רוי:אחז
אָחָז איז געווען מלך פון מלכות יהודה אין דער צייט פון ערשטן בית המקדש. אחז האָט געקעניקט אומגעפער אין די יאָרן ג'קפ"ד - ג'ר'. וועגן די מעשים פון אחז ווערט דערציילט אין ספר מלכים ב' קאַפיטל ט"ז (ווי אויך אין דברי הימים און ספר ישעיה). דאָרט ווערט אָנגעגעבן, אַז ער האָט איינגעפירט אין לאַנד יהודה און ירושלים די געצן–דינעריי און האָט געטון "דאָס שלעכטע אין די אויגן פון גאָט". אין זיין צייט האָבן די מלכים פון מלכות ישראל (אפרים) און פון לאַנד ארם אַנגעהויבן אַ מלחמה קעגן לאַנד יהודה און זענען צוגעקומען מיטן מיליטער ביז ירושלים. אחז האָט זיך געווענדעט נאָך הילף צו תגלת פלאסר דעם מלך פון אשור. פון דעמאָלט אָן איז יהודה געוואָרן אָפהענגיק פון אשור: דער נאָמען פון אחז ווערט אויך דערמאָנט אין די פלעקלשריפטן פון אשור. ער הייסט דאָרט "יאַ–חאַ–זו", דאָס הייסט "יהואחז". און עס איז פארהאן אַ מיינונג, אַז דעריבער האָט מען אין תנ"ך אים גערופן נאָר אחז כּדי נישט צו דערמאָנען אויף דעם געצן–דינער דעם נאָמען פון גאָט. אין זיין צייט פאַלט אויס אַ טייל פון נביאות–זאָגן פון ישעיה הנביא.
| מלכי יהודה וישראל | |||||
|---|---|---|---|---|---|
| מלכי ישראל המאוחדת | שאול המלך • דוד המלך • שלמה המלך | 
| |||
| מלכי יהודה | רחבעם • אביה • אסא • יהושפט • יהורם • אחזיהו • עתליה • יהואש • אמציה • עוזיהו • יותם • אחז • חזקיהו • מנשה • אמון • יאשיהו • יהואחז • יהויקים • יהויכין • צדקיהו | ||||
| מלכי ישראל | איש בושת • ירבעם בן נבט • נדב • בעשא • אלה • זמרי • תבני • עמרי • אחאב • אחזיהו • יורם • יהוא • יואחז • יואש • ירבעם בן יואש • זכריהו • שלום • מנחם • פקחיה • פקח • הושע | ||||
| בית חשמונאי |
| ||||
| מלכי בית הורדוס | הורדוס • ארכעלאאס • הורדוס אנטיפס • פיליפוס • אגריפס דער ערשטער • אגריפס דער צווייטער | ||||
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!