המכלול:אבן הפינה

דער פראיעקט איז אקטיוו

המכלול איז נישט בלויז א גערייניגטע וויקיפעדיע. המכלול אנטשפרעכט צו זיין א אידישע און פארלעסליכע ענציקלאפעדיע מיט הויכע סטאנדארטן; עפעס וואס איז פיל מער פראפעסיאנעל, וואס אירע ארטיקלען זענען אסאך רייכער ווי די "נישט שלעכטע" וויקיפעדיע ארטיקלען.

ריכטיג צו בויען דעם בנין, דעם בית הגדול שמגדלים בו תורה וחכמה בעז"ה, הייבן מיר קודם כל אן מיט'ן הנחת אבן הפינה: הונדערט ארטיקלען געשריבן אויף יסודות'דיגע טעמעס, נאכפאלגנדיג דעם פראצעדור און סטאנדארטן פון המכלול.

הָיְתָה לְרֹאשׁ פִּנָּה

20% ארטיקלען געשריבן

פראצעדור

וועלט אויס א יסודות'דיגע נושא, אין יהדות אדער אלגעמיין, וואס איר ווילט באשרייבן. (איר קענט זיך ארויסהעלפן, אויב איר ווילט, מיט המכלול:וויכטיגסטע ארטיקלען, קאַטעגאָריע:אידישקייט ארטיקלען צו פארברייטערן, אדער קאַטעגאָריע:עלעמענטארע ארטיקלען צו פארברייטערן).
עפנט א דרעפט פאר דעם ארטיקל. איר קענט דרוקן אויפ'ן "דרעפט" לינק אויבן פון בלאט, וואס וועט עפענען דעם דרעפט ווי א פערזענליכע באניצער בלאט; אדער קענט איר שאפן א נייע בלאט אונטער'ן "דרעפט:" געביט (צום ביישפיל דרעפט:אברהם אבינו).
עס איז כדאי אויך צו מודיע זיין דערוועגן אינעם באזונדערן אפטיילונג אויף דעם בלאט. דאס וועט געבן אינספיראציע פאר אנדערע און וועט ברענגען מעגליכע הילף פאר אייך.
שרייבט און ענדיגט צו דעם ארטיקל. עס איז ראטזאם זיך צו באזירן און באארבעטן עטליכע מקורות צוזאמען, און נישט בלויז איבערטייטשן פון העברעאישע אדער ענגלישע וויקיפעדיע (אדער אפילו פון המכלול העברי ווען דאס ארטיקל שטאמט פון ויקיפדיה). פאר מערערע ענציקלאפעדישע רעסורסן קען מען זיך ווענדן צו צמא לדעת, בעז"ה.
ווען דאס ארטיקל איז, לויט אייך, פארטיג, ביטע זייט מודיע דערוועגן. דרעפטס וועלן אריבערגעפירט ווערן דורך די ערפארענע מכלולאים שמש מרפא, מקוה, יואל ווייס, איסתרק, מוטל, נייטראלער.
איר - אדער סיי ווער - קען דאן עפענען אן אפהאנדלונג איבער דעם ארטיקל, עס זאל באקומען דעם "אבן הפינה" סטאטוס.

וואס איז אן "אבן הפינה" ארטיקל?

עס דארף זיין איבער א גענוג וויכטיגע נושא. לאו-דווקא ממש עלעמענטאר, אבער פארט גענוג צענטראל אז עס זאל קענען אמאל אריינקומען אין א טעגליכע געשפרעך אדער נוגע זיין דעם דורכשניטליכן ליינער.
עס דארף זיין גענוג פראפעסיאנאל געשריבן: ענציקלאפעדיש אויסגעבויט, גענוג רייך ארויסגעברענגט און אן קיין באדייטנדע מאנגל אין מקורות. א גוטער סימן איז: ווען איר טרעפט ווען אזא ארטיקל אין "רוי" געביט, וואלט איר געבליבן שטיין געפלעפט?

סיי ווער קען אויפברענגען סיי וועלכע ארטיקל אלס "אבן הפינה" קאנדידאט. ווען דריי מכלולאים זענען איינשטימיג (דער הויפט שרייבער פון ארטיקל נישט אריינגערעכנט), ווערט דער ארטיקל באשטימט אלס אזאנס.

קאנדידאט ארטיקלען

פיר תקופות

אקטיווע מכלולאים‌‌‌‌‌‌‌‌‌‌‌‌‌‌‏, ביטע כאפט א בליק אויף דעם נייעם ארטיקל פון ידידנו הרב שווערמער און לאזט הערן אייער מיינונג: איז עס א פאסיגע ארטיקל צו שטעלן אין אונזער וויטרינע, צו איבערצייגן זיך און אנדערע אינעם פאטענציאל פון דער פראיעקט?

