רוי:מגיד
מגיד איז א טיטל פאר איינעם וואס האלט דרשות. דער מגיד האט אויך געהייסן "דרשן" אדער "בעל דרשן", און אין די מאדערנע שולן "מטיף" ("פרעדיגער").
עס זענען געווען מגידים, וואס זענען געזעסן אויף איין ארט, אין א באשטימטער שטאט, און אויך אזעלכע, וואס זענען ארומגעפארן פון שטאט צו שטאט און געהאלטן דרשות, געווענליך שבת נאכמיטאג, אדער אינמיטן דער וואך צווישן מנחה און מעריב. אינמיטן דער וואך פלעגט מען אין שול אדער בית המדרש צונויפנעמען עפעס געלט פארן מגיד, אדער ער איז אין באגלייטונג פון שמש ארומגעגאנגען איבער דער שטאט און צונויפגעזאמלט געלט. רוב מגידים האבן געזאמלט דאס געלט פאר זיך; טייל פלעגן זאמלען פאר א ישיבה, און זיי האבן געהייסן "משולחים".
עס זענען געווען גרויסע אידישע פערזענליכקייטן מיטן טיטל מגיד. פון חסיד'ישע רביים זענען באקאנט דער רבי ר' בער, מגיד פון מעזריטש; רבי ישראל, מגיד פון קאזשניץ; און אנדערע. פון אנדערע זענען באקאנט רבי יעקב, דובנער מגיד; קעלמער מגיד; און אנדערע.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!