אונטערשייד צווישן ווערסיעס פון "שאול המלך"

אין דער [[קוראן]], ווערט דער פיגור "טאלוט" (طالوت) טראדיציאנעל אידענטיפיצירט מיט שאול המלך. דער קוראן פארציילט אז "נאך מוסא'ס (משה'ס) צייטן" האבן די אידן האבן פארלאנגט א קעניג צו פירן זייערע מלחמות, און ווען "א נביא" האט געזאלבט "טאלוט" זענען די אידן נישט געווען צופרידן וויבאלד ער איז נישט געווען רייך. דער נביא האט ווידערהאלט אז טאלוט איז דער בעסטער אויסוואל. טאלוט איז געווען אויסגעצייכנט אין זיין אינטעליגענץ און פיזישע אויסזען, און דער באשעפער האט צוריק געברענגט די [[ארון]] צו די אידן אלס צייכן פאר זיין קעניגרייך. שאול האט אויספרובירט די אידן ביי א טייך, דער וואס האט געטרונקען גראד פון טייך האט ער אפגעזאגט, און דער וואס האט גענומען אין זיינע הענט האט ער אנגענומען. טאלוט איז ערפאלגרייך אין די שלאכטן, אבער "דאוד" (דוד) איז דער וואס הרג'עט גלית, און ער ווערט דער קומענדיגער קעניג{{הערה|קוראן 2:246-252}}.

די געשיכטע אינעם קוראן איז אומאקוראט אין עטליכע דעטאלן, צווישן זיי אז דער ארון איז צוריק געקומען נאך שאול איז געזלאבט געווארן, ווען אין ספר שמואל שטייט אז עס האט פאסירט פאר דעם{{הערה|{{תנ"ך|שמואל א|ו}}.}}. די מלחמה קעגן גלית ווערט געשלידערט אלס דער ערשטער שלאכט, ווען עס איז געווען פון די לעצטע. אזוי אויך מיטש דער קוראן אריין די פראבע ביים טייך וואס ווערט דערציילט אין [[ספר שופטים]] אויף [[גדעון]]{{הערה|{{תנ"ך|שופטים|ז|ה|ז}}.}}. דער נאמען "טאלוט" איז נישט עטימאלאגיש פארבינדן מיט "שאול", און דערפאר נעמען אן מוסולמענער געלערנטער אז דער נאמען, וואס באדייט "הויך", איז א צונאמען צוליב זיין הויכקייט{{הערה| Leaman, Oliver, The Quran, An Encyclopedia, 2006, p. 638.|כיוון=שמאל}}.

די שילדערונגען אין די פסוקים איבער דער שלעכטער גייסט וואס פלעגט פלאגן שאול האט געברענגט פסיכאלאגן צו פרובירן קליניש צו דיאגנאזירן שאול. אין ילקוט מעם לועז{{הערה|[[ילקוט מעם לועז]], שמואל א טז, יד}}, ווי אויך אין מלבי"ם{{הערה|[[מלבי"ם]] אויף {{תנ"ך|שמואל א|טז|טו}}.}}, ווערט געברענגט אז שאול האט געליטן פון מעלאנכאליע (מרה שחורה). זדשארדזש סטיין זעט דערין א געוויסע מאניע{{הערה|Stein, George (2011). "The case of King Saul: Did he have recurrent unipolar depression or bipolar affective disorder?" British Journal of Psychiatry. 198 (3): 212.|כיוון=שמאל}}, מארטין היוסמאן האלט עס איז געווען דעפרעסיע וואס קומט פון דרוק{{הערה| Huisman, M. (2007). "King Saul, work-related stress and depression". Journal of Epidemiology and Community Health. 61 (10): 890.|כיוון=שמאל}}, און ליבוב בן-נון האלט אז שאול האט געהאט א מענטל דיסארדער{{הערה|(Louba) Ben-Noun, Liubov (2003). "What was the Mental Disease that Afflicted King Saul?". Clinical Case Studies. 2 (4): 270–282. }}. גלייכצייטיג טוט קריסטאפער קוק פארשלאגן פארזיכטיגקייט ביים דיאגנאזירן א מאן פון טויזנטער יאר צוריק{{הערה| Cook, Christopher C. H. (2012). "Psychiatry in scripture: Sacred texts and psychopathology". The Psychiatrist. 36 (6): 225–229.|כיוון=שמאל}}.