אונטערשייד צווישן ווערסיעס פון "רוי:לאנדאן"

לאנדאן אנטהאלט עטליכע [[וועלט ירושה ארט|וועלט ירושה ערטער]]: דער [[טורעם פון לאנדאן]], קיו גערטנער, דער פאלאץ פון וועסטמינסטער און גריניטש. אנדערע בארימטע אנדענקפונקטן זענען [[באקינגהאם פאלאץ]], דער ביג בען, דער [[לאנדאנער אויג]], פיקאדילי צירקוס, [[טורעם בריק]] און וועמבלי סטאדיום. אויך אין לאנדאן זענען עטלעכע חשובע מוזעאומס: דער [[בריטישער מוזעאום]], נאציאנאלע גאלעריע, בריטישע ביבליאטעק און נאך.

לאנדאן האט עטלעכע באדייטונגען. אין דעם הארצן פון לאנדאן איז די אנטיקע [[סיטי פון לאנדאן|שטאט פון לאנדאן]].

די רוימען האבן אויפגעשטעלט די פארצייטישע שטאט "לאנדיניום" אום יאר 43 לספירה, און אנדערע טענה'ן אז נאך פריער איז שוין געווען א שטאט אויפן ארט. ווערנט דעם צווייטן יארהונדערט לספירה איז די שטאט געווארן די הויפטשטאט פון דעם בריטאניע דיסטריקט אין דער [[רוימישע אימפעריע|רוימישער אימפעריע]]. נאכן איינפאלן פון דער רוימישער אימפעריע איז די שטאט איבערגעלאזט. די זאקסאנען האבן ווידעראמאל אויפגעשטעלט די שטאט אינעם 7טן יארהונדערט לספירה, עטלעכע קילאמעטער מערב פון דער פריערדיגער שטאט, מיטן נאמען "לאנדנוויטש". עס איז מעגלעך אז די שטאט האט געהאט א באפעלקערונג פון 10,000 מענטשן.

נאכן זיג פון וויליאם דער אייננעמער אין 1066, האט מען אים באקרוינט מלך אין וועסטמינסטער. ער האט געבויט דעם [[טורעם פון לאנדאן]], דער ערשטער פון עטלעכע שטיינערנע טורעמען, אין דעם דרום־מזרחדיקן ווינקל פון לאנדאן. אין 1097 האט וויליאם דער צווייטער אנגעהויבן בויען וועסטמינסטער האל, וואס האט זיך אנטוויקלט אינעם היינטיגן פאלאץ פון וועסמינסטער.

[[לאנדאן היטרוי ערפארט]] איז דער וועלט'ס פארהאוועטסטער ערפארט פאר אינטערנאציאנאלן פארקער, און איז דער הויפט קנופ פאר'ן נאציאנאלן פאנטרעגער, [[בריטיש ערווייס]]. היטרוי באהאנדלט אינלענדישע, אייראפעישע און צווישן-קאנטינענטאלע פאסאזשער פליען. מ'הייבט אן מיט פלענער פאר א זעקסטן טערמינאל, כאטש די שכנותדיגע איינוואוינערס דערגעגן זיך שטארק.<ref>[http://www.heathrowairport.com/portal/site/default/menuitem.cd3561d9b59d462588a5e186c02865a0/;jsessionid=DNAfOXj7g3r3fk1j9NlWANpydf0hhlQvi8LcmzuRluuyU0u2FTlo!-949195938 וועגן היטרוי], BAA Heathrow. דערגרייכט דעם [[2006-09-17]].</ref> אן ענליכער פארקער, מיט אויך עטלעכע ביליגע קורצער-מהלך פליען, ווערט באהאנדלט דורך [[לאנדאן גאטוויק ערפארט]]. לאנדאן סטאנסטעד ערפארט און  לאנדאן לוטאן ערפארט באדינען  בעיקר ביליגע קורצער-מהלך פליען. [[לאנדאן סיטי ערפארט]], דער קלענסטער און מערסט צענטראלער ערפארט, איז בעיקר פאר האנדל פארערס, מיט א געמיש פון קורצע-רייזע פלאנירטע פליערס און אסאך ביזנעס דזשעט פארקער.<ref>[http://www.londoncityairport.com/index.php?page=corporateInformation London City Airport - Corporate Information]. דערגרייכט דעם [[2006-06-17]].</ref>

אין [[צענטראל לאנדאן]] זענעו די מערהייט פון רייזעס מיט פובליקן טראנספארט, אבער אין די פארשטעט פארט מען מער מיט אויטאס. די אינער רינג גאס (ארום דעם שטאט צענטער), די צפון און דרום צירקולארע גאסן (אין די פארשטעט), און דער דרויסדיקער ארביטיר־[[אויטאסטראד]] (דער M25, אינדרויסן פונעם אויפגעבויטן שטח) רינגלען ארום דער שטאט און דרונגען אריין אין אינעווייניקסטן לאנדאן און שניידן אדורך עטלעכע באשעפטיגע ראדיאלע רוטעס—אבער ווייניק אויטאסטראדעס. אין 2003, האט מען איינגעפירט א געדראנג אפצאל צו מינערן דעם פארקער אין דעם שטאט צענטער. אחוץ א פאר אויסנאמען, דארפן מאטאריסטן צאלן  £10 א טאג צו פארן אין א געוויסער זאנע וואס נעמט איין א גרויסן טייל פון פארשטאפטן צענטראלן לאנדאן.<ref name="London Congestion Pricing">[http://www.vtpi.org/london.pdf London Congestion Pricing.] דערגרייכט דעם [[2007-08-17]].</ref> מאטאריסטן וואס וואוינען אין דער זאנע קענען באקומען א פאס אויף ביליג וואס מען באנייט יעדן מאנאט, און איז ביליגער ווי דאס פארגעלט אויף די אויטאבוסן.<ref name="London Congestion Pricing"/>

עטלעכע וועלטס בילדונג אנשטאלטן געפינען זיך אין לאנדאן. לויט די ראנגירונג פון 2012 זענען אוניווערסיטעט קאלעגיע לאנדאן (ראנגיק 4טער אין דער וועלט), אימפעראלע קאלעגיע לאנדאן (6טער) און קינגס קאלעגיע לאנדאן (26טער).

לאנדאן האט צענדליקע [[טעאטער]]ן, דער מערסטע טייל פון זיי אינעם וועסט ענד. אויך האט לאנדען עטלעכע [[ארקעסטער]]ן און [[אפערע]] הייזער.

לאנדאן איז איינער פון די [[קלאסישע מוזיק]] און פאפולערע מוזיק הויפטשטעט פון דער וועלט. די שטאט פארמאגט עטלעכע חשובע ארקעסטערס און קאנצערט זאלן ווי למשל דער בארביקאן קונסט צענטער (היים פונעם לאנדאנער סימפאני ארקעסטער), קאדאגאן זאל (קעניגליכער פילהארמאנישער ארקעסטער) און דער ראיאל אלבערט האל (די פראמס). די הויפט אפערע הייזער אין לאנדאן זענען דאס קעניגלעכע אפערע הויז און דער קאליסעום טעאטער. די שטאט פארמאגט אויך עטלעכע קאנסערוואטאריעס: די קעניגלעכע אקאדעמיע פון מוזיק, די קעניגלעכע קאלעגיע פון מוזיק, גילדהאל שולע פון מוזיק און דראמע און טריניטי קאלעגיע פון מוזיק.

יעדע יאר אין אפריל קומט פאר דער לאנדאנער [[מאראטאן]] מיט עטלעכע 35,000 לויפער וואס לויפן א וועג פון 42.2 ק"מ ארום דער שטאט.