דרעפט:רבי אליעזר צבי טויב

קאלובער רב
רבי אליעזר צבי טויב

געבורט	כ"ב תשרי תשכ"ג (יארגאנג: 62) לאנדאן
מדינה	ארץ ישראל
למד ב	ישיבת שערי יושר, ישיבת ישרש יעקב
וואוין אָרט	ביתר עילית
תחומי עיסוק	רב פון קאלוב אין ארץ ישראל
רבי'ס	רבי מנחם שלמה טויב, רבי אברהם יוסף ראזענבלום, רבי יצחק לעבאוויטש, רבי מעכיל לעבאוויטש, רבי אברהם יצחק קאהן, רבי מאיר בראנדסדארפער רבי אברהם יוראוויטש
ווייב	מירל בריינא פערל
טאטע	רבי משה טויב
מאמע	יוכבד
צאל קינדער	14
חותנים	רבי שמואל יעקב קאהן

רבי אליעזר צבי טויב (געבוירן געווארן כ"ב תשרי תשכ"ג) איז דער קאלובער רב אין ארץ ישראל און דער עלסטער זון פון רבי משה טויב, קאלובער רבי. ער איז באקאנט מיט זיינע אקטיוויטעטן אין קירוב רחוקים און האט לענגערע יארן געדינט אלס א מגיד שיעור אין ישיבת תולדות אברהם יצחק אין ירושלים. ער וואוינט אין ביתר עילית.

דער רב ביים מקרב זיין א איד

לעבנס געשיכטע

רבי אליעזר צבי איז געבוירן אין שטאט לאנדאן צו זיין טאטע רבי משה טויב און צו זיין מאמע יוכבד, טאכטער פון רבי לוי יצחק קליגהויפט פון סטרעליסק לאנדאן, אן אייניקל פון רבי אורי פון סטרעליסק. ביים ברית איז ער גערופן געווארן 'אליעזר צבי' נאך זיין זיידן רבי אליעזר צבי סאפרין פון קאמארנא.

ער האט געלערנט אין תלמוד תורה 'מתיבתא' און שפעטער אין ישיבה קטנה 'סאטמאר' אין לאנדאן. אין יאר תשל"א זייענדיג 8 יאר איז ער געפארן קיין אמעריקע צו זיין זיידן דער אלטער קאלובער רבי, רבי מנחם שלמה טויב, און ער האט דארטן געוויילט פאר א גאנצע יאר, און אריינגעזאפט יראת שמים פונעם גרויסן זיידן, אלס בחור איז ער געשלאפן מיט'ן זיידן אין צימער און אים באדינט, זיין זיידע האט אים שטארק ליב געהאט און מחשיב געווען.

אין יאר תשל"ח ווען דער קאלובער רבי איז אוועק, איז זיין טאטע מיט די פאמיליע זיך אריבערגעצויגן קיין אמעריקע און זיך אוועק געזעצט אין וויליאמסבורג, וואו דער טאטע האט אנגעפירט דער קאלובער בית מדרש אויף יוז סטריט.

אלס בחור האט ער געלערנט אין ישיבת 'שערי יושר' אין בארא פארק וואו ער האט גענאסן א קרבה יתירה ביים ראש ישיבה רבי אברהם יוסף ראזענבלום, שפעטער האט ער געלערנט אין ישיבת נייטרא אין מאונט קיסקא ואוו ער האט געהרט שיעורים ביים ראש ישיבה רבי יונה פארסט, און ער איז געווען פארעכנט אלס איינע פון זיינע נאנטע תלמידים, אויך האט ער קונה געווען ביים נשיא וראש הישיבה רבי שלום משה אונגאר, דערנאך איז אריין לערנען אין ישיבת 'ישרש יעקב' ביי רבי יצחק לעבאוויטש וואדריטש'ער רב.

