50 (נומער)

50 (אין ווערטער: פופציג) איז די נאטירליכע צאל וואס קומט נאך 49 און בעפאר 51.

50 (גאנצע צאל)

דעצימאל	50
אין ווערטער	פופציג
סדר'דיגע צאל	פופציגסט/ע/ר
גימטריא	נ
פאַקטאָריזאַציע	$\ 2\cdot 5^{2}$
רוימישע צאל	$\ L$
בינארישע צאל	110010
העקס	32

די נו בוכשטאב רעפּרעזענטירט די נומער 50 אין גריכישע נומעראַציע

אין מאטעמאטיק

50% איז האלב פון איין גאנצע.

• 50 איז די קלענסטע צאל וואס מען קען שרייבן ווי די סומע פון צוויי קוואדראטצאלן אין צוויי באזונדערע וועגן: $5^{2}+5^{2}=7^{2}+1^{2}=50$.
• 50 איז א הארשאד נומער, וואס צעטיילט זיך מיט'ן סך-הכל פון זיינע ציפערן: $50\div (5+0)=10$.
• 50 פראצענט באטרעפן האלב פון איין גאנצע.

אין וויסנשאפט

• 50 איז דער אטאם נומער פון צין.
• 50 איז דער פינפטער צויבער נומער אין נוקלעארע פיזיק.

אין אידישקייט

• דער פופציגסטער טאג פון אנהייבן ציילן ספירת העומר איז דער יום טוב שבועות.
• 50 איז די צאל פון יארן אין א יובל.
• עס זענען פארהאן 50 שערי בינה; משה רבינו האט זוכה געווען צו 49 פון זיי.
• חז"ל באשטימען אז ביי די פופציג יאר קען א מענטש ריכטיג ראטן, ”בֶּן חֲמִשִּׁים לָעֵצָה”.
• שטארבן ביי די פופציג יאר איז א מיתה פון כרת.
• אין מדרש רבה ווערט געברענגט עטליכע דעות ווען הבל איז אומגעברענגט געווארן, וואס אלע זענען מודה אז ער האט געלעבט נישט מער ווי פופציג טעג.
• די תיבה איז געווען 50 אמה ברייט.
• יציאת מצרים ווערט דערמאנט פופציג מאל אין די תורה.
• אין מדבר זענען געשטעלט געווארן צוועלף טויזנט "שרי חמשים", וואס יעדער פון זיי האט פארוואלטעט איבער פופציג אידן.
• די הויף פון משכן איז געווען פופציג אמה ברייט.
• די יריעות פון משכן זענען געווארן באהאפטן מיט פופציג העקעלעך וועלכע זענען אריין אין פופציג שלייפן.
• די נעמען פון די שבטים אנטהאלטן פופציג אותיות; 25 פון זיי זענען געקריצט געווארן אין איינע פון די אבני שוהם און 25 אין די אנדערע.
• רחב איז אלט געווען 50 יאר ווען זי האט זיך מגייר געווען.
• דוד המלך האט געצאלט 50 שקלים פאר ארונה'ס שייער, וואו עס איז שפעטער אויפגעבויט געווארן דער בית המקדש.
• 50 שקלים איז אויך דער ערך פון אן ערוואקסענער זכר, די העכסטע פון אלע ערכים.
• א שדה אחוזה ווערט אויסגעלייזט מיט 50 שקלים פאר א פעלד וואו מען קען איינזייען א כור פון גערשטן.
• דער אונס דארף באצאלן 50 שקלים פאר'ן פאטער פון די מיידל.
• לויט רבי יוסי הגלילי אין הגדה של פסח, זענען די מצריים געשטראפט געווארן מיט פופציג מכות ביים קריעת ים סוף.
• די לויים ענדיגן זייער עבודה אין משכן זייענדיג פופציג יאר.
• אבשלום און אדוניהו האבן זיך געשטעלט פופציג מענטשן וועלכע זאלן לויפן פאראויס וואו זיי גייען.
• המן'ס תליה איז געווען 50 איילן הויך.
• נחמיה האט בייגעשטייערט פופציג מזרקות צום בית המקדש.
• דער געווענליכער שיעור פאר תרומה איז איינס פון פופציג פון די תבואה.
• מען שטעלט נישט קיין מתורגמן פאר איינער וואס איז אונטער פופציג יאר אלט.

פארשידנס

• עס זענען פארהאן 50 שטאטן אין די פאראייניגטע שטאטן. האוואי איז צוגעקומען אלס פופציגסטע שטאט אין אויגוסט 21, 1959.