רבי זאב וואלף פון זיטאמיר

פאראמעטער פעלערן אין מוסטער:אישיות רבנית
פאראמעטער [ חסידות, זיינע רביס, עיקר חיבור, ווייב2, ווייב1, קינדער2, נומער אין דינאסטיע, קבורה ארט, מוטער, הויף ארט, קינדער1 ] ערשיינען נישט אין מוסטער דעפיניציע

דער 'אור המאיר'
רבי זאב וואלף פון זיטאמיר

ספרים	אור המאיר
פטירה	איוועניטץ

רבי זאב וואלף פון זיטאמיר (גערופן: דער אור המאיר אויפן נאמען פון זיין ספר, אוועק ה' סיון ה'תקנ"ז). איז געווען פון די דריטער דור פון חסידות, פון די גריסע פון די תלמידים ביי רבי דוב בער פון מעזריטש. איז געווען אנפאנג א וויין סוחר און דערנאך געדינט אלס מגיד מישרים און פארשפרייט די תורת החסידות אין זיטאמיר.

ביאגראפיע

גאר ווייניג איז באקאנט איבער זיין יונגוואר און איבער זיין שטאמונג. זיין מאמע האט געהייסן יהודית. האט חתונה געהאט צו עטיא אסתר, נאך וואס זי איז אוועק האט ער חתונה געהאט צו טויבא, טאכטער פון רבי צבי הירש מרגליות רב אין מעזריטש, און האט געהאט מיט איר דריי זון.

ר' וועלוו'עלע איז געווען א תלמיד פון מעזריטש'ער מגיד. איז געווען זייער נאנט מיט אלערליי צדיקים פון יענעם דור, ווי רבי פינחס פון קאריץ, רבי יחיאל מיכל פון זלאטשוב, רבי לוי יצחק פון בארדיטשוב, רבי מנחם נחום פון טשערנאביל, רבי משולם זושא פון האניפאלי, און נאך. טראץ דעם וואס ער האט געשעצט זייער דעם שפאלע'ר זיידע, האט ער געשטיצט אויך רבי נחמן מברסלב אין זייער מחלוקת.

אין זיטאמיר האט ער געדינט אלס מגיד מישרים, און דערנאך אויך געפנט א חסידישער שוהל.

אין די לעצטע יארן האט ער זיך אריבערגעצויגן צו איוועניץ נעבן ז'יטאמיר, און איז דארט אוועק, און דארט האט מען אים אויך באהאלטן. ווען ער איז אוועק זעען נאך געווען אין שטוב דריי פיצלעך יתומים, די קינדער מיט זיין צווייטער זיווג.

ספר אור המאיר

דורכאויס די יארן האט זיין תלמיד רבי אליעזר פון זיטאמיר אראפגעשריבן די דברי תורה פון זיין רבי'ן, און די כתבים זענען פארשפרייט געווארן צווישן די אנדערע תלמידים און נאך, און אום יאר ה'תקנ"ח נאך די פטירה פון ר' וועלוו'עלע האט זיין תלמיד רבי אליעזר גענומען די מי געדרוקט די ספר "אור המאיר", און פון דאן ווערט דאס פאררעכנט אלס א הויפט ספר אין חסידות. די ספר איז באצירט געווארן מיט די הסכמות פון רבי יהודה לייב אב"ד שידלאוו, רבי יוסף אב"ד קאסנטין, רבי מרדכי פון קאריץ זון פון רבי פנחס קאריצער, רבי לוי יצחק פון בארדיטשוב, רבי צבי פון אוסטראה, רבי מרדכי טווערסקי טשערנאביל'ער מגיד, רבי ישראל פון פיקאוו (זון פון רבי לוי יצחק בערדיטשעווער.

