רוי:דימונה

דימונה

מיינונג פון דימונה

מדינה / טעריטאָריע

מדינת ישראל

גרינדונג דאַטע

1955

ראַיאָן

דרום

בירגערמייסטער

בעני ביטאן

אָפיציעלע שפּראַך

העברעיש

שטח

29.877 קוואדראט ק"מ

הייך

550 מעטער

‑ אין שטאָט
‑ באַפעלקערונג ענגקייט

32,500‏ (שטייענדיג 2010)
1,088 באוואוינער א ק"מ²

צייט זאָנע

UTC+2

דימונה איז א שטאָט אין דעם דרום דיסטריקט אין מדינת ישראל, געגרינדעט אין 1955. זי האט באקומען דעם נאמען שטאט אין 1969. לויטן צענטראלן ביורא פאר סטאטיסטיק פאר דעצעמבער 2005, האט דימונה 32,500 איינוואינער. די יערליכע וואוקס ראטע האלט ביי 0.6 פראצענט. רוב זענען אידן. דארט איז אויך דער צענטער פאר אפריקאנער וואס טענה'ען אז זיי שטאמען פון שבט יהודה.

דימונה איז 36 ק"מ דרום פון באר שבע, און 35 ק"מ מערב פון ים המלח. אין דעצעמבער 2005 איז די באן אויסגעברייטערט געווארן ביז דימונה, מיטן ציל (אין א גראנדיזן פראיעקט וואס די מדינת ישראל באנען האט אונטערגענומען) עס אויסצוברייטערן ביזן ווייטן דרום אילת.

דימונה איז באקאנט פאר דעם שכינות'דיגן פארשונג צענטער פאר נוקלעארע וואפן וואס איז 10 קילאמעטער דרום-זייט פון שטאָט.

איינע פון די דערמאנונגען אז מ'וואינט נעבען א נוקרעאלע פלענט, איז געווען אויגוסט 2004 ווען "לוגאל" א טאבלעט וואס מינימיזירט די קאנצעקווענצען פון א ראדיו-אקטיוו ארויסרין, איז אויסגעטיילט געווארן פאר אלע איינוואינער, טייל זאגען אז ס'איז געווען דעמאלט'ס א ארויסרינונג, נאר די רעגירונג האט נישט געוואלט דערשרעקען די מענטשען, און געזאגט אז ס'איז נאר א באווארענונג.

עקאנאמיע

אין דעם דימונה געגנט זענען אויפגעשטעלט עטליכע גרויסע פאבריקן, אַריינגערעכנט די ים-המלח ווערקן, ראָטעם אַמפערט ווערקן, חיפה כעמיקאַליעס און דער נוקלעאַר פארשונג אינסטיטוט. ביים אַריינגאַנג צו דער שטאָט איז א גרויסער איינקויף צענטער וואס פארנעמט אַ שטח פון 16,000 קוואדראט מעטער.