רוי:אבינו מלכנו

"אָבִינוּ מַלְכֵּנוּ" איז א יידישע תפילה וואס באשטייט פון עטליכע פערציג בקשות און תחינות, וואס יעדער איינער הייבט אן ווענדן צום אייבערשטן מיט די ווערטער "אבינו מלכנו". התפילה נאמרת בעשרת ימי תשובה ובתעניות.

מקור פון דער תפילה

די תפילה אבינו מלכנו ווערט געברענגט שוין אין סדר רב עמרם גאון, וואס איז דער עלטסטער סידור וואס מיר האבן היינט. אין כלבו שטייט געשריבן אז דער מקור פון דער תפילה איז אין דעם תלמוד (מסכת תענית כ"ה, ע"ב) וואס רעדט וועגן דאווענען אין א צייט פון טרוקעניש. אין דער גמרא ווערט געברענגט אז די חכמים האבן גוזר געווען א תענית ציבור, און רבי אליעזר האט געדאווענט און געדאווענט, דאך איז נישט געקומען קיין רעגן. איז רבי עקיבא געגאנגען צום עמוד און האט געזאגט: "אבינו מלכנו חטאנו לפניך. אבינו מלכנו אין לנו מלך אלא אתה", און באלד האט אנגעהויבן רעגענען. שרייבט דער כלבו: "וכשראו הדור שנענה באותה תפילה, הוסיפו עליו דברי בקשות ותחנונים, וקבעום לעשרת ימי תשובה". די ווערטער ווערן ציטירט אין בית יוסף און ענליכע ווערטער טרעפט מען אין סידור רש"י. הרב מרדכי יפה שרייבט אין דעם לבוש: "שהוא נתייסד מפי ר' עקיבא כנגד ברכות אמצעיות של שמונה עשרה" און פון זיינע ווערטער איז קלאר אז ער איז מייחס דעם תיקון התפילה אליין צו רבי עקיבא.

ווערנט די יארן האט מען צוגעלייגט נאך בקשות אין דער תפילה פון אבינו מלכנו, לויט די נוסחאות פון די פארשידענע געמיינדעס.

רעפערענצן

דער ארטיקל בנוגע אידישקייט איז א שטומף. איר זענט געלאדנט עס צו פארברייטערן.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!