רוי:זלמן שעכטער
סאלאמאן שעכטער (שניאור זלמן שעכטער) (ה'תר"ז - ה'תרע"ה, 1847 - 1915) איז געווען דער גרינדער פון קאנסערוואטיוו אידן, א קאנסערוואטיווער רב.
שעכטער איז געבוירן אין פאקשאן, רומעניע אין א משפחה פון חב"דסקע חסידים.
ער האט געברענגט דעם גרעסטן טייל פון דער קאיר גניזה קיין קעמברידזש.
זלמן שעכטער (1850 אין רומעניע — 1915 אין ניו-יאָרק), געלערנטער אין חכמת ישראל, דירעקטאָר און פּראפעסאָר פון אידיש-טעאָלאָגישן ראבינער-סעמינאַר אין ניו-יאָרק זינט 1902; רעדאגירט די תּלמודישע זוכווערטער אין דער "דזשואיש ענציקלאָפּעדיע"; באַרימט געוואָרן באַזונדערס דורך פאַרעפנטליכן די מאַטעריאלן פון די כתבי יד, וואָס ער האָט געבראַכט פון דער "גניזה" אין קהיר.
ער האָט אַרויסגעגעבן מיט אייגענע איינלייטונגען אבות דרבי נתן, צוואות פון רבי יהודה און רבי יעקב דעם ראש'ס קינדער, דעם געפונענעם העברעאישן כתב יד פון ספר בן סירא, דעם געפונענעם "ברית דמשק" (וואָס זאָל זיין אַ דאָקומענט פון די צדוקים); ער האָט געשריבן אין ענגליש "סטודיעס איבער יודאַאיזם"; פאַרעפנטליכט "סעדיאנא" (דאָקומענטן איבער רב סעדיה גאון), די מלחמות פון די כוזרים (כתב יד) און אַנדערע.
דער טעאָלאָגישער סעמינאַר ווערט געווענליך אויך גערופן "שעכטער-סעמינאַר". שעכטער איז אויך געווען איינער פון די גרינדער און רעדאקטאָרן פון דעם חכמת ישראל זשורנאל „דזשואיש קוואָטערלי רעוויו".