רוי:רבי ישכר דוב רוקח (ערשטער)
רבי ישכר דוב רוקח (ה'תרי"ד - כ"ב מרחשון ה'תרפ"ז) איז געווען רב אין בעלז, מזרח גאליציע, און דער דריטער רבי פונעם בעלזער חסידות, פון ה'תרנ"ד ביז זיין פטירה.
ער איז געווען א זון פון הר"ר יהושע רוקח. נאך זיין פאטער'ס פטירה האט ער איבער גענומען דאס רבנות פון בעלז און די רביסטעווע. ער האט אויך געפירט די מחזיקי הדת באוועגונג וואס זיין פאטער האט אויפגעשטעלט ער איז געווען א שטארקער לוחם קעגען ציונית און די אגודת ישראל.
משפחה
רבי ישכר דוב האט געהייראט מרת בתיה רוחמה, די טאכטער פונעם טשערנאבילער רבי'ן רבי זושא טווערסקי, דער זון פון רבי אהרן טווערסקי. זי איז נפטר געווארן יונגערהייט. זייערע קינדער זענען געווען:
- רבי אהרן רוקח, זיין בכור און ממלא מקום
- מרת חנה רחל, די ווייב פון רבי פינחס טווערסקי פון אוסטילע.
נאך דער פטירה פון מרת בתיה רוחמה האט ער געהייראט בזיווג שני חיה דבורה די טאכטער פון רבי אברהם שמואל פיטשניק פון בערעזנא, אן אייניקל (פון ביידע עלטערן) פון יחיאל מיכל, דער זלאטשאווער מגיד. זיי האבן געהאט זיבן קינדער:
- רבי יהושע רוקח פון יעראסלאוו, איידעם ביי רבי יוסף מאיר טווערסקי פון מאכניווקא
- רבי מרדכי רוקח פון בילגוריי, דער פאטער פונעם היינטיקן בעלזער רבי'ן ישכר דוב רוקח
- רבי שלום רוקח פון אפטא, איידעם ביי רבי ישראל פון סטאלין
- די ווייב פון רבי יצחק מנחם נחום טווערסקי פון ראווע-רוסקע
- העניא, ווייב פון ברוך האגער, סערעט־וויזשניצער רבי, און בזיווג שני ווייב פון רבי נפתלי פערלאוו, זון פון רבי נחמיה פון קוידאנאוו־באראנאוויטש
- די ווייב פון רבי יוחנן טוועררסקי אב בית דין הריבעשאוו, זון פון רבי משה מרדכי פון לובלין
- די ווייב פון רבי יוחנן טווערסקי, זון פון הרב נחום משה פון קאוול (זון פון וועלוול פון רחמיסטריווקא
| פריערדיגער: הרב יהושע רוקח זצ"ל |
אדמו"ר מבעלז תרנ"ד - תרפ"ז |
קומענדיגער: הרב אהרן רוקח זצ"ל |
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!