רוי:רלב"ג

ר' לוי בן גרשון איז געווען א פילאזאף, מפורש, מאטעמאטיקער, א דאקטאר. ער איז געבוירן געווארן אין דעם יאר 1288, און איז נפטר געווארן אינם יאר 1344. ער איז דער מחבר פון: א פילאזאפיש ווערק "מלחמת ה'", א פּירוש אויף תנ"ך, "ספר היקש הישר" (אַן אפּהאנדלונג וועגן סילאָגיזימס), "ספר המספּר", (ספר מעשה חושב) וועגן אַלגעברא, ספרים וועגן אסטראנאמיע, אסטראלאגיע, "שערי צדק" וועגן די שלש עשרה מידות שהתורה נדרשת בהן, א פּירוש אויף ברכות, צוויי תשובות, איינע וועגן "כל נדרי", און נאך און נאך. כאטש ער איז געווען א גרויסער תלמוד'יסט, האט ער קיינמאל אנגענומען א כסא הרבנות; און ווי עס ווייזט אויס האט ער זיך ערנערט פון זיין מעדיצינישער פּראפעסיע, ווי עס האבן זיך געפירט אנדערע גדולים אין יענע צייטן.