רוי:רבי שרגא פייוויש האגער (זאלישטשיק)
רבי (משולם)[1] שרגא פייוויש האגער זצ"ל (ה'תר"ל - י"ג טבת ה'תרצ"ז), פון זאלישטשיק.
אפשטאם
רבי פייוויש איז געבוירן אין יאר ה'תר"ל אומגעפער, צו זיין פאטער הרב רבי ברוך האגער, פון וויזשניץ, א זון פון רבי מנחם מענדיל פון וויזשניץ, באקאנט אלס "דער צמח צדיק", א זון פון חיים פון קאסוב, "דער תורת חיים", א זון פון רבי מנחם מענדיל, פון קאסוב, "דער אהבת שלום". און צו זיין מוטער מרת צפורה א טאכטער פון הרב אריה ליב שפירא פון זשיטאמיר, א זון פון הרב שמואל אברהם אבא שפירא פון סלאוויטא אן אייניקל פון רבי פנחס שפירא פון קאריץ.
רבנות
אין יאר ה'תרנ"ג האט רבי פייוויש זיך באזעצט אין זאלישטשיק און אנגעפירט דארט זיין רביסטעווע, ביי דעם ערשטן וועלט קריג האט ער זיך באזעט אין טשערנאוויץ.
הסתלקות
רבי פייוויש איז נפטר געווארן י"ג טבת ה'תרצ"ז, און ער ליגט אין טשערנאוויץ.
פאמיליע
רבי פייוויש האט געהייראט מרת רחל ( - כ"ח כסלו ה'תש"ב), א טאכטער פון הרב משה האגער, פון קאסוב. זייערע קינדער:
- מרת מרים, די ווייב פון הרב ברוך האגער פון קאצמאן און טשערנאוויץ
- מרת רייזל, די ווייב פון הרב דוד משה שפירא גוואדזיץ-סאדיגורא רבי פון ניו יארק
- מרת חוה הי"ד, די ווייב פון הרב יעקב לאו הי"ד, פון לעמבערג
- די ווייב פון הרב אלעזר האגער, פון לאנדאן
- הבחור חיים ברוך האגער הי"ד
- הרב אברהם יהושע העשיל האגער קאסובער רבי פון ניו יארק
זעט אויך
רעפערענצן
- אנציקלופדיה לחכמי גליציה, מאיר וונדר
- ↑ א.ל.ג. מסופק
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!