תורה אור און לקוטי תורה
פאראמעטער פעלערן אין מוסטער:ספר
פאראמעטער [ ויקיטקסט ] ערשיינען נישט אין מוסטער דעפיניציע
 | |
| שער בלאט | |
| אלגעמיינע אינפארמאציע | |
|---|---|
| דורך | רבי שניאור זלמן פון לאדי, דער בעל התניא |
| שפת המקור | לשון הקודש |
| תורגם לשפות | ענגליש (טיילווייז) |
| סוגה | ספרות תורנית - חסידות |
| הוצאה | |
| הוצאה | קה"ת |
| נאך אויסגאבעס | |
| דאטום פון ערשטער אויסגאבע | ה'תקצ"ז |
 | |
| שער בלאט | |
| אלגעמיינע אינפארמאציע | |
|---|---|
| דורך | רבי שניאור זלמן פון לאדי, דער בעל התניא |
| שפת המקור | לשון הקודש |
| תורגם לשפות | ענגליש (טיילווייז) |
| סוגה | ספרות תורנית - חסידות |
| הוצאה | |
| הוצאה | קה"ת |
| נאך אויסגאבעס | |
| דאטום פון ערשטער אויסגאבע | ה'תר"ח |
תורה אור און לקוטי תורה זענען ספרים פון חסיד'ישע מאמרים געגעבן דורך רבי שניאור זלמן פון לאדי, דער גרינדער פון חסידות חב"ד, אויף די פרשיות, ימים טובים, מגילת אסתר און שיר השירים, פון יאר ה'תקנ"ו ביז תקע"ב. זיי זענען געווארן געדרוקט דורך זיין אייניקל דער צמח צדק, דער דריטער רבי אין חב"ד, וועלכער האט זיי צעטיילט אין צוויי חלקים: דער ערשטער באנד, אויף בראשית שמות, האט ער גערופן תורה אור, און דער באנד אויף ויקרא במדבר דברים האט ער גערופן לקוטי תורה. די ספרים זענען פון די ספרי יסוד אין חב"ד.
תוכן
דער סגנון פון די מאמרים (און אזוי האט ממשיך געווען חב"ד), איז צו ניצן די טיפסטע מאמרים אין חסידות [אפילו די וואס זענען נאנט צו קבלה], ביז למעשה ממש, אויפן מהלך פון רעדן צום שכל און אזוי וועט דער גוף נפש הבהמית אליין זיך בייגן, וואס בעצם איז דאס א השלמה צום מהלך וואס ער שרייבט אין תניא. דער סדר בפרטות פון די מאמרים איז אז ער ברענגט אראפ א מאמר חז"ל וכדומה נאכדעם פרעגט ער אפאר דקדוקים און קשיות, דערנאך ברענגט ער אראפ א חסידישע מאמר וואס איז מבאר יסודות החסידות, וואס דורכאויס דעם מאמר ווערט פארענטפערט די דקדוקים.
שאפונג
רבי שניאור זלמן פון ליאדי האט געזאגט משך זיינע יארן בערך צווי טיוזנט אמר חסידישע "מאמרים" אין די שבתות און ימים טובים[1]. די המאמרים האבן געשריבן, זיין ברודער רבי יהודה ליב, זיין קינד רבי דובער שניאורסון, און אפאר פון זיינע חסידים, שפעטער האט אויך געשריבן זיין אייניקל רבי מנחם מענדל, דער צמח צדק. פון די אלע רשימות האט צאמגענומען דער צמח צדק, קרוב צו פיר אינדערט מאמרים, וואס זענען געזאגט געווארן פון יאר ה'תקנ"ו, ער האט דאס מסדר געווען לויט פרשיות און צוגעגריידט צום דרוק.
