדרה |
|---|---|---|
| זשה זחא זשג זחג |
מאנטאג | לך לך |
| בשה בחה בשז בחג |
מיטוואך | לך לך |
| גכה גכז |
דאנערשטאג | לך לך |
| הכז השא החא השג |
שבת | לך לך |
חגים וזמנים
געשעענישן
- ג'תתכ"ז – גרויסער אידישער אויפשטאנד: די אויפשטענדלער קערן זיך צוריק קיין ירושלים מיט זיג לידער, נאך זייער נצחון איבער קעסטיוס גאלוס[1]
- ה'תפ"א – דער שוהל פון רבי יהודה חסיד אין ירושלים (היינט די חורבה שוהל) ווערט פארברענט צום ערשטן מאל, דורך אראבער וועלכע האבן געמאנט געלט.
- ה'תר"נ – די שטאטן צפון דעקאטע און דרום דעקאטע ווערן אנגענומען אין די פאראייניגטע שטאטן
- ה'תשל"ה – געשטארבן דוד אויסטרייך, א בארימטער אידישער-סאוויעטישער וויאליניסט
- ה'תשע"ז – דאנאלד טראמפ ווערט ערוועלט אלס פרעזידענט פון די פאראייניגטע שטאטן
געבוירן
- ה'תקפ"ד – רבי חיים לייב טיקטינסקי, ראש ישיבת מיר במשך פופציג יאר (נפטר ה'תרנ"ט)
- ה'תר"מ – רבי מנחם נחום פרידמאן פון איצקאן, פלומעניק פון רבי אברהם מתתיהו פרידמאן פון שטעפאנעשט (נפטר ה'תרצ"ג)
- ה'תרצ"ו – רבי אורי זוהר, א בארימטער בעל תשובה און מחזיר בתשובה (נפטר ה'תשפ"ב)
- ה'תש"ו – רבי אלעזר מרדכי קעניג, רב פון ברסלב אין צפת (נפטר ה'תשע"ט)
- ה'תש"ח – רבי שלמה זלמן אולמאן, ראש בית דין אין מודיעין עילית, א מיטגליד פונעם בית דין אין זכרון מאיר, און ראש הכולל פון סאטמאר-בני ברק (נפטר ה'תש"פ)
- ה'תש"נ – שלום לעמער, חסיד'ישער חזן און זינגער
יארצייטן
- ה'כ"ד – רבינו יונה גירונדי, פון די באקאנטע ראשונים, מחבר פון "" און רבי פון דער רשב"א[2]
- צווישן די יארן ה'קע"א-ה'קפ"ז – רבי זלמן רונקיל, רב און מקובל אין מאגענצא און ווירמייזא, רבי פון מהר"י ווייל
- ה'רס"ט – רבי יצחק אברבנאל, א מפרש פון דער תורה און פון די גדולי ספרד ביים גירוש שפאניע (געבוירן ה'קצ"ז)[3]
- ה'תקנ"א – רבי משולם זלמן חסיד פון פראנקפורט, א רבי פון דער חתם סופר[4]
- ה'תר"ט – רבי אברהם זאב פרענקל, דער רב פון פשעווארסק און ריישא, מחבר פון "משיב כהלכה" (געבוירן ה'תק"מ)[5]
- ה'תרכ"ו – רבי נפתלי צבי פרוש, פון די צדיקים פון ישוב הישן אין ירושלים, פאטער פון די ירושלימ'ער פרוש משפחה (געבוירן ה'תקפ"ג)
- ה'תר"מ – רבי נחומ'קע פון האראדנע, רבי פון דער חפץ חיים (געבוירן ה'תקע"ב)
- ה'תר"פ – רבי מרדכי טווערסקי, אדמו"ר פון סקווירא
- ה'תרפ"ח – רבי אהרן מענדל כהן, רב פון קאהיר (געבוירן ה'תרכ"ו)
- ה'תרצ"א – רבי חיים ראבינאוויטש, ראש ישיבה פון טעלזער ישיבה (געבוירן ה'תר"כ)
- ה'תרצ"א – רבי יהודה דוד בערנשטיין, א רב און ראש ישיבה אין די פאראייניגטע שטאטן, פון די גרינדער פון ישיבת רבינו יצחק אלחנן (געבוירן ה'תרכ"ג)
- ה'תש"ב – רבי יחזקאל בערשטין, ראש ישיבה אין סלאבאדקער ישיבה און מחבר פון "דברי יחזקאל" אויף סוגיות הש"ס, אומגעברענגט אויף קידוש השם אין ניינטן פארט (געבוירן ה'תרמ"ט)
- ה'תש"ב – רבי מרדכי דב איידלבערג, רב אין עטליכע שטעט אין ליטע און פוילן, אומגעברענגט אויף קידוש השם (געבוירן ה'תר"מ)
- ה'תשכ"ו – יעקב ראזנהיים, פון די גרינדער און דער ערשטער פירער פון אגודת ישראל (געבוירן ה'תרל"א)
- ה'תשל"ז – רבי משה טוויל, הויפט רב פון אידן אין ארם צובא (געבוירן ה'תרנ"ו)
- ה'תשמ"ג – רבי דוד אשכנזי, דער לעצטער הויפט רב פון אלזשיר
- ה'תשנ"א – רבי שמואל דיקמאן, אב בית דין אין חיפה און רב אין די "שכונת הרצליה" געגנט אין שטאט (געבוירן ה'תרצ"ב)
- ה'תשנ"ו – רבי שמחה עלבערג, יושב ראש אגודת הרבנים אין די פאראייניגטע שטאטן און רעדאקטאר פון הפרדס (געבוירן ה'תרע"א)
- ה'תשנ"ו – רבי סעדיה אלמגור, א תימנ'ער רב (געבוירן ה'תרס"ג)
- ה'תשע"ו – רבי יעקב יוסף זינגער, רב פון גבעת שמואל במשך 44 יאר (געבוירן ה'ת"ש)
- ה'תשע"ט – רבי משה חיים גאלד, רב פון קראלער בית המדרש אין בארא פארק