רוי:ג' אייר

ג' אייר איז דער דריטער טאג פונעם אכטן חודש אין די אידישע יאר, ציילנדיג פון תשרי, און דער דריטער טאג פונעם צווייטן חודש ציילנדיג פון ניסן.

חגים וזמנים

• די אכצנטע טאג אין ספירת העומר
• פורים שני ביי די אידן פון רוים, צוליב וואס זיי זענען געראטעוועט געווארן פון א בלוט בלבול וואס דער משומד חנניה דע פוליניו האט אויסגעטראכט אין יאר ה'שט"ו
• הילולא פון חוני המעגל, ביי זיין ציון מערב זייט פון חצור הגלילית

געשעענישן

• ה'תש"ג – ווארשעווער געטא אויפשטאנד: די נאציס האבן אריינגעבראכן אין הויפטקווארטיר פון די אידישע קאמף ארגאניזאציע. פילע פון די פירער פון אויפשטאנד, אריינגערעכנט דער קאמאנדיר מרדכי אניעלעוויטש, זענען באגאנגען זעלבסטמארד
• ה'תש"ח – מלחמת העצמאות: צפת ווערט באפרייט

געבוירן

• ה'תשט"ו – רבי בן ציון אריה לייבוש האלבערשטאם, באבובער אדמו"ר

יארצייטן

• ד'תתקס"ג – רבי מנחם בן יעקב פון ווירמייזא, א פייטן און דיין אין ווארמס
• ה'תפ"ג – רבי ישראל ישעיה בן אברהם, דער מחבר פון דעם ערשטן "באר היטב"
• ה'תק"ה – רבי יהודה לייב פון פיסטין, פון די ערשטע תלמידים פון בעל שם טוב, פון די לומדים אין בראדער קלויז און א מגיד מישרים אין פיסטין און קאלאמיי
• ה'תקצ"ג – רבי אריה לייב צינץ, דער פלאצקער גאון, רב אין פלאצק און טשעכאנאוו, פוילן (געבוירן ה'תקכ"ח)
• ה'תרי"ג – רבי יצחק פרחי, א דיין, דרשן און שד"ר פון ישוב הישן אין ירושלים (געבוירן ה'תקל"ט)
• ה'תרע"ג – רבי זאב פיילכענפעלד, רב פון דיסלדארף און פויזן, פון די הויפט פירער פון ארטאדאקסיע אין דייטשלאנד, פון די גרינדער פון אגודת ישראל און מיטגליד פון מועצת גדולי התורה (געבוירן ה'תקפ"ז)
• ה'תרפ"ה – רבי ישעיה שטיינער, אדמו"ר און פועל ישועות אין קערעסטיר (געבוירן ה'תרי"ב)
• ה'תשנ"ה – רבי אברהם מאיר איזראעל, מחבר פון "בני רא"ם-ילקוט המאירי", "אמרי אברהם" און נאך
• ה'תשס"ה – רבי אבא מרדכי בערמאן, ראש ישיבת עיון התלמוד אין מודיעין עילית (געבוירן ה'תרע"ט)

---

• ב' אייר – ד' אייר
• אייר