גרשון
| דער בלאט איז נישט קיין ענציקלאפעדישע ארטיקל | |
פאראמעטער פעלערן אין מוסטער:אנדערע באדייט
פאראמעטער [ ראו ] ערשיינען נישט אין מוסטער דעפיניציע
פאר אנדערע באדייטן, זעט גֵרְשׁוֹן אדער גֵּרְשֹׁם[1], איז דער עלסטער זון פון לוי זון פון יעקב און פאטער פון שבט לוי. זיינע ברודער זענען געווען קהת און מררי. זיינע זון זענען געווען לבני און שמעי. ווערט דערמאנט אין תנ"ך אין אפאר ערטער[2]. צווישן אנדערע ווערן גערעכנט אלס אייניקלעך זיינע אסף בן ברכיהו וואס איז געווען א משורר אין צייטן פון דוד המלך.
אין הר אתוס געפונט זיך א שטיקל פון צוואת לוי ווי ס'ווערט פאררעכנט גרשון'ס געבורט דאטום אין די צענטער חודש אין דרייסיג'סטן יאר פון זיין טאטע. צוויי יאר נאך וואס ער האט חתונה געהאט[3], און מסתבר אז אויך ער, ווי זיינע ברודער, איז געבורן געווארן אום ערשטן טאג אין חודש[4].
בני גרשון אין מדבר
ביים ציילונג אין ספר במדבר זענען געווארן גערעכנט 7500 מענער פון בני גרשון, עלטער פון א חודש[5], די נשיא פון די שבט איז געווען אליסף בן לאל[6]. ווי די אנדערע בני לוי וואס האבן געהאט די פליכט פון צו טראגן די משכן מיט אלע אירע כלים גייענדיג אין די רייזע אין מדבר, איז זייער טייל געווען די משכן, ד.ה. זיי האבן געטראגן די יריעות המשכן, די אוהל, די מכסה האוהל, און די מסך פתח אוהל מועד, אזוי אויך די קלעי החצר פון די משכן, און די מסך שער החצר צוזאם מיט אלע אנדערע כליםאון די שטריקלעך וואס האבן באדינט די קלעים. דאס אלס האבן געטראגן נאר די מענער, און נאר אין עלטער פון צווישן דרייסיג און פופציג וואס האבן גערעכנט צוזאם 2630 מענטשן[7]. דער פאראנטװארטלעכער אויף די טראגן איבער גאנץ שבט לוי איז געווען איתמר הכהן זון פון אהרן הכהן, וואס איז אויך געווען דער איבערהויפט פון בני מררי. צוליב דעם וואס זייער פליכט איז נישט געווען צו טראגן דל אלע כלי קודש, האבן זיי זיך באגעניגן מיט צוויי וואגאנען פון די וואס די נשיאים האבן געברענגט ביי די חנוכת המשכן, און די וואגן איז געטראגן געווארן דורך פיר אקסן[8][א].
ווען די אידן האבן גערוהט אין מדבר זענען בהני גרשון געווען אויף די מערב זייט פון די משכן, נעבן דגל מחנה אפרים[9], און ביי די וואנדערונגען זענען זיי געגאנגען צוזאמען מיט בני מררי טראגנדיג די משכן, נאך דגל מחנה יהודה, און פאראויס דגל מחנה ראובן[10].
ליינט מער
| עיינו גם בפורטל: | |||
|---|---|---|---|
| מוסטער:סמל פורטל | פורטל תנ"ך | ||
נאטיצן
רעפערענצן
- ↑ אזוי ווערט ער אנגערופן אין דברי הימים א' ו, אזוי אויך אין צוואת לוי אין הר אתוס.
- ↑ בראשית מו, יא, שמות ו, טז–יז, במדבר ג, יז–יח, במדבר ג, כה, דברי הימים א' ו און נאך עטליכע מאל.
- ↑ אליה שמואל הרטום, הספרים החיצונים, כרך ה', צוואות בני יעקב, עמ' 142.
- ↑ יונה גרינפילד און מיכאל סטון, REMARKS ON THE ARAMAIC TESTAMENT OF LEVI FROM THE GENIZA (עמוד 225), Revue Biblique, כרך 86, חוברת 2 (אפריל 1979).
- ↑ במדבר ג, כב.
- ↑ במדבר ג, כד.
- ↑ במדבר ד, מ.
- ↑ במדבר ז, ז.
- ↑ במדבר ג, כג;ב, יח.
- ↑ במדבר י, יד–יח.
קטגוריה:אישים בספר בראשית קטגוריה:לוויים בתנ"ך קטגוריה:פרשת נשא קטגוריה:יורדי מצרים
cc-by-sa 3.0 ערלויבעניש • אריגינעלער בלאט • ביישטייערער