אונטערשייד צווישן ווערסיעס פון "רוי:פשעווארסק (חסידות)"

'''פשעווארסק''', וועסט [[גאליציע]], איז א באקאנטע שטאָט אין די [[חסידות|חסידישע קרייזן]], אויף זיין נאמען איז דער הויף וואס רבי [[משה יצחק געווירצמאן]] האט אויפגעשטעלט. דער [[הויף]] געפינט זיך אין [[אנטווערפן]], און אחוץ אנטווערפן וואוינען רוב פשעווארסקער [[חסידות|חסידים]] אין [[לאנדאן]] און אין [[מאנטשעסטער]], [[ענגלאנד]] און אין [[מאנסי]], [[ניו יארק]].

דער ערשטער רבי איז געווען הר"ר [[משה יצחק געווירצמאן]], א זון פון נפתלי אלימלך, וואס איז געווען א זון פון ר' [[אברהם גארליצער]]. ר' אברהם איז געווען דעם [[אלימלך פון ליזשענסק|נועם אלימלך]]'ס אן אייניקל.

נאך דער חתונה האט זיך רבי משה יצחק באזעצט אין [[פשעווארסק, גאליציע]], דעריבער הייסט ער פשעווארסקער רבי. נאכן [[חורבן אייראפע|חורבן פון אייראפע]] איז ער אריבערגעצויגן קיין [[פאריז]]. אין יאר תשט"ז האט ער אויפגעשטעלט זיין הויף אין אנטווערפן. ער איז געווען דער נשיא פונ'ם גאליציאנער [[כולל חיבת ירושלים]]. אסאך פלעגן רופן עם "ר' איציקל". זיינע זון זענען נעבעך אומגעקומען אין די [[צווייטע וועלט-מלחמה|קריג]] יארן.

נאך זיין פטירה [[יום כיפור]] [[ה'תשל"ז]] האבן די חסידים, ובראשם הר"ר [[אלחנן היילפרין]] פון לאנדאן, מכתיר געווען זיין איידעם הר"ר [[יעקב לייזער]] אלס רבי.

נאך דער פטירה פון רבי [[יעקב לייזער|יעקב]] כ"ז חשון [[ה'תשנ"ט]] האט ממלא מקום געווען זיין זון רבי [[לייבוש לייזער]].

* דער ערשטער רבי: הרה"צ '''[[משה יצחק געווירצמאן]]''' ([[י"ב טבת]] [[ה'תרמ"ב]] - [[י' תשרי]] [[ה'תשל"ז]]), א [[תלמיד]] פון רבי [[שמחה ישכר בער האלבערשטאם]] פון [[ציעשינאוו]]

* דער צווייטער רבי: הרה"צ '''[[יעקב לייזער]]''' (ה'תרס"ז - [[כ"ז מרחשון]] [[ה'תשנ"ט]]), ר' משה יצחק'ס אן איידעם און א [[תלמיד]] פון רבי [[חנה האלבערשטאם]] פון [[קאלאשיץ]]

* דער דריטער רבי: הרה"צ '''[[לייבוש לייזער]]''' שליט"א, ר' יעקב'ס זון, האט חתונה געהאט מיט מרת מלכה מינדל חנה, די טאכטער פון ר' [[אלטער יעקב יצחק וואגשאל]], דער [[לאנצהוט]]ער רבי. נאך איר פריצייטיגער פטירה האט ער [[חתונה]] געהאט בזיווג שני מיט מרת חנה שלאמצע, די טאכטער פון זיין שוואגער ר' [[יהושע וואגשאל|יהושע מרדכי אלעזר וואגשאל]]<nowiki/> דער [[לאנצהוט]][[לאנצהוט|ער]] רבי.

 

י"ח אדר תש"ע איז נפטר געווארן די טאכטער פון רבי [[לייבוש לייזער|לייבוש]] און מרת חנה שלאמצא, מרת שרה בריוו (געב' תשמ"ה), [[2 (נומער)|צוויי]] [[וואָך|וואכן]] נאך ווען זי איז שטארק פארוואונדעט געווארן אין א [[אקצידענט|פארקער צוזאמענשטויס]]. איר מאן איז ר' [[ישראל יצחק בריעף]], זון פונעם [[לאנדאן|לאנדאנער]] [[שוחט]] ר' [[משה מאיר בריעף]].

==וועבלינקען==

 

 

[[קאַטעגאָריע:אויף יידיש]]