אונטערשייד צווישן ווערסיעס פון "רוי:בעלזא (חסידות)"

'''בעלזא''' איז א [[חסידות]] געגרינדעט דורך הרב [[שלום רוקח]] אין דער שטאט בעלזא אין מזרח [[גאליציע]], אמאל [[פוילן]], היינט [[אוקראינע]]. דער הויף ציילט צענדליגער בתי מדרש און חינוך אין אסאך אידישע קהילות אויף דער וועלט.

נאך הרב יהושע איז דאס רבנות פון בעלזא אריבער צו זיין צווייטן זון הרב ישכר דוב רוקח, אנגערופן ''דער פריערדיגער בעלזער רב''. באקאנט אלס חכם הרזים און א געוואלדיגער קלוגער מענטש. אויך זיין גאונות און גדלות בתורה האט באקומען א נאמען און צעשפרייט געווארן איבער גאנץ אייראפע ווי אויך ארץ ישראל און אמעריקע. ביי דער ערשטער וועלט'ס קריג האט ער אויסגעוואנדערט אויף [[אונגארן]] ווי ער האט זיך אויפגעהאלטן און [[מונקאטש]] און אין [[ראצפערט]]. זייענדיג און מונקאטש האט אויסגעבראכן די באקאנטע מחלוקה צווישן [[מונקאטש (חסידות)|מונקאטש]] און בעלזא, הויפטזעכטליך צוליב דער קפידא פון דעם ארטיגן שטאט'ס רב [[רבי חיים אלעזר שפירא]] באקאנט אלס מחבר פון ספר 'מנחת אלעזר'. ער איז נפטר געווארן [[כ"ב מרחשוון]] [[תרפ"ז]], און ליגט אין בעלזא.

ניין יאר נאך זיין פטירה האט מען אויפגענומען זיין פלומעניק הרב [[ישכר דוב רוקח (ב)|ישכר דוב רוקח]], די הכתרה איז פארגעקומען נאך דעם וואס ער האט חתונה געהאט מיט דער טאכטער פון דעם [[וויזשניץ (חסידות)|וויזשניצער]] רבי'ן [[משה יהושע האגער]] אין [[אדר]] [[ה'תשכ"ו]], נאך איידער ער איז געווארן אכצן יאר אלט.

אין יאר תשס"ו האט מען אויפגעשטעלט א ישיבה פאר עלטערע בחורים וואס האבן שוין געלערנט דריי יאר אין ישיבה גדולה. די ישיבה איז געווען אין ירושלים אין דעם בנין פון [[קאלעוו (חסידות)|קאלעוו]] אין [[שיכון חב"ד (ירושלים)|שיכון חב"ד]], ווי אויך אין [[הר חוצבים]], און געפינט זיך היינט אין [[גבעת שאול]], ירושלים, אינעווייניג פון דער באקאנטער דיסקין געביידע