אונטערשייד צווישן ווערסיעס פון "רבי אהרן הגדול פון קארלין"

| נאמען = רבי אהרן פערלאוו

| טיטל = רבי אהרן הגדול פון קארלין

| געבורט ארט = [[יאנאווא]]

| טאטע = יעקב

| תפקיד1 = {{תפקיד מנהיג

| שם התפקיד = רבי פון [[קארלין (חסידות)|קארלין]]

| תאריך לידה = [[1736]]

רבי '''אהרן פערלאוו פון קארלין''' ([[ה'תצ"ו]]; 1736 – [[י"ט ניסן]] [[ה'תקל"ב]]; אפריל 22 1772) איז געווען פון די ערשטע [[אדמו"ר|חסידי'שע רבי'ס]], א תלמיד פון [[רבי דוב בער פון מעזריטש|מעזריטשער מגיד]], איינער פון די גרעסטע פארשפרייטער פון תורת ה[[חסידות]] אין די [[ליטא]] געגנט, און דער גרינדער פונעם [[קארלין סטאלין|קארלין־סטאָלינער דינאסטיע]]. ער ווערט אנגערופן רבי '''אהרן הגדול'''.

רבי אהרן איז געבוירן געווארן אין [[יאנאווא]] צו יעקב און פּערל{{ביאור|פון זיין מוטער'ס נאָמען, פּערל, שטאמט די משפחה נאמען פון דער קאַרלינער דינאַסטיע - "פערלאָוו"{{הערה|{{היברובוקס|דוד חיים זילבערשלאג|כרם החסידות|28727|ניסן תשמ"ה|page=156}}}}.}}. אין זיין יוגנט האָט ער געלערנט אסאך ש"ס און פוסקים. אונטער דער השפּעה פון זיין מוטער'ס ברודער, רבי מאנעלע פון קארלין, איז ער געווארן נאנט צום מעזריטשער מגיד, און איז געוואָרן פאררעכנט אלס איינער פון זיינע גרעסטע תלמידים{{הערה|זעט: [[רבי אליעזר דוד פרידמאן]], '''מפי ספרים וסופרים''', חלק שני עמוד קע"ח, אין נאמען פון [[רבי יצחק פרידמאן (באיאן)|דער פחד יצחק פון באיאן]], אז רבי אהרן הגדול און [[רבי מנחם מענדל פון וויטעבסק]] זענען געווען אנגענומען אלס די צוויי גרעסטע תלמידים פונעם מעזריטשער מגיד}}. זיצנדיג ביים טיש פון זיין רבי'ן האט ער געהאט אייגענע י"ב חלות ביי אלע שבת'דיגע סעודות{{הערה|{{היברובוקס||בית אהרן - על התורה ועל העבודה|46089|page=295}}}}.

אין תקכ"ה{{מקור|פאר דעם ספעציפישן דאטום}}, ווען זיין רבי האט נאך געלעבט, האט ער שוין געגרינדעט אַן אייגענעם געמיינדע אין דער שטאָט [[קארלין]] (היינט א פאָרשטאָט אין דער שטאָט [[פינסק]] אין [[ווייסרוסלאַנד]]), וועלכער איז פארוואנדלט געוואָרן אלס צענטער פאר חסידות אין צפון ליטא. אינאיינעם מיט [[רבי מנחם מענדל פון וויטעבסק]] האָט ער פאַרשפּרייט די תורת החסידות איבער גאנץ ליטא. א באווייז איבער זיין גרויסע השפּעה איז דער פאַקט אַז די [[מתנגדים]] צו חסידות אין דער צייט, פלעגן רופן אַלע חסידים "קארלינער"{{הערה|{{היברובוקס|רבי דוד צבי הילמאן|אגרות בעל-התניא ובני דורו|6664|עמוד קל"ז|page=154}}}}. זיין רבי האט אויף אים געשריבן אז זיין הדרכה איז גוט אין די אויגן פון באשעפער, און באפוילן זיינע תלמידים אין יענעם געגנט צו זיין אנגעקניפט מיט רבי אהרן{{הערה|שמע שלמה, חלק שני, שער סיפורים אות מ"ח}}. צווישן די תלמידים פון מעזריטשער מגיד וואס רבי אהרן האט דערנענטערט צו חסידות זענען געווען [[רבי חיים חייקא פון אמדור]] און [[רבי שלמה פון קארלין]]{{הערה|{{אוצר החכמה|אהרן הויזמאן|ברכת אהרן - פרח מטה אהרן|154449|page=12}}}}.

איינע פון ​​די אייגנשאפטן פון זיין דרך איז געווען דער מנהג צו דאווענען מיט התלהבות ביז א געשריי. דער פירונג עקזיסטירט ביז היינט אינעם קארלינער הויף. רבי אהרן, וועלכער האט געהאט א [[נגינה|מוזיקאלישן]] חוש, איז דער מחבר פון דעם באקאנטן זמר '''[[י-ה אכסוף]]'''. דער זמר איז פון די איינציגסטע חסיד'ישע זמירות וואָס זענען אַריין אין [[זמירות שבת]] און ווערט געזינגען אין אַ גרויסן טייל פון די חסידישע הויפן, אין עטליכע ניגונים. לויט ווי מקובל ביי חסידים, איז דער זמר פארפאסט געוואָרן אויפן באַפעל פון זיין רבי'ן, דער מגיד.