טעקע:Symbol support vote.svg דערפאר. — צמא לדעת • שמועס • ח' שבט ה'תשפ"ג 01:27, 30 יאַנואַר 2023 (IST)
טעקע:Symbol support vote.svg א שאלה?! --תנא קמא (שמועס) 03:20, 30 יאַנואַר 2023 (IST)
טעקע:Symbol support vote.svg דערפאר! נייטראלער • שמועס • ח' שבט ה'תשפ"ג 03:58 (IDT)
אוודאי טעקע:Symbol support vote.svg דערפאר! הערליכער ארבעט געמאכט, כה יתן ה' ויוסיף... עברי אנכי (שמועס)

מתנות לאביונים

אקטיווע מכלולאים‌‌‌‌‌‌‌‌‌‌‌‌‌‌‏, ביטע כאפט א פרישן בליק אויף דעם ארטיקל מיסודו של ידידנו הרב האט'ס אמונה, און לאזט הערן אייער מיינונג.

לדעתי איז עס א רייכע און מסודר'דיגע ארטיקל אויף די טעמע, אויף א פארנעם וואס איז לעת עתה נישט פארהאן אויפ'ן געוועב אויף קיין שום אנדערע פלאץ, למיטב ידיעתי. עס איז א באקאנטע און צענטראלע מצוה בימי הפורים הממשמשים ובאים, און דער באזוכער וואס וועט אריינפאלן וועט זען וויפיל רייכע און אריגינעלע אינפארמאציע ער קען נאך דערויף טרעפן ביי אונז.

היות איך האב מעגליך א נגיעה, וועט מען ווארטן אויף די הסכמה פון דריי חברים חוץ פון מיר און האט'ס אמונה. — צמא לדעת • שמועס • כ"ג שבט ה'תשפ"ג 22:32, 14 פעברואר 2023 (IST)

טעקע:Symbol support vote.svg דערפאר. כאטש וואס אויף אן ארטיקל וואס צמא לדעת האט אריינגעשטעקט דערין א פינגער האב איך מעגליך אויך נגיעות... --עברי אנכי (שמועס) 23:23, 14 פעברואר 2023 (IST)
טעקע:Symbol support vote.svg דערפאר – תנא קמא (שמועס) 23:34, 14 פעברואר 2023 (IST)
טעקע:Symbol support vote.svg דערפאר - א פראגע?! נייטראלער • שמועס • כ"ד שבט ה'תשפ"ג 00:29 (IDT)
טעקע:Symbol support vote.svg דערפאר (נאר אויב מען קען קאנסידערן צו שניידן אביסל פון די ציטאטן?) -- שווערמער (שמועס) 03:41, 15 פעברואר 2023 (IST)

אביסל האב איך געשניטן, אבער כמובן אז איר קענט שניידן נאך, לויט אייער פארשטאנד און געשמאק. — צמא לדעת • שמועס • כ"ד שבט ה'תשפ"ג 09:50, 15 פעברואר 2023 (IST)

עוויאן קאנפערענץ

אקטיווע מכלולאים‌‌‌‌‌‌‌‌‌‌‌‌‌‌‏, ביטע כאפט וכו'. א הערליכער ארטיקל איבער אן אומאפטיילבארער חלק פונעם וועלט'ס קריג מיט רעפערענצן און אלעם. תנא קמא (שמועס) 00:54, 23 פעברואר 2023 (IST)

פון מיין בליק, קומט עס בלי ספק נאך דעם צווייטן תנאי (דא אויבן). ב"ה מיט א קנאק!
וועגן דעם ערשטן תנאי, ווייס איך נישט.נייטראלער • שמועס • ב' אדר ה'תשפ"ג 01:02 (IDT)

טעקע:Symbol support vote.svg דערפאר. טאקע נישט אזוי צענטראל, אבער טאקע דערפאר איז געווען גרינגער עס אהער צושטעלן... שווערמער (שמועס) 06:26, 23 פעברואר 2023 (IST)

צוגעלייגט טעקסט צווישן די שורות - "גרינגער" - מיינסטו מסתמא בדרך כלל, נישט ספעציפיש דעם ארטיקל... נייטראלער • שמועס • ג' אדר ה'תשפ"ג 22:11 (IDT)

לענ"ד איז יא וויכטיג אנצוהאלטן דעם תנאי אז עס זאל זיין גענוג צענטראל. דאס פארמינערט נישט מיט קיין האר דעם חשיבות פון צושטעלן די ווייניגער-צענטראלע ארטיקלען, און פערזענליך בין איך ביי דער מיינונג אז על דרך כלל איז בעסער צו שרייבן עטליכע גרינגערע ארטיקלען ווי איין שווערע, אבער דער ציל פון אבן הפינה איז צו פארמירן א באזיס פון גענוג צענטראלע און באקאנטע נושאים אראפגעשריבן אויף המכלול סטאנדארטן. דאס איז נישט די זעלבע זאך ווי "רעקאמענדירטע ארטיקלען", למשל, וואו איך וואלט טאקע געשטימט דערפאר. — צמא לדעת • שמועס • ב' אדר ה'תשפ"ג 10:55, 23 פעברואר 2023 (IST)