ער האט זיך אסאך געדרייט ביים סאטמאר רבי'ן רבי יואל טייטלבוים; ער פלעגט קומען הערן די 'שובבי"ם תורות' נאך אלס יונג בחור, צוזאמען מיט זיין טאטע, און אויך איז ער געפארן קיין קרית יואל אויף דעם לעצטן יום טוב שבועות בחייו פונעם רבי'ן זי"ע. ער האט זיך געווייקט ביי רבי מעכיל לעבאוויטש פון ניקלשבורג, און זיך באטיילוגט ביי זיינע חבורות.

ט"ו אב האט ער חתונה געהאט מיט מירל בריינא פערל, עלסטע טאכטער פון רבי שמואל יעקב קאהן. נאך זיין חתונה האט ער זיך דעווייקט ביים עלטער-שווער רבי אברהם יצחק קאהן פון תולדות אהרן וואס האט אים שטארק מקרב געווען און אים מדריך געווען און תורה מיט חסידות.

נאך זיין חתונה האט ער געלערנט אין כולל שומרי החומות און שפעטער ביים כולל פון רבי חיים ברים, צוזאמען מיט רבי יעקב מענדיל פריעדמאן, באהושער רבי און נאך פון גדולי ירושלים.

רבנות

ער האט געלערנט הוראה און געזעצן שימוש ביי רבי מאיר בראנדסדארפער חבר הבד"ץ פון די עדה החרדית און רב פון תולדות אברהם יצחק, למרות זיין בקיאות אין הלכות טהרה, זייענדיג א תלמיד מובהק פון רבי מאיר, בעיקר אין די נושאים, איז ער זיך נמנע פון זען מראות, אלס יראת הוראה.

אין יאר תשס"א ווען עס האט זיך געגרינדעט ישיבת תולדות אברהם יצחק איז ער אויפגענומען געווארן אלס א מגיד שיעור עיון אין ישיבה, ער האט דארטן געדונט ביז שנת תשע"ח און אויפגעשטעלט הונדערטע תלמידים במשך די יארן.

ער האט געלערנט קבלה מיט רבי אברהם יוראוויטש א תולדות אהרן חסיד. היינטיגע צייטן לערנט אויך קבלה שטילערייט.

אין יאר תשס"א האט ער ארויסגעגעבן דעם ספר הקדוש 'עת רצון' פון זיין זיידן רבי משה טויב פון קאלוב, אינאיינעם מיט רבי משה ראזענבוים, סטאניסלאווער רבי פון ביתר, א אייניקל פון רבי מנחם שלמה קאלבוער.

אין יאר תשס"ה איז געבויט געווארן די בית מדרש 'עת רצון' קאלוב אין די גבעה A געגנט אין שטאט ביתר עילית און אין יאר תשע"ג האט אים זיין טאטע מכתיר געווען אלס רב פונעם בית מדרש, אין יאר תשע"ו האט ער זיך אריבערגעצויגן פון ירושלים קיין ביתר און אנגעהויבן משמש זיין ברבנות.

אין יאר תשע"ד ווען זיין טאטע איז ליידער קראנק געווארן געווארן מיט א מחלה וואס האט אים פאראליזירט, און ער קען נאר רירן די שווארצאפלען. האט ער זיך אריינגעלייגט אין די פעלד פון קירוב רחוקים אינערהאלב די 'אור עולם' ארגאנעזאציע (פארדעם האט געהייסן: 'אור לתפוצות') און ער רעכט אפ מסעות חיזוק אין פארשידענע ווייטערע שטעט אין ארץ ישראל, ווי זיין טאטע איז ער איז מקפיד נישט צו נעמען קיין געלט אויף די ארבעט.

די קאלובער בית מדרש ערהאלט אין זיך א בית מדרש, שטיבלעך מיט עטליכע מנינים א טאג, א מקוה טהרה, א כולל און חבורות פאר יונגעלייט און בחורים.

