רבי יעקב קאפיל חסיד
רבי יעקב קאָפל חסיד (נפטר ט"ו אלול ה'תקמ"ז) איז געווען א תלמיד פון בעל שם טוב, דער טאטע פון דער אהבת שלום וואס פון אים שטאמען די קאסובע און וויזשניצע חסידות'ן. מען פלעגט אים רופן "דער שויתי'ניק".
| קינדער | רבי מנחם מענדיל האגער, דער 'אהבת שלום' פון קאסוב |
|---|---|
| פטירה |
ט"ו אלול תקמ"ז טיסמעניץ |
נוסח פון זיין מצבה
|
|---|
|
תקמ"ז לפ"ק |
| זכרון לראשונים |
ביאגראפיע
געבוירן אין קאלאמייע צו א מיוחס'דיגע משפחה וואס האט זיך גערופן "קאפילעטיס"[1], און האט געשטאמט פון די חכמי פּראָווענציע[2]. זיין פאטער רבי נחמיה פייוול איז געווען א סוחר, א זון פון רבי יעקב קאפל קאמיאל פון קאלאמייע[3]. רבי יעקב קאפל קאמיאל איז געקומען קיין קאלאמייע פון שטאט טשעכנאווצי מיט פעסער אנגעפילט מיט גאלדענע רענדלעך, און ער האט דארט אויפגעבויט א בית המדרש און מקוה[2].
רבי יעקב קאפל האט געהייראט חיה, א טאכטער פון זיין פעטער רבי זלמן, וועלכער איז געווען אן איידעם ביי א זון פונעם טורי זהב.
ער האט זיך נישט געפירט ברבנות, נאר געווען באקאנט אלס א צדיק. צו זיין פרנסה האט ער געהאט א קליין געשעפט, און ער פלעגט פארן צום מארק[2]. מענטשען פלעגן אים רופן "דער שויתי'ניק" וויבאלד ער האט כסדר געזאגט צו זיך דעם פסוק ”שויתי ה' לנגדי תמיד” (תהלים טז, ח), אויך ביים האנדלען[2][4]. ער איז געווען א נסתר, ביז דער בעל שם טוב האט אים מגלה געווען און אים מקרב געווען צו זיין נייע דרך החסידות, און ער איז געווארן פון זיינע תלמידים.
עס איז מקובל ביי וויזשניצע חסידים אז ער איז געווען בעל תפילה ביים בעל שם טוב, צוליב זיין זיסע תפילה[5], און אז דער בעל שם טוב האט אים פארשפראכן אז מאראמאראש וועט געהערן צו זיינע קינדער[6].
זיין פרוי איז נפטר געווארן י"ג אייר, ה'תקל"ה אין קאלאמייע. אין זיינע לעצטע יארן האט רבי יעקב קאפל געוואוינט אין טיסמעניץ, וואו חסידות האט זיך פארשפרייט דורך אים. ער האט געשיצט אויף רבי משולם איגרא, מען זאל נישט מזלזל זיין אין זיין כבוד[7].
רבי יעקב קאפל איז נפטר געווארן ט"ו אלול, ה'תקמ"ז, און באגראבן געווארן אין טיסמעניץ.
טייל פון זיינע תורות ווערן אראפגעברענגט אין ספר פון זיין זון, "אהבת שלום".
קינדער
- רבי יצחק, פון קאלאמייע
- בלומא, פרוי פון רבי צבי הירש, און בזיווג שני האט זי חתונה געהאט מיט רבי אורי פון סטרעליסק
- זיין זון, רבי מנחם מענדיל האגער, איז געווארן רב און רבי אין קאסוב און אוועקגעשטעלט די קאסובע און וויזשניצע שושלת
צו ליינען מער
- הרב חיים צבי תאומים, זכרון לראשונים, קאלאמיא תרע"ד, אויף היברובוקס
- חיים כהנא, אבן שתיה החדש א', ירושלים: מעיין החסידות, תשנ"ד, מערכה ראשונה, פרק א', אויף היברובוקס
דרויסנדיגע לינקס
- "צאצאי הרה"ק רבי יעקב קאפל חסיד זצ"ל", אשכול אויף אייוועלט
רעפערענצן
- ↑ "אגרת יוחסין", קובץ נחלת צבי - ב, בני ברק, טבת תש"נ (פארלאנגט אומזיסטע רעגיסטראַציע)
- ↑ 2.0 2.1 2.2 2.3 חיים כהנא, אבן שתיה החדש ראשון, ירושלים: מעיין החסידות, תשנ"ד, מערכה ראשונה, פרק ראשון
- ↑ וועלכער איז געווען א שוואגער מיט'ן תוספות יום טוב. חיים צבי תאומים, זכרון לראשונים, קאלאמייע תרע"ד. אבער אין אבן שתייה, ע' י"ט הערה ב ווערט אנגעמערקט אז עס שטימט נישט לויט די יארן, און אפשר איז ער געווען אן אייניקל פונעם שוואגער פון תוספות יום טוב.
- ↑ רבי מרדכי חיים סלאנים, כתבי הרמ"ח, ערך קוסוב ויזניץ; רבי יאשע שו"ב, כתבי ר"י שו"ב, עמוד כ"ב
- ↑ נתן אליהו רוט, כתר מלכות, בני ברק תשנ"ו
- ↑ החסידות - סקירה כללית / ד"ר יצחק אלפסי
- ↑ רבי יקותיאל אריה קאמלהאר, דור דעה, ארבע תקופות גאוני בתראי, פיעטרקוב, תרצ"ה