רבי אהרן האט זיך אסאך באשעפטיגט מיט [[תשובה#בעל תשובה|קירוב רחוקים]]. לויט וואס ווערט דערציילט האט ער מחזיר בתשובה געווען בערך אכציג טויזנט אידן{{הערה|ישראל סבא ז' י"ח; שפע חיים על תורה ומועדים עמ' ג'}}.

רבי אהרן איז אוועק דעם דריטן טאג חוה"מ פסח, אכט חדשים איידער די פטירה פון זיין רבי'ן דער מעזריטשער מגיד, זייענדיג בלויז 36 ​​יאר אלט. אויף זיין מצבה אויפן בית החיים אין קארלין שטייט: "זכה וזכה את הרבים כמה וכמה פעמים ומסר את נפשו במסירות נפש על זה, לפי שכלו לזכות את הרבים והיה מוכיח לרבים בתוכחת מגולה ואהבה מסותרת לקרב את ישראל לאביהם שבשמים וליחדם בייחוד גמור".

ביי זיין פטירה איז זיין זון [[רבי אשר פון סטאלין (דער ערשטער)|רבי אשר סטאלינער]] אלט געווען בלויז פערצן יאר, דעריבער האט רבי אהרן'ס תלמיד און חבר, [[רבי שלמה פון קארלין]], איבערגענומען די רביסטעווע. ער איז אויך געווען פאראנטווארטליך פאר דער ערציאונג און חינוך פון רבי אשר, וועלכער איז שפעטער געווארן דער דריטער רבי אין דער דינאסטיע און איז אריבער קיין סטאָלין, [[מינסקער גובערניע]].

 

זיינע דברי תורה זענען געברענגט געווארן אין די כתבים פון זיינע תלמידים, און בפרט אין די ספרים פון זיין אייניקל [[רבי אהרן פון קארלין (צווייטער)]], מחבר פונעם ספר "בית אהרן". פון קארלינער חדר שטאמען, צווישן אנדערע, די הויפן [[לודמיר (חסידות)|לודמיר]], [[לעכאוויטש (חסידות)|לעכאוויטש]], [[קאברין (חסידות)|קאברין]], [[סלאנים (חסידות)|סלאנים]] און [[קוידינאוו (חסידות)|קוידינאוו]].

* זייער עלטסטער זון, רבי יעקב וואס איז ארויף קיין [[ארץ ישראל]] און האט געוואוינט אין [[צפת]] און אין [[טבריה]]{{הערה|זעט א ברייטער באשרייבונג איבער אים אין {{היברובוקס||קובץ בית אהרן וישראל אב-אלול תשמ"ו|13104||page=102}}}}

* רבי אשר - שפעטער דער רבי פון קארלין. ער איז אלט געווען צוועלף יאר{{קלאר אויס|אין פאריגן אפטיילונג שטייט פערצן יאר}} ווען זיין פאטער איז נפטר געווארן

* חיה שרה, די ווייב פון [[רבי מרדכי טווערסקי|רבי מרדכי פון טשערנאביל]]

* רבקה, די ווייב בזיווג שני פון רבי שלום שכנא אלטשולער, וועלכער איז געווען דער פאטער פון [[רבי מנחם מענדל שניאורסאהן (צמח צדק)|דער צמח צדק]] מיט זיין ערשטן זיווג{{הערה|זיין ערשטע ווייב, דבורה לאה, איז געווען א טאכטער ​​פון [[בעל התניא]]}}

== דרויסנדיגע לינקס ==

* {{היברובוקס|צוואת רבי אהרן הגדול|בית אהרן - על התורה ועל העבודה|46089|page=21}}

* {{אייוועלט|3817|ר' אהרן (הגדול) מקארלין זצ"ל - י"ט ניסן שנת תקל"ב}}

* {{אנצ דעת|94|אהרון הגדול מקארלין}}

* {{היברובוקס|א. אברהם שווארץ|אור הגנוז|30426|page=26|שנת הוצאה=גליון ו', שבט-ניסן תשמ"ח|עמ=26–36|סופיקס=יא}}

 

==נאטיצן==

{{ביאורים}}

{{רעפערענצן}}

 

{{מיון רגיל:פערלאוו, אהרן}}

 

{{סדרה|פאריגער= - |נעקסטער= [[רבי שלמה פון קארלין]]  |רשימה= [[אדמו"ר]]ים פון [[קארלין (חסידות)|חסידות קארלין]]}}

{{תלמידים פון מעזריטשער מגיד}}

[[קאַטעגאָריע:תלמידים פון מעזריטשער מגיד]]

[[קאַטעגאָריע:אדמורי"ם]]

[[קאַטעגאָריע:המכלול ארטיקלען]]

[[קאַטעגאָריע:קארלין]]

[[HE:רבי אהרן הגדול מקרלין]]