רוי:קאדאק
| |||||||||||||||
.svg){kind=logo}
די איסטמאַן קאדאַק פירמע (ענגליש: Eastman Kodak Company), באוואוסט אלס קאדאק, איז אן אמעריקאנער פאטאגראפיע פירמע הויפטקווארטירט אין ראטשעסטער, ניו יארק.
די פירמע איז געגרינדעט געווארן אין יאנואר 1, 1881[1], דורך דזשארדזש איסטמאן און הענרי סטראנג.
די פירמע איז הויפטזעכליך באקאנט פאר אירע פאטאגראפישע פילם פראדוקטן, וואס זי האט געברענגט צום מאסן מארק צום ערשטן מאל[2]. אונטער איסטמאן'ס פירערשאפט איז די פירמע געווארן פון די וועלט'ס גרעסטע פילם און קעמרע פראדוצירער. קאדאק האט אנגעהאלטן א דאמינירנדע פאזיציע אין די פאטאגראפיע מארק דורכאויס רוב פון דער 20סטער יארהונדערט, און געשאפן א רייע טעכנאלאגישע ערפינדונגען[3].
פינאנציעלע שוועריגקייטן האבן זיך אנגעהויבן אין די שפעטע 1990ער, צוליב קאנקורענץ פון די יאפאנעזער Fujifilm, און צוליב שוועריגקייטן צו מאכן דעם אריבערגאנג צו דיגיטאלע פאטאגראפיע[4]. די פירמע האט זיך דערקלערט באנקראט אין יאנואר 2012[5].
איבערגאנג צו דיגיטאל און פינאנציעלע ארויסרופונגען (2000ער–2020ער)
ביים אנהויב פונעם 21סטן יארהונדערט, שטייענדיג פאר גרויסע פארקלענערונגען אינעם קאנסומער מארקעט פאר קאמערעס און אנדערע פראדוקטן שייך צו פילם פאטאגראפיע, האט קאדאק געלייגט א נייעם דגש אויף דיגיטאלע פאטאגראפיע פראדוקטן. די קאמפאני איז געבליבן א פירנדער צושטעלער פון פאטאגראפישע פילמען, פאפירן און כעמיקאלן פאר פראפעסיאנעלע פאטאגראפירער, און האט אויך פאבריצירט באוועגונגס-בילדער פילם, איינמאליגע און אנדערע קאנסומער דיגיטאלע קאמערעס, עראיע פארהוואכונגס פילמען, און עקוויפמענט פאר די גראפיק קאמוניקאציע אינדוסטריע אריין אין דעם 21סטן יארהונדערט.
אין סעפטעמבער 2013 איז די פירמע ארויסגעקראכן פון באנקראט[6]. די פירמע זעצט פאר צוצושטעלן פילם פאר בילדער און ווידעא, ווי אויך דיגיטאלע דרוקעריי פראדוקטן און סערוויסעס. אין רעאקציע צו דער קאוויד-19 פאנדעמיק, האט די פירמע געמאלדן אין יולי 2020 אז זיי וועלן אנהייבן פראדוצירן מעדיצינישע מאטעריאלן[7].
סורווייוול ווארענונג (2025)
אין אויגוסט 2025, האט קאדאק געווארנט אינוועסטירער אז עס איז דא "בארעכטיגטע ספקות" איבער איר פעאיגקייט צו בלייבן אין ביזנעס (באקאנט אלס א 'גו-קאנסערן ווארענונג'), ציטירנדיג חובות וואס לויפן אויס אין די קומענדיגע 12 חדשים, און דאס פעלן פון פארפליכטעטע פינאנצירונג אדער גענוג קעש צו באצאלן די חובות.
די סטעיטמענט איז געקומען ווען די קאמפאני האט רעפארטירט א 26 מיליאן דאלאר פארלוסט אינעם צווייטן קווארטאל, נידריגער פון א רווח א יאר פריער, און א קליינע פארקלענערונג אין פארדינסטן. טראץ די אנטפלעקונג, האט קאדאק געזאגט אז זי איז זיכער אז זי קען אפצאלן א גרויסן טייל פון איר הלוואה פריצייטיג, און טוישן אדער ריפינאנצירן די איבעריגע, באמערקנדיג אז די ווארענונג איז געווען א פארלאנג.
די קאמפאני האט אויך געזאגט אז זי גייט ווייטער מיט א פלאן וואס איז אויסגעלייגט געווארן אין 2024 צו אפשניידן איר פּענסיע פלאן כדי צו פארקלענערן חובות, א פראצעס ערווארטעט צו ווערן פארענדיגט ביים ענדע פון 2025.
רעפערענצן
- ↑ George Eastman, Kodak.Com
- ↑ Peres, Michael (2017-01-12). Laboratory Imaging & Photography: Best Practices for Photomicrography & More (in ענגליש). Taylor & Francis. ISBN 978-1-317-59301-0. Archived from the original on April 25, 2023. Retrieved May 18, 2022.
- ↑ T. H. James, Journey: 75 Years of Kodak Research (Eastman Kodak Company, Rochester, 1989).
- ↑ Hiltzik, Michael (December 4, 2011). "Kodak's long fade to black". Los Angeles Times. Archived from the original on July 24, 2019. Retrieved December 11, 2011.
- ↑ J. de la Merced, Michael (January 19, 2012). "Eastman Kodak Files for Bankruptcy". The New York Times. Archived from the original on December 13, 2020. Retrieved January 19, 2012.
- ↑ Daneman, Matthew (September 3, 2013). "Kodak bankruptcy officially ends". USA Today. Archived from the original on October 31, 2020. Retrieved October 1, 2013.
- ↑ Rampton, Roberta (July 28, 2020). "Trump Gives Medical Stockpile A 'Kodak Moment' With New Loan To Make Drugs". NPR (in ענגליש). Archived from the original on January 21, 2021. Retrieved July 28, 2020.
 |
דאס איז א דרעפט ארטיקל. עס איז אַן אַרבעט אין פּראָגרעס וואָס איז אָפן פאַר רעדאַגירונג דורך סיי וועם. ווען דער דרעפט איז פארטיג, ביטע גייט איבער דעם אריבערפירן טשעקליסט, זיכער צו מאכן אז עס איז גרייט. דערנאך קענט איר בעטן פון די דרעפט אריבערפירער אז זיי זאלן עס איבערגיין און אריבערפירן צום הויפט געביט. (אייער בקשה וועט פובליצירט ווערן אין המכלול:אריבערפירן דרעפטס, און דארט וועט אויך ערשיינען דער ענטפער - אויב פעלט אויס). |