פאמיליע

זין

• רבי מנחם שלמה, ראש כולל 'עמודי הוראה' קאלוב אין ביתר, און ראש כולל ביאלא אין בני ברק, ער איז חתונה געהאט צו טאבע, טאכטער פון רבי יעקב מנחם ראבינאוויטש פון ביאלא בני ברק.
• אברהם יצחק פון מאנסי, חתונה געהאט צו שרה, טאכטער פון רבי אברהם יחזקאל פריעדמאן, א מקובל און קאמאדא רב פון מאנסי, א תלמיד פון רבי מעכיל לעבאוויטש פון ניקלשבורג.

טעכטער

• סימא, פרוי פון רבי יואל טייטלבוים, זון פון רבי יוסף טייטלבוים נעפלעמיצער רב פון בארא פארק, איידעם פון רבי ישראל אברהם שטיין פון פאלטישאן.
• אסתר רבקה, פרוי פון רבי יצחק אייזיק הלוי וואזנער, מגיד שיעור אין ישיבת קאליש אין פלעטבוש, זון פון רבי מרדכי זאב וואזנער, רב דקהל מחזה אברהם אין בארא פארק און ראש ישיבה לצעירים סאטמאר אין וויליאמסבורג, זון פון רבי חיים מאיר וואזנער און איידעם פון רבי חיים אלעזר פריעדמאן, טענקער רב.
• פרומעט גליקל, פרוי פון רבי מרדכי איתמר שפירא, משפיע אין ישיבת זוועהיל אין ירושלים, זון פון רבי זלמן, ראש הכוללים פון נאראל אין בני ברק, זון פון רבי דוב בעריש שפירא פון נאראל און איידעם פון רבי יעקב ישכר בער ראזענבוים פון נדבורנא בני ברק.
• מלכה, פרוי פון רבי יחיאל יהושע קארנרייך, ראש חבורת הבחורים אין קאלוב, זון פון רבי יהודה זאב פון שידלובצא.
• הינדא טשיפא, פרוי פון רבי יהודה לעמבערגער, זון פון רבי אברהם יחיאל לעמבערגער, מאקאווא רב פון בני ברק.
• דינה איטא, פרוי פון רבי שלמה בראנדסדארפער, זון פון רבי יוסף קדיש בראנדסדארפער רב פון קהל חסידים אין טבריא, זון פון רבי מאיר בראנדסדארפער בעל קנה בשם.
• גיטל, פרוי פון רבי אברהם אליעזר לעמבערגער, זון פון רבי שלמה זלמן, מאקאווא רב פון נתניה, זון פון רבי אשר אנשיל לעמבערגער, מאקאווא רב פון אלעד.
• עטיל רחל, פרוי פון רבי יעקב מאיר רובינשטיין, זון פון רבי חיים יהודה, רב פון קהל חסידים אין רמה ד' בית שמש, זון פון רבי אלטער אליהו רובינשטיין, אנטווערפן'ער רב און איידעם פון רבי חיים צבי שפירא ראב"ד מחזיקי הדת בעלזא.
• יענטא, פרוי פון רבי אלעזר מנחם מענדיל וויינבערג, זון פון רבי יונה זאב וויינבערג א משפיע אין בני ברק, איידעם פון רבי שמואל צבי אלימלך ראזענפעלד פון קארלין לעלוב.
• רייזל, פרוי פון רבי משולם זושא טווערסקי, אייניקל פון רבי אברהם יהושע העשיל טווערסקי פון טשארנאביל.
• א בחור ישעיה, לערנט אין ישיבת עץ חיים באבוב אין בני ברק.

דרויסנדיגע לינקס

• בחצרות קאלוב, אויף יוטיוב.
• משה ויסברג, קאלובער רבי איז פאראליזירט, זיינע זון זענען ממשיך זיין וועג -בחייו, אויף כיכר השבת.
• קאלובער רב אויף JDN.
• קאלובער רב, אויף רדיו קול חי.
• אור עולם, אויף JDN.
• קאלובער רב קלאגט אויפן חרבן, אויף אקטואליק.
• קאלובע מוסדות אין ביתר.