רוי:חוה

חַוָּה, איז געווען די ערשטע פרוי און די ערשטע מאמע, זי איז באשאפן געווארן מיט די צלם אלקים. חוה איז געווען די פרוי פון אדם הראשון און די מאמע פון קין, הבל און שת, און נאך זון און טעכטער וואס זייער נאמען איז נישט באקאנט. איר נאמען ערשיינט צום ערשטן מאל אין פרשת בראשית, ג, כ. עס שטייט צוויי מאל די נאמען חוה אין תנ"ך.

נאמען

אדם הראשון האט איר א נאמען געגעבן חוה – כי היא היתה אם כל חי - ווייל זי איז געווען די מאמע פון אלע לעבעדיגע מאכנדיג חוה אלס די איינציגסטע פרוי וואס דער תורה איז מסביר די נאמען.

חוה און די בריאה

די געשיכטע וויאזוי אדם און חוה זענען באשאפן געווארן ווערט דערמאנט צוויי מאל אין די תורה. לויט ווי עס שטייט אין בראשית א', זענען אדם און חוה באשאפן געווארן פרייטאג "בצלם אלוקים", אבער עס שטייט נישט ווער עס איז באשאפן געווארן ערשט. ווי עס ווערט געשילדערט אין די תורה די צווייטע מאל, האט דער באשעפער באשאפן אדם פון ערד, און אים געלייגט אין גן עדן. ערשט האט ער באשאפן די בעלי חיים און זיי געברענגט צו אדם, אבער ער האט נישט געפינען אין קיינער פון זיי אן "עֵזֶר כְּנֶגְדּוֹ" (באהעלפער צו זיין זייט). דערפאר האט דער באשעפער באשאפן דאס פרוי פון זיין ???צלע??? צו אוועקנעמען זיין איינזאמקייט: "לֹא-טוֹב הֱיוֹת הָאָדָם לְבַדּוֹ; אֶעֱשֶׂה-לּוֹ עֵזֶר כְּנֶגְדּוֹ" (עס איז נישט גוט פאר דעם מענטש צו זיין אליין, איך וועל מאכן פאר אים אן עזר כנגדו).

די מדרשים זענען מפרש דעם פסוק "זָכָר וּנְקֵבָה, בָּרָא אֹתָם" אז אדם איז באשאפן געווארן א דאפלטע געשטאלט. אין מדרש רבה שטייט אז רבי ירמיה בן אלעזר האט געזאגט אז אדם איז באשאפן געווארן אן אנדרוגינוס.