אויף די ערשטע חלק, "תורה אור", האט דער צמח צדק גענומען בעקר מאמרים פון די רשימות פון זיין פעטער, רבי יהודה ליב דער ברודער פונעם בעל התניא, ווייל עס איז זייער פונקטליך. ער האט צוגעלייגט גאנץ ווייניג - בעיקר מציין געווען יעדן מאל ווי דער בעל התניא איז מאריך אופן נושא מער און אנדערע מאמרים. די מאמרים אינעם צווייטן חלק, "לקוטי תורה", האט ער אינגאנצן בארבעט[2] צוגעלייגט אסאך מראי מקומות און ציונים אויף ספרי קבלה, מדרשים, צוגעלייגט הגהות, אייגענע הערות און ביאורים. אסאך מאל האט ער מחבר געווען אפאר מאמרים צוזאמען, אבער ער האט אכטונג געגעבן צו זאזן די נוסח פונעם בעל התניא ווי די שרייבערס האבן געשריבן,
גבוי פונעם ספר
דער ספר תורה אור האט אין זיך 155 מאמרים. אפאר מאמרים אויף יעדע פרשה פון חומשים בראשית און שמות, אכצן מאמרים אויף מגילת אסתר, זעכצן מאמרי חסידות אויף חנוכה- וואס איז געדרוקט אין פרשת וישב און מקץ, א מאמר אויף פסח אין פרשת ויקהל. (א חלק דרושים אויף פרשת בשלח און פקודי זענען געדרוקט אנהייב ספר לקוטי תורה).
דער ספר לקוטי תורה האט אין זיך בערך-230 מאמרים. אפאר מאמרים אויף יעדע פרשה פון חומשים ויקרא, במדבר, דברים. מאמרים אויף פסח אין פרשת צו, מאמרים אויף ספירת העומר און שבועות אין פרשת במדבר, מאמרים אויף חודש אלול אין פרשת ראה, מאמרים אויף די ימים טובים פון תשרי: ראש השנה, עשרת ימי תשובה, יום הכפורים, סוכות און שמיני-עצרת. און סוף ספר איז דא 42 מאמרים אויף שיר השירים.
דרוקעריי און נאמען
די נאמען פון די ספר - ("תורה אור") איז מרמז אויף די נאמען פון דער מחבר ר' שניאור זלמן. אזוי דער צמח צדק וואס האט געמאכט דעם ספר, איז מרמז אין זיין בריוו וואס רעדט פונעם ספר, (עס איז געדרוקט ביי די הוספות צום ספר).
די ערשטע חלק - (תורה אור) איז געדרוקט געווארן צום ערשטן מאל[3] אין יאר תקצ"ז (1837 למנינם). די צוויטע חלק פונעם ספר האט געדארפט ארויסגיין נאך אין יענעם יאר, האבער צוליב א הלשנה וואס האט גורם געווען אז מען זאל פארמאכן אלע דרוקערייען אין רוסלאנד, האט מען דאס געדרוקט ערשט אין יאר-[3] תר"ח (1848 למנינם) מיטן נאמען "לקוטי תורה". [מן הסתם האט מען פארביטן דעם נאמען כדי די ממשלה זאל נישט וויסן אז עס איז א המשך פון תורה אור].
דרויסנדע לינקס
- דער ספר תורה אור, אין א ספר, אין וועבזייטל פון "ספריית חב"ד" מיט "היברובוקס".
- דער ספר לקוטי תורה, אין א ספר, אין וועבזייטל פון "ספריית חב"ד" מיט "היברובוקס".
- רבי מנחם מנדל שניאורסון - לעצטער חב"ד'סקער רבי, מפתחות און הערות צום ספר תורה אור, ברוקלין תשט"ו
- ערשטן דרוק, לקוטי תורה מספר במדבר, זיטומיר תר"ח
- שיעורים אין תורה אור ולקוטי תורה,אין וועבזייטל "חסידות נט"
- הרב אבינועם אהרוני, בארבעטע מאמרים פון תורה אור און לקוטי תורה אין וועבזייטל בעל התניא.
- הרב יוסף יצחק אופן, שיעורים אויף ווידאו אין מאמרי תורה אור און לקוטי תורה אין וועבזייטל חסידות טיוי.
רעפערענצן
- ↑ רוב איז געדרוקט געווארן אין סדרת מאמרי אדמו"ר הזקן לפי די יארן.
- ↑ היום יום טו בשבט, תש"ג
- ↑ 3.0 3.1 היום יום ג' שבט, הוצאת ספרים קה"ת. תש"ג