רוי:רבי יהונתן אייבשיץ

יהונתן אייבשיץ
הרב יהונתן אייבשיץ
געבורט	ה'ת"נ, 1690 קראקע, פוילן
פטירה	כ"א אלול ה'תקכ"ד, 18טן סעפטעמבער 1764 אלטאנע
טעטיקייט	אייראפע (אלטאנע, האמבורג, און וואנדסבעק)
באשעפטיגונג	פוסק, דרשן, מפרש, מקובל
אנדערע אמטן	ראש ישיבה
זיינע רביס	מהר"ם אַ"ש
חיבורים	כרתי ופלתי, אורים ותומים, יערות דבש, תפארת יהונתן, אהבת יהונתן, מדרש יהונתן, נפש יהונתן

רבי יהונתן אייבעשיץ (ה'ת"נ, 1690, קראקע, פוילן – כ"א אלול ה'תקכ"ד, 18טן סעפטעמבער 1764, אלטאנע) איז געווען א פוסק, דרשן, מפרש, מקובל און א ראש ישיבה אין אייראפע. פון תק"י איז ער געווען רב אין דער דרייפאכיגער קהילה: אלטאנע, האמבורג און וואנדסבעק.

ביאגראפיע

יהונתן אייבעשיץ איז געבוירן געווארן אין קראקע, פוילן. צו זיין פאטער, רבי נתן נטע, רב פון דער אידישער קהילה אין אייבעשיץ (Eibenschütz), מעהרן, און צו זיין מוטער מרת שיינדל. דער יונגער אייבעשיץ איז געווען אן עילוי. נאך זיין פאטער'ס פטירה אין תס"ח, האט ער געלערנט אין דער ישיבה פונעם מהר"ם אַ"ש אין פראסטיץ. ווען דער מהר"ם א"ש איז צוריקגעפארן קיין פוילן ווערן רב אין שידלאווצע, איז ר' יהונתן געפארן אין העלעשוי (Holleschau). דערנאך האט ער געוואוינט א קורצע צייט ביים גביר רבי שמשון ווערטהיימער אין ווין.

אין ת"ע איז ער געווארן א חתן ביי רבי משה יצחק שפירא אב"ד פון בומסלא, בעהמען. נאך דער חתונה האבן זיי געוואוינט צוויי יאר אין האמבורג ביי ר' מרדכי הכהן, איר זיידע פון דער מאמע'ס זייט.

אין ה'תע"ה האט ער זיך באזעצט אין פראג, בעהמען, וואו ער איז געווארן ראש ישיבה און א בארימטער דרשן. די אידן אין פראג האבן געהאלטן פון אים שטארק, א צווייטער נאר צו רבי דוד אפנהיים. דורך זיין השפעה האט מען ווידעראמאל באקומען רשות צו דרוקן א ש"ס אין פראג, וואס פריער האט דער פויבסט געאסר'ט. אבער דער רעגירונג האבן געפאדערט אז מען טאר נישט ניצן דאס ווארט "תלמוד", און איז זיין ארט האט רבי יהונתן געניצט "הלכות". מ'האט געדרוקט מסכת ברכות מיטן נאעמן "הלכות ברכות" צוזאמען מיטן רא"ש, מהרש"ל, מהרש"א און הלכות פונעם רמב"ם, אין יאר תפ"ז. מען האט דורכגעלאזט עטליכע אגדתא, מיט דער הסכמה פונעם פראגער בית דין אונטער הרב דוד אפנהיים. ביי די אנדערע מסכתות האט מען אויפגעהערט די ארבעט, ווייל די רעגירונג האט געפאדערט צופיל דורכלאזן.

אין תק"א, ווען פראנקרייך האט איינגענומען פראג, איז הרב יהונתן באשטימט געווארן רב פון מעץ, פראנקרייך, וואו ער האט געדינט אין רבנות ניין יאר.

זיין ברודער איז געווען רבי משה אייבשיץ, רב אין פינטשאוו און פאטער פון רבי אריה לייב צינץ.

זיינע ספרים

דרוש

• יערות דבש
• תפארת יהונתן
• אהבת יהונתן
• מדרש יהונתן
• נפש יהונתן
• דברי יהונתן - דרשות, געדרוקט אין יאר ה'תרס"ח מיט הסכמות פון רבי יעקב ארינשטיין אב"ד לבוב בעמח"ס "ישועות יעקב", רבי יעקב לארבערבוים אב"ד סטריא בעמח"ס "נתיבות המשפט", און רבי מרדכי זאב ארינשטיין.

הלכה

• כרתי ופלתי
• אורים ותומים
• בינה לעתים - אויף רמב"ם הלכות יו"ט. געדרוקט אין יאהר וליהונתן אין ווין דורך הלל ב"ר ליב פון שטאמפי, מיט די הסכמה פון רבי מרדכי בנעט. דער ספר אנטהאלט פיר-און-פערציג בלעטער. ביים סוף איז דא עטליכע בלעטער מיט חידושים אויף מס' ביצה.

דער ארטיקל בנוגע רבנים איז א שטומף. איר זענט געלאדנט עס צו פארברייטערן.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!