אין מערערע ערטער אין ספר פאדערט ער זיך צו אויפפירן מיט פשטות, און פארדאמט די נאכלויפן מותרות, ער מאכט זייער אוועק די אלע עולם הזה'דיגע פראדוקטן, פארמעגן, געלט, הנאות און פארשידנס, און האלט זיך נישט אפ פון צו קריקטירן די רבי'ס פון זיין דור וואס פירן זיך נישו אינגאנצן אזוי. אזוי אויך שטעלט ער זאך זיך אנטקעגן סיגופים און פרעגט אפ אלערליי סארטן דרויסנדע פעולות אין עבודת ה' ווי צום ביישפיל תנועות ביים דאווענען, אדער פארלענגערן גדי דאווענען אד"ג.

אזוי אויך קומט ער אדורך דוראויס די ספר מיט קלארקייטן איבער אלע הויפט שאלות וואס האבן באנומען די 'עולם החסידות'. עס ווערן דערמאנט דורכאויס די ספר, אסאך פון די גדולים פון יענע יארן, ווי רבי יחיאל מיכל פון זלאטשוב, דער מוכיח פון פולנאה, רבי נחמן קאסוב'ער, רבי יחיאל מיכל פון האראדנא, און אזוי אויך די ספרים פון רבי יעקב יוסף פון פולנאה.

פאמיליע

פון זיין ערשטע פרוי עטיא אסתר האט ער געהאט:

• רבי ישראל דוב בער, איידעם פון רבי חיים פון קראסנא, איבערגענומען זיין טאט'נס פלאץ אין זיטאמיר.
  • זיין איידעם רבי שמואל שמעלקא פון בארדיטשוב, זון פון רבי ישראל פון פיקאוו.
• רבי מנחם מענדיל פון בארדיטשוב.
• רבי צבי הירש.
• רבי יוסף, איידעם פון רבי צבי מנחם פון האניפאלי.

פון זיין צווייטע פרוי טויבא האט ער געהאט:

• רבי דוד.
• רבי יחיאל מיכל.
• רבי פנחס פון קאלק, איידעם פון רבי צבי אריה פון אליק.
  • זיין זון רבי זאב אב"ד קאלק.
    • זיין זון רבי ישראל יוסף (בארדיטשוב).
    • זיין זון רבי מרדכי אב"ד ליפאוויטש, איידעם פון רבי אלטר יוסף פון ליפאוויטש, איידעם פון רבי אריה לייב פון באנדער.
  • זיין איידעם רבי יוחנן פון מרחמיסטריווקא.
  • זיין איידעם רבי יחיאל מיכל פון סקאליט.
  • זיין איידעם רבי אהרן פון לעכאוויטש.

תלמידים

• רבי שכנא צבי, נעמיראוו'ער מגיד, מחבר פון ספר הרי בשמים.
• רבי מאיר פון קאריסטשאוו, מחבר פון ספר מאיר עיני חכמים אויף חנוכה, בהשראת זיין רבי.
• רבי שניאור פון פאסטוב.
• רבי גרשון, שו"ב אין קאריסטשאוו און אין זיטאמיר.
• רבי אהרן שמואל הכהן פון אוסטרהא, אב"ד אין יאמפאלא.
• רבי אברהם דוב אויערבאך פון אווריטש.
• רבי צבי חסיד פון יאמפאלא.

ליינט מער

• מבוא און תולדות המחבר, אור המאיר, מכון אבן ישראל, ה'תשנ"ה.

דרויסנדע לינקס

• אן אשכול אויף אים אין אייוועלט.
• ספר אור המאיר אויף אוצר החכמה זייטל.
• זיין ציון אין איווניטץ, אוקראינע.

רעפערענצן

קטגוריה:תלמידי המגיד ממזריטש קטגוריה:דרשנים קטגוריה: מחברי ספרי חסידות קטגוריה:רבנים מווהלין

טיילן פון דער ארטיקל זענען מעגליך איבערגעזעצט פון העברעאישער וויקיפעדיע
cc-by-sa 3.0 ערלויבעניש • אריגינעלער בלאט • ביישטייערער

דער ארטיקל קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.