אונטערשייד צווישן ווערסיעס פון "רוי:ווארקא (חסידות)"

רבי ישראל יצחק קאליש, דער אלטער ווארקער רבי, איז געבוירן געווארן אינעם שטעטל [[זאלאשין]], לעבן [[קאליש]] אין מערב [[פוילן]]. ווען ער איז געווען אלט 14 יאר האט ער געהייראט די טאכטער פון רבי מאיר פון [[זשאריק]]. ער האט זיך דערנענטערט צו חסידות דורך רבי [[דוד בידערמאן]] פון [[לעלאוו (הויף)|לעלאוו]] וואס האט אים געברענגט צום הויף פון דעם [[יעקב יצחק פון לובלין|חוזה פון לובלין]], וואו ער האט דערקענט דעם א[[ייד הקדוש|יד הקדוש]] פון [[פרשיסכע|פרשיסחא]].

רבי איציקל ווארקער איז געווען באקאנט ווי אן עסקן, און ער האט אסאך געפועלט אין כלל ענינים אין פוילן מיט רבי [[יצחק מאיר אלטער]] (שפעטער געווארן רבי אין [[גער]]). אין [[1846]] האט ער געטראפן [[משה מאנטיפיארי]] און האט געפרואווט אים איינפלוסן צו קעמפן קעגן די גזירות וועגן טראגן דאס יידישע לבוש. רבי איציקל איז נפטר געווארן [[כ"ב ניסן]] [[ה'תר"ח]] (1848) און באערדיקט געווארן אין דער ווארקער בית החיים. א ביסל פון זיינע תורות און עובדות זענען געדרוקט אין דעם ספר '''אהל יצחק'''.