רוי:ענדרו לויד וועבער
דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "ענדרו לויד וועבער".
ענדרו לויד וועבער (ענגליש: Andrew Lloyd Webber; געבוירן דעם 22סטן מערץ 1948) איז אַ בריטישער קאָמפּאָזיטאָר און מוזיקטעאַטער אימפּרעסאַריאָ. זיין פירמע "די רילי יוזפול גרופּע" איז איינער פון די גרעסטע לאָנדאָנער טעאַטער אָפּעראַטאָרן.
קאריערע
אין 2018 איז לויד וועבער געוואָרן איינער פון 15 מענטשן וואָס האָבן געוואונען די אָסקאַר, גרעמי, טאָני און עמי פּריזן.
אַדורך זיין קאַריערע האָט ער פּראָדוצירט 15 מוזיקשוישפּילן (אַ סאַך זיי זענען געשטעלט געוואָרן אינעם וועסט ענד און אין בראָדוויי פאַר צען יאָר אָדער העכער). צווישן זיינע ליריקער זענען געוואָרן טים רייס, דאָן בלעק, קריסטאָפער העמפּטאָן, ריטשאַרד סטילגאָ און בען עלטאָן. אויך האָט ער געשריבן די מוזיק פאַר צוויי פילמען: "גאַמשו" און "דער אָדעסע דאָסיע". ער האָט געוואונען אַ סאַך פּריזן פאַר זיינע שאַפונגען, בפרט זיבן טאָני פּריזן, דריי גרעמי פּריזן, איין אָסקאַר, אין אינטערנאַציאָנאַלער עמי, זעקס אָליוויע פּריזן און איין גאָלדענער גלאָבוס.
פערזענלעכע לעבן
לויד וועבער'ס צווייטער חתונה איז געווען מיט דער אַקטריסע און זינגערין שרה ברייטמאַן. זיי האָבן געגט זיך אין 1990. זיין דריטע און איצטיקע ווייב איז מאַדלען גורדאָן. זיין יינגערער ברודער איז דער טשעליסט דזשוליען לויד וועבער. דעם 25סטן אָקטאָבער 2009 איז לויד וועבער דיאַגנאָזירט געוואָרן מיט די ערשטע עטאַפן פון פראָסטאַטע ראַק. ער האָט זיך געהיילט נאָך אַן אָפּעראַציע.
מוזיקשוישפילן
- "יוסף און די געוואַלדיקע קאָלירטע קאַפטן" (1967)
- "יעזוס דער סופּערשטערן" (1970)
- "עוויטאַ" (1976)
- "קעץ" (1981)
- "געזאַנג און טאַנץ" (1982)
- "סטאַרלייט עקספּרעס" (1984)
- "דער פאַנטאָם פון דער אָפּערע" (1985)
- "אַספעקטן פון ליבע" (1989)
- "אונטערגאַנג בולעוואַרד" (1993)
- "ביי דזשיווס" (1996; נייע ווערסיע פון אַ שוישפּיל פון 1974)
- "ווען דער ווינט פייפט" (1998)
- "דער שיינער שפּיל" (2000)
- "די פרוי אין ווייס" (2004)
- "ליבע שטאַרבט קיינמאָל נישט" (2010)
וועבלינקען
- אָפיציעלע וועבייזטל (ענגליש)
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!