רוי:די צייטונג

די צייטונג - נייעס באריכט איז א אידיש-שפראכיגע וועכנטליכע צייטונג אין ניו יארק סיטי. זי איז געגרינדעט און רעדאַקטירט דורך ר' אברהם פרידמאן, א שטארק פרומער חסידישער סאטאמארער איד פון בארא פארק, ברוקלין.

די וואכן צייטונג ערשיינט יעדן מיטוואך אין אידיש.

אין 2012 האבן זיי אביסל איבערגעארבעט די צייטונג און געמאכט א באזונדערע ביילאגע פון די ארטיקלען מיטן נאמען "די אידישע צייט", ווי אויך לייגן זיי קאלירטע בילדער פון רבי'שע הויפן אין די מיטלסטע בלעטער.

די צייטונג האלט זיך פאר סאטמאר געשטימט און נעמט נישט קיין שטעלונג אינעם סאטמאר מחלוקת.

עס איז זייער פיל מיט וועלטליכע פאליטיק און נייעס ווי איידער נייעס פון חסידישע הויפן.

גרינדער

די צייטונג איז געגרינדעט געווארן און איז רעדאַקטירט דורך ר' אברהם פרידמאן, זון פון ר' ליפא פריעדמאן. ער איז א פראליפישער שרייבער, און ער פלעגט יארן ארבעטן פאר דער איד ביז איינמאל איז אים איינגעגעסן געווארן אז ער האט נישט געטארט שרייבן צופיל פאליטיק ווייל זיי האבן געוואלט זיין א פרומע צייטונג. האט ער געעפענט זיין אייגענע צייטונג די צייטונג.

ער איז נאענט מיט פאליטיקער און אזוי ארום ווייסט ער די גוטע קראנטע נייעס און פאליטיק. ער איז א שטארקער דעמאקראט, האלטנדיג אז פאר אידישקייט צו בליען דארף מען ערשט און איבער אלעם היטן אויף דעם וואנט וואס טיילט צווישן רעליגיע און רעגירונג.

דרויסנדיגע פאַרבינדונגען

• די צייטונג וועבזייטל

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!