אונטערשייד צווישן ווערסיעס פון "רוי:אדאלף היטלער"

'''אַדאָלף היטלער''' ({{שפראך-de|Adolf Hitler}};{{ר}} 1889 - 1945), געבוירן אין [[בראַונאַו]], [[עסטרייך]], איז געווען דער קאנצלער און נאכן טױט פֿונעם רײַכספּרעזידענט פּאַול הינדענבורג 1934 דער דיקטאַטאָרישער "פיהרער" פון [[דייטשלאנד|דײַטשלאַנד]] צווישן די יארן [[ה'תרצ"ג]] ביז זײַן טױט [[ה'תש"ה]]. ער איז געווען דער הויפט־פאַראַנטוואָרטלעכער פאַר דער [[צווייטער וועלט קריג|צווייטער וועלט־מלחמה]] און דער טרויריג באַרימטער מאַסנמערדער און ייִדן־פאַרטיליקער וואָס טראָגט דעם אַחריות פֿאַרן [[חורבן אייראפע|חורבן אײראָפּע]]. אונטער זײַן ממשלה און אױף זײַן באַפֿעל זענען דערהרגעט געװאָרן 6 מיליאן [[ייד|ייִד]]ן און צווישן 9 צו 20 מיליאָן מענטשן פון אַנדערע פעלקער. זײַן [[אידעאלאגיע|אידעאָלאָגיע]] איז געווען אז די דײַטשן װי די פֿאָרשטײער פֿון דער [[אריער ראסע|ארישער ראסע]] דארפֿן געוועלטיקן אין [[אייראפע|אייראָפע]].

די נאַציאָנאַל־סאָציאַליסטישע דײַטשע אַרבעטער־פאַרטיי איז געגרינדעט געוואָרן דורך [[אנטאן דרעקסלער|אַנטאָן דרעקסלערן]] אין יאָר 1919 אין מינכען אונטערן נאָמען „דײַטשע אַרבעטער־פּאַרטײ“. להיפּוך צו דער פּאָפּולערער לעגענדע איז היטלער נישט געװען דער גרינדער פֿון דער פּאַרטײ, נאָר אַ פֿרי מיטגליד אירס. בעיקר ארבעטסלאזע מענטשן און ליידיגגייער זענען געווען די ערשטע מיטגלידער. ווען היטלער איז אנגעקומען האט מען אנדעקט אין אים א שטארקע כח אין רעדן, און ער איז געווארן דער רעדנער פאר דער פארטיי. זיינע קעגנער האבן אים באצייכנט שטענדיק אלס [[דעמאגאג]].