דרעפט:זמרי (מלך ישראל)
| מדינה | מלכות ישראל | ||||||
|---|---|---|---|---|---|---|---|
| התאבד |
ג'י"א תרצה | ||||||
| |||||||
זמרי איז געווען דער פינפטער קעניג איבער מלכות ישראל, וואס האט זיך געקרוינט נאך דעם וואס ער האט גע'הרג'עט זיין האר אלה בן בעשא, ער האט געקעניג פאר זיבן טעג אין יאר ג'י"א, ביז ער זעלבסט איז גע'הרג'עט געווארן.
זמרי'ס טיטל אין פסוק איז "שר מחצית הרכב" פון אלה, דאס באדייט דער גענעראל פון האלב פון די רייט־וועגענער, אדער איינס פון די צוויי גענערעלער איבער די רייט־וועגענר. אינמיטן א שלאכט קעגן די פלשתים אין גבתון, איז זמרי געקומען קיין תרצה וואו אלה האט געוויילט, און אים גע'הרג'עט בשעת אלה האט גע'שיכור'ט. דערנאך האט זמרי אויסגע'הרג'עט די איבעריגע פון בית בעשא, און דערמיט איז מקויים געווארן די נבואה פון יהוא בן חנני צו בעשא, אז זיין דינאסטיע וועט פארלענדט ווערן[1].
ווען די שמועה איז אנגעקומען צו די מיליטערלייט אויפ'ן פראנט, אז זמרי האט געמאכט אן אטענטאט אויפ'ן קעניג, האבן זיי געקרוינט עמרי אלץ קעניג, און עמרי איז געפארן קיין תרצה אומצואווארפן זמרי פון דעם טראן. ווען זמרי האט געזען אז די שטאט איז פארכאפט געווארן, איז ער אריין אין די טיף־באפעסטיגטע צימערן פונעם פאלאץ[2], און פון דארט אונטערגעצינדן אויף פייער זיך מיט'ן גאנצן פאלאץ[3].
דער פסוק אין מלכים זאגט אז זמרי'ס טויט איז געווען א שטראף פאר זיינע שלעכטע מעשים, ווי ער האט געזינדיגט און געמאכט די אידן זינדיגן[4]. וויבאלד זמרי האט געקעניגט בלויז זיבן טעג, באציעט זיך דער פסוק צו זיין מחשבה צו גיין אין די פיסטריט פון זיינע פארגייער[4.1] און זיינע מעשים אין דעם איין וואך[4.2], אדער צו זיינע מעשים אלץ גענעראל אונטער אלה[4.3].
"זמרי" איז געווארן ווי א סימבאל פון א פאררעטער, ווי איזבל האט געזאגט פאר יהוא בן נמשי ווען ער איז איר געקומען הרג'ענען: "הֲשָׁלוֹם, זִמְרִי הֹרֵג אֲדֹנָיו?"[5].
רעפערענצן
| מלכי יהודה וישראל | |||||
|---|---|---|---|---|---|
| מלכי ישראל המאוחדת | שאול המלך • דוד המלך • שלמה המלך | 
| |||
| מלכי יהודה | רחבעם • אביה • אסא • יהושפט • יהורם • אחזיהו • עתליה • יהואש • אמציה • עוזיהו • יותם • אחז • חזקיהו • מנשה • אמון • יאשיהו • יהואחז • יהויקים • יהויכין • צדקיהו | ||||
| מלכי ישראל | איש בושת • ירבעם בן נבט • נדב • בעשא • אלה • זמרי • תבני • עמרי • אחאב • אחזיהו • יורם • יהוא • יואחז • יואש • ירבעם בן יואש • זכריהו • שלום • מנחם • פקחיה • פקח • הושע | ||||
| בית חשמונאי |
| ||||
| מלכי בית הורדוס | הורדוס • ארכעלאאס • הורדוס אנטיפס • פיליפוס • אגריפס דער ערשטער • אגריפס דער צווייטער | ||||