רוי:אליק (חסידות)
דער ערשטער אליקער רבי איז געווען הרה"צ ר' צבי אריה (הערש לייב) לנדא. אליק איז געווען א שטעטל אין וואהלין (היינט אין אוקראינע).
רבי הערש לייב איז געווען א תלמיד פון דעם מגיד פון מעזריטש רב דוב בער. זיינע תורות זענען געדרוקט אינעם ספר "אור חכמים".
רבי נחמן מברסלב האט זיך עטליכע מאל געטראפן מיט אים, און זיי האבן געהאט לענגערע שמועסן אין קבלה און אין מעשה מרכבה.[1]
רבי נחמן מברסלב האט געזאגט אויף אים ער האט אין זיך די חכמה פון שלמה המלך ע"ה.
איינער האט אמאל געזאגט פאר רבי נחמן אז רבי הערש לייב איז זייער פרום, האט אים רבי נחמן געזאגט זיין מעלה איז נישט ער איז פרום זיין מעלה איז ער איז קלוג.[2]
רבי הערש לייב האט געהאט א זון, רבי יוסף דוד (זיין נאכפאלגער אין אליק), און א טאכטער וואס האט חתונה געהאט מיט רבי פינחס פון קאלק, א זון פונעם אור המאיר פון זשיטאמיר.
דער צווייטער רבי צבי הערש לייב לנדא פון אליק איז געווען א זון פון ר' שמעון שלמה (אן אור-אייניקל פון דעם גרינדער פון דעם הויף) און אן איידעם פון טריסקער רבי'ן רבי יעקב לייב. צום זיווג שני האט ער חתונה געהאט מיט דער טאכטער פון ר' פינחס פון לעכאוויטש.
אין יאר תרפ"ד (1924) האט ער געצויגן קיין אמעריקע. ער איז אוועק י"א אב תשכ"ו.
דער אליקער בוים
רבי צבי אריה לאנדא (י"א תשרי ה'תק"ך - י"א תשרי ה'תקע"ב), רבי אין אליק.
- רבי יוסף דוד לאנדא ( - כ"ח מנחם אב ה'תר"ט), פון אליק.
רעפערענצן
- ↑ זעט רבי נחמן'ס נסיעה קיין ארץ ישראל ביי דעם פרק פון נעשכיז.
- ↑ שיח שרפי קודש ברסלב
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!