רוי:רבי יחיאל מיכל פון זלאטשוב

רבי יחיאל מיכל פון זלאטשאוו (תפ"א - כ"ה אלול תקמ"א) איז געווען דער מגיד אין זלאטשאוו, מזרח גאליציע, און איינער פון די גרעסטע תלמידים פון בעל שם טוב, דעם גרינדער פון חסידות.

אפשטאם

רבי יחיאל מיכל איז געבוירן אין בראד אין יאר ה'תפ"א (אומגעפער) צו זיין פאטער רבי יצחק פון דראהאביטש, א זון פון רבי יוסף ספראוועדליווער, רב אין פיסטין, א זון פון רבי משה, רב אין זאווריש, און צו זיין מוטער מרת מרים, אן אייניקל פון רבי מאיר פאפריש.

הסתלקות

רבי מיכלי איז נפטר געווארן כ"ה אלול ה'תקמ"א, אין ער ליגט אין יאמפאלא.

זיין פאמיליע

רבי מיכלי האט געהייראט מרת רעכיל, א טאכטער פון רבי משה פון שדה לבן. זיי האבן איבערגעלאזט פינף זין, ער האט געזאגט זיי זענען צוגעגליכן צו די פינף חומשים:

• הרב יוסף ( - כ"ד טבת ה'תקע"ב), פון יאמפאלא.

• הרב יצחק ( - י"א אייר ה'תקצ"ה), פון ראדוויל.

• הרב זאב וואלף ( - ג' ניסן ה'תקפ"ב), פון זבאריזש.

• הרב משה ( - י' אייר ה'תקצ"א), פון זוועהיל.

• הרב מרדכי (ה'תק"ו - י"ג תמוז ה'תק"ף) פון קרעמניץ.

• מרת מרים, די ווייב פון הרב דוד הלוי ( - י"א תשרי ה'תק"ע) פון סטעפין.

זיינע תלמידים

• רבי משולם פייוויש הלוי העלער פון זבאריזש, מחבר פון "יושר דברי אמת"
• רבי חיים טירער פון טשערנאוויץ, מחבר פון די ספרים "באר מים חיים" און "סידורו של שבת"
• רבי דוד שלמה אייבעשיץ פון סאראקע, מחבר פון "לבושי שרד" אויף שולחן ערוך און "ערבי נחל" אויף תורה

זעט אויך

• זלאטשאוו (הויף)