רוי:פארווערטס
דער פאָרווערטס איז אַ ייִדישע צייטונג זייט ה'תרנ"ז, וואָס ערשיינט אין ניו־יאָרק.
די צייטונג איז געגרינדעט געוואָרן דעם 22סטן אַפּריל, 1897, און האָט תּמיד געקעמפט פאַר סאַציאַלער גערעכטיקייט, געהאָלפן דורות אימיגראַנטן זיך צוגעוואוינען צו דער אַמעריקאַנער געזעלשאַפט, און געווען די ערשט צו דרוקן וויכטיגע נייעס־אַרטיקלען אינעם 20סטן יאָרהונדערט. אונטער דער אָנפירונג פונעם ערשטן רעדאַקטאָר, אַב קאַהאַן, האָט דער "פאָרווערטס" מיט זיך פאָרגעשטעלט דאָס קול פונעם ייִדישן אימיגראַנט.
אין די 1930ער יאָרן איז דער "פאָרווערטס" געוואָרן איינע פון די בעסטע טאָג־צייטונגען אין אַמעריקע מיט אַ טיראַזש וואָס האָט דערגרייכט 275,000 קאָפּיעס. דער "פאָרווערטס" האָט געהאַט אַ השפּעה אין דער גאַנצער וועלט און אַפילו אינעם "ווייסן הויז" אין וואַשינגטאָן. נאָך טויזנטער מענטשן האָבן זיך צוגעהערט יעדן טאָג צו דער "פאָרווערטס"־ראַדיאָ־סטאַנציע "WEVD". אינעם "פאָרווערטס" האָבן זיך געדרוקט שרייבערס פון דער ייִדישער ליטעראַטור, צווישן זיי: מאָריס ראָזענפעלד, שלום אַש, אַברהם רייזען, דוד בערגעלסאָן, י. י. זינגער, חיים גראַדע און די נאָבעל־לאַורעאַטן י. באַשעוויס און אלי וויזעל.
דער "פאָרווערטס" איז היינט אַ וואָכנצייטונג, וואָס דינט ווי די הויפּט־פּובליקאַציע פאַרן ייִנגערן דור ייִדישע שרייבערס. באָריס סאַנדלער, וועלכער איז געוואָרן הויפּט־רעדאַקטאָר אין 1998, האָט איבערגעמאַכט דעם "פאָרווערטס". יעצט איז דער "פאָרווערטס" געוואָרן אַן אינטערנאַציאָנאַל־אָנערקענטע צייטונג מיט אַ הויכן סטאַנדאַרד פון פּאָליטישער און קולטורעלער קריטיק, וואָס ציט צו ליינער פון אַ סך לענדער. יונגע רעדאַקטאָרן און שרייבערס העלפן צו פאַרהיינטיגן די צייטונג. די "פאָרווערטס"־ראַדיאָ־שעה קען מען ווייטער הערן יעדע וואָך און אויף דער אינטערנעץ.
זי איז אמאל געווען אַ גרויסע יידיש רעדענדיגע טאג צייטונג אין אמעריקע. היינט צו טאג איז דער פארווערטס א וואכן צייטונג. זיי האבן אויך אן ענגלישע אויסגאבע, "דהי פאָרוואָרד", וואס דינט זייער ליבעראלער אגענדע און לעבן־אויסקוק.
זיין היינטיגער רעדאַקטאָרשע איז שרה רחל שעכטער, טאכטער פונעם לינגוויסט ד"ר מרדכי שעכטער; דער אסיסטענט־רעדאקטאר איז איציק גאָטעסמאַן.
קריטיק קעגן וויקיפעדיע
אין אקטאבער 2006 האבן פארווערטס פובליצירט אן ארטיקל וואס קריטיקטירט די יידישע וויקיפעדיע און טענה'ט אז אירע ארטיקלען זענען זייער קליין און פאסיק בלויז צו דער פרומער געמיינדע (וואס דערפאר וואלט דאס געדארפט הייסן "חרדיפעדיע"). א ראיה דערפון ברענגען זיי פון דעם ערשטן ארטיקל "צעטל קטן" וואס איז זייער קליין געשריבן אָן ברייטע אינפארמאציע. אויך שרייבן זיי אז דאס ווארט "חורבן" איז נישט עקזיסט אין דעם וויקיפעדיע לעקסיקאן. (פארבינדונג צו דער ארטיקל)
עס איז אינטערעסאנט אויפצומערקן אז זייערע אלע 3 טענות האט נישט קיין אונטערשטעל. 1. דער ארטיקל "צעטל קטן" איז פון די קלענסטע ארטיקלען אין דער וויקיפעדיע. 2. לפחות 50% פון אונזערע ארטיקלען האבן גארנישט צו טון מיט פרומקייט, נאר פארקערט, פילע ארטיקלען פארטוהען זיך מיט וועלטלעכע טעמעס. 3. דאס ווארט "חורבן" איז שוין לאנג עקזיסט אין דער חורבן ארטיקל.
זיינע שרייבערס
- באריס סאנדלער
- גענאדי עסטרייך
- שבע כּהן
- יואל מאַטוועיעוו
- עדי מהלל
- אַלכּסנדרה פּאָליאַן
- דזשאָרדין קוציק
- נח באָרעראָ
- שיקל פישמאן
- שלום בערגער
- לייזער בורקא
- איציק גאטעסמאן
- מרים שמולעוויטש האפמאן
- שרה רחל שעכטער
- ביילע שעכטער גאטעסמאן
- מיכאל קרוטיקאוו
זעט אויך
לינקס
| אידיש-שפּראַכיגע צייטונגען | ||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
אלע יידיש-שפראך וועבזייטלעך
אידישע נייעס • יידישע וויקיפעדיע • אייוועלט • הייד פארק • תפוז יידיש • דער אלגעמיינער זשורנאל • פארווערטס • יוגנטרוף • לעבנס פראגן • יונג יידיש • מלחמה איבערלעבער • קאווע שטיבל • אידיש24
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!