אונטערשייד צווישן ווערסיעס פון "רוי:שיכון סקווירא"

'''שיכון סקווירא''', אדער '''ניו סקווער''' ({{שפראך-en|New Square}}), איז באקאנט אלס דאס ערשטע [[חסידות|חסידישע]] שטעטל אין די [[פאראייניגטע שטאטן]]. עס איז געגרינדעט געווארן אין ווינטער תשי"ז, דורך [[רבי יעקב יוסף טווערסקי]], [[סקווירא (חסידות)|סקווערער]] רבי. רבי יעקב יוסף איז אויך דער ערשטער נפטר וואס איז באערדיגט געווארן אין דעם סקווערער [[בית החיים]]. אירע איינוואוינער זענען בעיקר סקווערער חסידים, וועלכע זוכן צו האלטן א חסידישן לעבנס-שטייגער אפגעטיילט פון דער סעקולערער וועלט. היינט צו טאגס ווערט דאס געפירט דורכן זון פונעם גרינדער, דער יעצטיגער סקווערער רבי, [[רבי דוד טווערסקי]]. העלפט פון תושבי שיכון סקווירא זענען בני תורה, א שיינעם חלק האבן 'הוראה'.

דער דומ"ץ פון שטעטל איז [[רבי יוסף ישראל אייזנבערגער]]. און די דיינים זענען רבי שלום פאללאק און רבי זאב נחום גאלדמינצער. אונטער זיי זענען דא נאך מורי צדק אין כשרות און ממונות אפטיילונג א.ד.ג., און דער שליח בי"ד איז ר' שלום רייצנשטיין. אין שטעטל געפונט זיך דער סקווערער ישיבה ומתיבתא. די ראשי ישיבה ומתיבתא אין שטעטל, זענען הרב אבא גארדאן און הרב מאיר פאכטמאן.

די ערשטע וואך, ווען דאס שטעטל איז געגרינדעט געווארן, איז נישט געווען קיין מנין שבת, מען האט געמוזט ברענגען מנין פון דערנעבענדיגן [[מאנסי]]. נאך שבת ווען מ'האט עס פארציילט פארן סקווערער רבי'ן ז"ל האט ער געגעבן א דריק אויס אז פון יעצט און ווייטער וועט נישט זיין קיין איין שבת אין סקווירא אן קיין געסט, און טאקע זינט דעמאלטס איז נאכנישט געווען קיין איין שבת אנע געסט. אפילו אין גאר שווערע מצבים, צום ביישפיל אין תשע"ג ביים [[הוראגאן סענדי]], איז אין גאנץ שיכון סקווירא נישט געווען קיין [[עלעקטריע]], אבער איבער א מנין געסט זענען געקומען צו פארן אויף שבת.

די סקווערער מוסדות החינוך, ישיבה און צען כוללים, האבן אין איר היסטאריע חשובע תלמידים, צווישן זיי:

* דער היינטיגער מאכניווקער רבי - ר' [[מאכניווקא (חסידות)|יושע'לע רוקח]] איז א תלמיד פון דער סקווערער ישיבה.

* [[רבי יוחנן וואזנער]] איז דער ראב"ד פון סקווערער חסידות און דומ"ץ פון דער סקווערער קהילה אין [[מאנטריאל]].

* [[רבי מנחם מענדיל האגער (בני ברק)|רבי מענדיל האגער]] - וויזשניצער רבי פון 'מרכז וויזשניץ' אין בני ברק, איז א תלמיד פון סקווערער ישיבה.

* ר' יעקב יצחק גארדאן, מחבר ספרי פרדס יצחק, מהר"ם שיף המבואר, איז א תלמיד פון דער סקווערער ישיבה און כולל.

די געוועזענע '''ראשי ישיבה''' פון דער סקווערער ישיבה ומתיבתא זענען: ר' [[משה גרין]], [[רבי חיים ברים]] און ר' [[דוב מאיר קרויזער]].

דער היינטיגער חרדישער לאנדאנער רב, [[משה חיים אפרים פאדווא|הרב אפרים פאדווא]], איז געווען דער דיין און ראש הכולל פונעם סקווערער [[שטיבל]] אין [[אייראפע]], און פון די נאנטע [[חסידים]].