תענית אסתר

אקטיווע מכלולאים‌‌‌‌‌‌‌‌‌‌‌‌‌‌‏ קוקט איבער דעם בלאט. לדעתי א שלימות איבער א וויכטיגע נושא און איז פאסיג פאר אבן הפינה. --עברי אנכי (שמועס) 18:44, 6 מערץ 2023 (IST)

טעקע:Symbol support vote.svg דערפאר אבער שנעל! תנא קמא (שמועס) 18:51, 6 מערץ 2023 (IST)

טעקע:Symbol support vote.svg דערפאר, ודבר בעתו מה טוב. — צמא לדעת • שמועס • י"ג אדר ה'תשפ"ג 18:53, 6 מערץ 2023 (IST)

טעקע:Symbol support vote.svg דערפאר, (גוט מארגן...) נייטראלער • שמועס • י"ד אדר ה'תשפ"ג 19:54 (IDT)

חד גדיא

אקטיווע מכלולאים‌‌‌‌‌‌‌‌‌‌‌‌‌‌‏, עס איז טאקע פארנומענע טעג, אבער שאפט אייך עונג וגם שמחה און באקומט א פרישן בליק אויפ'ן גדיא באקאנט פאר יונג און אלט... וואס זאגט איר? — צמא לדעת • שמועס • ט' ניסן ה'תשפ"ג 03:19, 31 מערץ 2023 (IDT)

אוודאי טעקע:Symbol support vote.svg דערפאר! תנא קמא (שמועס) 21:45, 2 אפריל 2023 (IDT)

טעקע:Symbol support vote.svg דערפאר מיט א שטארקייט. א טיפישער שווערמער ארטיקל, מיט אריגינעלע פארש ארבעט און רייכע פאעטישע שפראך. --עברי אנכי (שמועס) 21:47, 2 אפריל 2023 (IDT)

אפיקומן

אקטיווע מכלולאים‌‌‌‌‌‌‌‌‌‌‌‌‌‌‏, נעמט אפיר דעם באהאלטענעם אוצר מיסודו של ידידנו עברי אנכי, און לאזט אייך הערן. לדעתי איז עס א זעלטן-רייכע ארטיקל איבער א וויכטיגע טעמע (וואס איז היבש פארנעפלט ביי א גרויס חלק פון דורכשניטליכע ליינער). — צמא לדעת • שמועס • י"ב ניסן ה'תשפ"ג 03:33, 3 אפריל 2023 (IDT)

טעקע:Symbol support vote.svg דערפאר מלא וגדוש, מיט ידיעות נישט אלס אזוי באקאנט, פיקאנטיש געשמאק און קלאר פארשריבן, כולו נאה כולו יאה!!! האט'ס אמונה (שמועס) 11:32, 3 אפריל 2023 (IDT)

טעקע:Symbol support vote.svg דערפאר הונדערט פראצענט! –תנא קמא (שמועס) 15:46, 3 אפריל 2023 (IDT)

באר היטב

אקטיווע מכלולאים‌‌‌‌‌‌‌‌‌‌‌‌‌‌‏, א באקאנט ספר גאר גוט און ברייט באשריבן. א פראכט פאר המכלול, און לדעתי ווערד צו זיין פון די גרונטשטיינער. עברי אנכי (שמועס) 03:42, 3 מאי 2023 (IDT)

שטארק טעקע:Symbol support vote.svg דערפאר. א הערליך שטיקל. —תנא קמא 📖 💬 04:09, 3 מאי 2023 (IDT)

טעקע:Symbol support vote.svg דערפאר - א באמבאסטישער ארטיקל! בלי זכות הצבעה ;) נייטראלער • שמועס • י"ב אייר ה'תשפ"ג 05:56 (IDT)

מודה אני

אקטיווע מכלולאים‌‌‌‌‌‌‌‌‌‌‌‌‌‌‏, א תפלה וואס יעדער איד זאגט יעדן טאג די ערשטע זאך, לדעתי פאסיג צו ווערן באצייכענט צווישן די ערשטע המכלול ארומנעמנדע רייכע ארטיקלען. עברי אנכי (שמועס) 03:42, 3 מאי 2023 (IDT)

טעקע:Symbol support vote.svg דערפאר, נאך א ביישפיל ווען מען וועט "מעדכן ע"פ האידישאי" זיין. שווערמער (שמועס) 04:47, 3 מאי 2023 (IDT)

טעקע:Symbol support vote.svg דערפאר - א געלונגענע ארבעט ב"ה, און יא, א דוגמא פאר אנדערע ארטיקלען! נייטראלער • שמועס • י"ב אייר ה'תשפ"ג 05:56 (IDT)