רוי:רבי בן ציון אריה לייבוש האלבערשטאם
| געבורט |
ג' אייר ה'תשט"ו ניו יארק | ||||
|---|---|---|---|---|---|
| טעטיגקייט אָרט | בארא פארק | ||||
| דינאסטיע | באבאוו | ||||
| |||||
רבי בן ציון אריה לייבוש האלבערשטאם (געבוירן ג' אייר ה'תשט"ו) איז דער היינטיקער באבאווער רבי. ער איז א זון פון דעם דריטן באבאווער רבי'ן שלמה האלבערשטאם, און א ברודער פון רבי נפתלי צבי האלבערשטאם וואס איז געווען דער פערטער רבי נאך זיין טאטן.
ער איז געבוירן געווארן תשט"ו אין קראון הייטס און האט געלערנט אין באבובער תלמוד תורה[1].
ער איז נתמנה געווארן אלס רבי גלייך נאך דער פטירה פון דעם באבוב'ער רבי'ן רבי נפתלי צבי האלבערשטאם, וואס האט קיין זון נישט איבערגעלאזט נאר צוויי איידעמעס: דער עלטערער איידעם רבי יהושע רובין און דער צווייטער הרב מרדכי דוד אונגער, היינט רבי פון באבאוו־45.
נאך דער פטירה פון רבי שלמה'לע האט מען געקרוינט זיין עלצטן זון רבי נפתלי צבי אלס נאכפאלגער, ממלא מקום, און זיין זון רבי בן ציון האט מען געקרוינט אלס רב הצעיר (יונגער רב).
נאך דער פטירה פון רבי נפתלי צבי האלבערשטאם, האט דאס חסידות צעשפאלטן. זיין שוואגער רבי חיים יענקל טויבער, דיין פון דער קהילה, האט געקרוינט רבי נפתלי'ס ברודער און רב הצעיר רבי בן ציון אריה לייבוש פאר מנהיג הקהילה. א חלק פונעם חסידות האט אבער אויפגענומען רבי מרדכי דוד אונגער אלס רבי און זיין שוואגער רבי יהושע רובין אלס רב.
נאך א לענגערן און קאנטראווערסיאלן דין-תורה פון נאנט צו צען יאר אין בית דין, האט רבי בן ציון זוכה געווען אין די אויסשליסליכע רעכט זיך צו קענען רופן "באבאווער רב" אדער "האדמו"ר מבאבוב", און זיינע פלומעניקעס זענען לויטן פסק געהייסן געווארן צוצולייגן א שטאטס-נאמען אדער א גאס-נאמען צו דעם נאמען באבוב [מקור פארלאנגט]. אויפן פסק דין פעלט דער אונטערשריפט פון איינעם פון די דיינים, וועלכער האט נישט געוואלט באשטעטיגן דאס שטאנדהאפטיגקייט און אומאפהענגיגקייט פונעם פסק. פונדעסטוועגן אבער, איז דער פסק דין פולקאם אנגענומען געווארן ווען די אנדערע זייט האט אפיציעל אדאפטירט דעם נאמען "באבוב-45" און רבי בן ציון איז געבליבן מיטן נאמען באבוב.
קינדער
- הרב חיים שלום, האט געהייראט מרת רויזא בלומא, טאכטער פון רבי בעריש מייזליש פון סאטמאר בארא פארק
- מרת חיה פראדל, ווייב פון הרב חיים שלמה האלבערשטאם, סגן דומ"ץ באבוב.
- הרב דוד, איידעם פון הרב לייבוש הורוויץ בן הרב צבי הירש פון סטריזשעוו
- מרת חנה רחל, ווייב פון הרב חיים דוד וואקסמאן
- מרת רבקה שיינדל, ווייב פון הרב יחזקאל ליפשיץ
- הרב מרדכי דוב, איידעם פון זיין פעטער הרב ברוך אברהם הורוויץ ראש ישיבת באבוב
- הרב יחזקאל שרגא, האט געהייראט מרת יוכבד רבקה, טאכטער פון הרב אברהם ברוך הורוויץ
- הרב אברהם יהושע העשיל, האט געהייראט מרת חנה שרה ביילא, טאכטער פון הרב ישכר בעריש פרידמאן אב"ד קהל בית ישראל סידערהורסט
- מרת מרים ביילא, ווייב פון הרב ישראל בלום זון פון הרב בן ציון דומ"ץ באבוב לאנדאן[2]
- מרת נחמה אסתר, ווייב פון הרב בן ציון משה הלוי הורוויץ זון פון רבי אברהם אבא, דער באבאווער ראש ישיבה אין לאנדאן, ענגלאנד.
- הרב ישראל אלימלך, האט געהייראט מרת יוכבד, טאכטער פון רבי יצחק יוסף לעזער, איידעם פון רבי נחום הורוויץ רב ד'קהל שארית ישראל.
- הרב שלמה, האט געהייראט מרת מרגלית, טאכטער פון הרב בעריש ערנסטער זון פון רבי ישראל ערנסטער און אייניקל פון רבי משה ערנסטער אב"ד מאור חיים ירושלים.
דרויסנדיגע לינקס
- אט איז א ווידעא קליפ פון זיין הכתרה, זיצנדיג שבעה נאך זיין ברודער, דער פריערדיגער רבי.[1]
- ווידעא קליפ פון זיין הדלקת נר חנוכה [2]
- חנוכה טיש
- ווידעא קליפ פון ר' שלום קעסלער אינדערמיט מיט נאך 12 אינגעלייט זינגען מיט א פידל ביים רעבין טיש
רעפערענצן
- ↑ שלמה ניימאן, "אשרי ילדותינו: די קינדער יארן פון אונזערע רבי'ס", קינדער שריפט 235, סוכות תשפ"ד, עמ' 67
- ↑ חתונה פון באבאווער רבי'נס טאכטער
| פריערדיגער: רבי נפתלי צבי האלבערשטאם |
אדמור"י באבאוו תשס"ה - |
נאָכפאלגער: היינטיגער |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!