רוי:אור החיים
דער ספר אור החיים איז א ברייטער פירוש אויף חומש וואס רבי חיים בן עטר האט געשריבן.
דער חיד"א רעכענט זיך פאר א תלמיד פונעם מחבר. ער שרייבט אין זיין ספר שם הגדולים, אז דער ספר אור החיים איז גלייך ווען עס איז געדורקט געווארן שטארק אנגענומען ביי די אשכנזים, ווייל רבי ישראל בעל שם טוב האט געזאגט גרויסע זאכן אויף דעם מחבר.
דער אור החיים האט עטליכע מפורשים אויף זיך:
- סגולות משה
- אור בהיר
- נר למאור
ס'איז באקאנט וואס ס'איז געדרוקט אין שו"ת דברי חיים (יו"ד ח"ב סימן ק"ה) איבער א געוויסן מלמד וואס האט פוגע געווען אינעם כבוד פון אור החיים הק' זצ"ל, זאגנדיג אז ער האט נישט פארפאסט זיין ספר מיט רוח הקודש. האט דער דברי חיים געשריבן א תשובה, אז דער מלמד איז אן אפיקורס. ער לייקנט און גלייבט נישט אין די גדולי הדור וואס האבן מעיד געווען אז דער אור החיים הק' איז ראוי צו רוח הקודש. ער שפעט אפ פון דברי חז"ל וואס זאגן אז כאטש נבואה איז בטל געווארן איז אבער רוח הקודש נישט. טאר מען נישט לאזן קיין קינדער לערנען ביי דעם מלמד.
ביי חסידים האט מען נאכגעזאגט פון הייליגן רוזשינער זי"ע, אז לימוד אור החיים הק' איז מסוגל אויסצורייניגן די נשמה. הרה"ק רבי דוד משה מטשארטקוב זי"ע האט געזאגט אז זינט ער האט געהערט די מימרא פון זיין טאטן דער רוזשינער, איז ביי אים געווארן א חיוב צו לערנען יעדע וואך אור החיים הקדוש.
אין תשע"ג איז גענעדיגט געווארן דער אור החיים המבואר דורך עוז והדר, מיטן פירוש מאורי אור וועלכע האט געשריבן רבי מנחם מענדל פאמעראנץ, 10 בענדער.
.png){kind=small}
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!