אונטערשייד צווישן ווערסיעס פון "אייוועלט"

'''אידישע וועלט''' (גערופן '''אייוועלט'''; ivelt.com) איז א חסיד'ישע אידישע [[אינטערנעט פארום|פארום וועבזייטל]] וועלכע פארמאגט אן איבערזיכט צו האלטן דאס פלאץ ריין און ערליך פאר היימישע אידן צו פארברענגען דערויף. עס איז געגרינדט געווארן אין יאר תשס"ה אלס א סוב-פארום אויף היידפארק מיט די נאמען "היימישע קרעטשמע", און נאך עטליכע גלגולים איז עס אנגעקומען צו יעצטיגע דאמעין און אויסשטעל. לכתחילה האט עס געהאט מערערע אפטיילונגען אריינגערכנט נייעס, בילדער, און א וויקי; דער סערווער פונעם וועבזייטל האט אבער געקראכט אין יאר תשס"ח, און בלויז די פארום אפטיילונג איז געליבן. מיט ארום 15,000 באניצער, און איבער 4 מיליאן תגובות אין 60,000 אשכולות, איז אייוועלט פון די פאפולערסטע וועבזייטלעך ביים היימישן ציבור, און געוויסע ציבור'ישע פערזענליכקייט ניצן אויס דעם פלאטפארמע צו אדרעסירן דעם פובליקום.

כדי צו האלטן דעם וועבזייטל באקוועם און אויסגעהאלטן פאר היימישע אידן, זענען דא תקנות און א צענזור וועלכע ווערן שטרענגט פארסירט דורכ'ן מעקן תגובות און ארויסשפארן באניצער. די תקנות פארבאטן ארויסצושטעלן אינהאלט מיט לשון הרע, פאליטיק, ראיות אסורות, און לינקס צו שמוציגע זייטלעך; ווי אויך איז פארבאטן ציונות, פאליטישע נייעס פון מדינת ישראל, און שרייבן אויף [[עברית]]. צו דער זייט פון די תקנות וואס האלטן דאס פלאץ ריין, ווערט אויך שטרענג פארסירט דעם ענין פון "גילוי", דאס הייסט אז מען טאר נישט פארעפנטליכן אדער נישטערן אין דער אמת'ער אידענטיטעט פון א צווייטער באניצער. באניצער אומצופרידן פון די רעגולאציעס האבן געעפנט אנדערע וועבזייטלעך, צווישן זיי "קאווע-שטיבל", וועלכע איז לויז אין אלע געביטן, און "אידטיש" וועלכע איז א עטוואס ווייכער כלפי חסיד'ישע פאליטיק.