רבי יצחק טווערסקי
פאראמעטער פעלערן אין מוסטער:אישיות רבנית
פאראמעטער [ ווייב1, פאטער, מקום לידה, מקום פטירה, מוטער ] ערשיינען נישט אין מוסטער דעפיניציע
| געבורט | ה'תקע"ב | ||||
|---|---|---|---|---|---|
| פטירה | י"ז ניסן ה'תרמ"ה (אלט: 73 בערך) | ||||
| מקום קבורה | סקווירא | ||||
|
| |||||
רבי יִצְחָק טְוֶוערְסקִי (ה'תקע"ב - י"ז ניסן ה'תרמ"ה), איז געווען דער ערשטער סקווירא'ער רבי.
ביאגראפיע
געבורן געווארן אום יאר ה'תקע"ב צו רבי מרדכי טווערסקי פון טשערנאביל און צו פייגא טאכטער פון רבי דוד לייקס. זיווג ראשון איז ער געווען איידעם ביי רבי דן פון ראדוויל זוהן פון רבי יצחק פון ראדוויל זוהן פון רבי יחיאל מיכל פון זלאטשוב, און איידעם פון אפטא'ער רב. נאך וואס זי איז אוועק האט ער חתונה געהאט צו חיה מלכה טאכטער פון רבי ישראל פון רוזשין, אבער זי איז אויך אוועק אן צו לאזן נאך זיך קינדער. דעמאלט האט ער חתונה געהאט צו חנה סימא טאכטער פון רבי נפתלי צבי רב פון סקווירא, זוהן פון רבי אהרן טיטיעווער אייניקל פון דער בעל שם טוב, און איז אריבער וואוינען נעבן אים.
נאך די פטירה פון זיין טאטן אום כ' אייר ה'תקצ"ז האבן זיינע ברודער אנגעהויבן פירן באדמו"רות, אבער רבי יצחק האט זיך אפגעהאלטן דערמיט ביז די פטירה פון זיין שווער אום ה'תר"ח, וואס דעמאלט איז ער אויפגענומען געווארן אויף זיין פלאץ ברבנות פון סקווירא, און האט אנגעהויבן פירן באדמו"רות.
אנדערש ווי זיין טאטע און ברודער, איז רבי יצחק געווען א שטילער, האט כמעט נישט גערעדט, און האט זיך צוריק געהאלטן פון צו רעדן פאר די ציבור.
איז אוועק י"ז ניסן ה'תרמ"ה. דריי פון זיינע זוהן האבן איבער גענומען זיין פלאץ אין סקווירא.
פאמיליע
פון זיווג ראשון:
- רבי אברהם יהושע העשיל, איידעם פון רבי שמואל אשכנזי, און זיווג שני ביי רבי יוסף זילבערפארב. אוועק ג' כסלו ה'תרמ"ז
- רבי מנחם נחום פון שפיקעוו.
פון זיווג שלישי:
- רבי ישראל, איידעם פון זיין פעטער טריסקער מגיד. אוועק כ"ז אלול ה'תרע"ט.
- רבי דוד, איידעם פון רבי שמעון שלמה פון סאווראן און בזיווג שני ביי רבי אליקים געץ פון אסטרהא. געבורן י"ד ניסן ה'תר"ח אוועק ט"ו כסלו ה'תר"פ.
דרויסנדע לינקס
קטגוריה:אדמו"רי סקווירא
קטגוריה:רבנים אוקראינים
קטגוריה:משפחת טברסקי