רוי:חם

חם

חם בן נח אחי שם ויפת (תחריט 1553)

חם איז א מענטש אין תנ"ך וואס איז געווען דער צווייטער זון פון נח (בראשית ו'); לויט אַ טראַדיציע אין דער גמרא (סנהדרין ס"ט) איז חם געווען דער אינגסטער פון די דריי ברידער "שם, חם, יפת"; אין בראשית י' ווערט איבערגעגעבן די רשימה פון די פעלקער, וואָס האָבן אַפּגעשטאַמט פון חם, צווישן זיי די פעלקער אין אַפויקע כוש, פוט און מצרים, און די פעלקער וואָס האָבן געוואוינט אין ארץ־ישראל איידער די אידן האָבן פאַרנומען דאָס לאנד (כנען, צידון, חת, אמורי און אַנדערע). אויך היינט ווערט די פעלקער אין אַפריקע אָנגערופן "די אָפּשטאַמענדע פון חם" (כאַמיטן); וועגן דעם שייכות צוואוישן דעם וואָרט חם (שוואַרץ, אָפּגעברענט פון דער זון, חמה) און דער שוואַרצער הויט פון די אַפריקע־פעלקער, איז פאַראַן אין גמרא סנהדרין ק"ה (חם לקה בעורו) און אין מדרש בראשית רבה ל"ו.

ער האט געהאט א קינד מיטן נאמען כנען וואס פון אים האבן געשטאמט די כנענים. נאך פון זיינע קינדער זיינען: כוש, מצרים, פוט.

חם איז געשאלטן געווארן ביי נח אז די שטאמונג פון זיין קינד כנען וועלן זיין קנעכט פאר די אידן פון וועגן ער האט נישט פארדעקט זיין טאטן בשעת ווען נח איז געוועזן נאקעט (אנדערע מפרשים זאגן אז חם האט קאסטרירט זיין טאטן). וַיַּרְא, חָם אֲבִי כְנַעַן, אֵת, עֶרְוַת אָבִיו; וַיַּגֵּד לִשְׁנֵי-אֶחָיו, בַּחוּץ... וַיִּיקֶץ נֹחַ, מִיֵּינוֹ; וַיֵּדַע, אֵת אֲשֶׁר-עָשָׂה לוֹ בְּנוֹ הַקָּטָן. וַיֹּאמֶר, אָרוּר כְּנָעַן: עֶבֶד עֲבָדִים, יִהְיֶה לְאֶחָיו בראשית ט'

און דערפאר נאכער האבן די אידן איינגענומען די לאנד כנען.

קוואלן

• דער דאָזיקער אַרטיקל נעמט אַריין דעם טעקסט וואָס געפינט זיך אונטערן זוכוואָרט „חם” אין דער ייִדישער פאָלקס־ענציקלאָפּעדיע (באַנד 1) (1949), וואָס איז היינט אינעם רשות־הרבים.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!