אונטערשייד צווישן ווערסיעס פון "רוי:טריסק (חסידות)"

'''טריסק''' אין [[וואהלין]], [[רוסלענדישע אימפעריע]], (היינט [[אוקראינע]]) איז א באקאנטע שטאט אין די חסידישע קרייזן, וואס דארטן האבן געוואוינט די רבי'ס פון דער '''טריסקער דינאסטיע''' וואס ציט זיך פון רבי '''[[אברהם טווערסקי (טוריסק)|אברהם טווערסקי]]''', וואס איז אן אפצווייג פון '''[[טשערנאבילער גזע|טשערנאבל]]'''. פאר דער [[צווייטע וועלט מלחמה|צווייטער וועלט מלחמה]] איז עס געווען א גרויס חסידות, מיט צוואנציג טויזנט חסידים.

די היינטיגע טריסקער רבי'ס זענען איז רבי משה מרדכי אייכנשטיין אין [[ירושלים]], אן אייניקל פון רבי [[משה מרדכי טווערסקי]] (תרל"ז - תש"ג) פון טריסק, און רבי שריהו יונה טווערסקי אין [[מאנטרעאל]], אן אייניקל פון רבי שלום יוסף פון טריסק.  

דער גרינדער פונעם טריסקער חסידות איז געווען רבי אברהם טווערסקי (תקס"ו - ב' תמוז תרמ"ט), דער פינפטער זון פון רבי [[מרדכי טווערסקי]], דער טשערנאבלער מגיד. ער האט געהייראט מרת ריקל, א טאכטער פון רבי יעקב אריה פון [[קאוולע]], א זון פון רבי מרדכי פון [[נעשכיז (הויף)|נעשכיז]]. ער איז געווען דער מגיד אין [[טוריסק]] וואו ער האט געפירט זיין הויף. זיין ספר "מגן אברהם" איז דער יסודותדיקער ספר פון טריסקער חסידות, און א יסודותדיק ספר ביי טשערנאבלער חסידים אין אלגעמיין.

זיין עלסטער זון, רבי [[מנחם נחום טווערסקי פון בריסק|מנחם נחום]] האט געוואוינט אין [[סלאוויטע]], און שפעטער האט געפירט א הויף אין קאטעלנע לעבן [[בריסק]]; ער איז נפטר געווארן ד' שבט תרמ"ז, פאר זיין פאטער. ביי זיין לויה האט אים מספיד געווען דער [[יאשע בער הלוי סאלאווייטשיק|בית הלוי]]. זיין אייניקל הרב יצחק דוד טווערסקי האט ארויסגעגעבן זיינע תורות אין "זכרון מנחם נחום".{{הערה|ירושלים, תשס"ה}}

זיין צווייטער זון איז געווען רבי [[מרדכי טווערסקי פון קאזמיר|מאטעלע קאזמיר]]ער, וואס די רוסן האבן פארטריבן פון וואהלין. זיין נאכפאלגער אין טוריסק איז געווען זיין דריטער זון, רבי יעקב אריה (נפ' כ"ח אייר תרע"ח).

{{חסידישע הויפן|טשערנאבל}}

{{חסידות־שטומף}}