רבי יצחק טווערסקי
| געבורט |
1812 ה'תקע"ב טשערנאביל | ||||
|---|---|---|---|---|---|
| פטירה |
1885 (אלט: 73 בערך) י"ז ניסן ה'תרמ"ה סקווירא | ||||
| כינוי | רבי איציקל סקווערער | ||||
| מקום קבורה | סקווירא | ||||
| ווייב | טאכטער פון רבי דן פון ראדוויל, חיה מלכה טאכטער פון רבי ישראל פון רוזשין, חנה סימא טאכטער פון רבי נפתלי צבי פון סקווירא | ||||
| דינאסטיע | סקווירא | ||||
| קינדער | רבי אברהם יהושע העשיל, רבי מנחם נחום פון שפיקוב, רבי ישראל, רבי דוד | ||||
| |||||
רבי יצחק טווערסקי (ה'תקע"ב – י"ז ניסן ה'תרמ"ה), איז געווען דער ערשטער סקווערער רבי.
ביאגראפיע
רבי יצחק איז געבוירן געווארן אין יאר ה'תקע"ב צו רבי מרדכי טווערסקי פון טשערנאביל און צו פייגא טאכטער פון רבי דוד לייקעס. ווען ער איז געווען א האלב יאר בעפאר די בר מצוה[1], האט ער געהייראט א טאכטער פון רבי דן פון ראדוויל, וועלכער איז געווען א זון פון רבי יצחק פון ראדוויל (זון פון רבי יחיאל מיכל פון זלאטשוב) און אן איידעם פון אפטער רב, און געהאט מיט איר צוויי קינדער. נאך וואס זי איז אוועק האט ער חתונה געהאט צו חיה מלכה, א טאכטער פון רבי ישראל פון רוזשין, אבער זי איז אוועק אן צו לאזן קינדער. רבי איציקל האט שטארק געשעצט זיין שווער דער רוזשינער, און אויך נאך וואס זיין ווייב איז אוועק פלעגט ער זיך אלעמאל פאררופן אלס זיין איידעם[2]. ער האט דערנאך חתונה געהאט צו חנה סימא, א טאכטער פון רבי נפתלי צבי, וועלכער איז געווען דער רב פון סקווירא און א זון פון רבי אהרן טיטיעווער (אייניקל פון דער בעל שם טוב), און איז אריבער וואוינען נעבן אים.
נאך די פטירה פון זיין טאטן, אום כ' אייר ה'תקצ"ז, האבן זיינע ברידער אנגעהויבן פירן רעביסטווע, אבער רבי יצחק האט זיך אפגעהאלטן דערפון ביז צום יאר ה'תר"ח, וואס דעמאלט איז ער אויפגענומען געווארן אלס רב פון סקווירא אויפן פלאץ פון זיין שווער, און האט אנגעהויבן פירן אדמו"רות.
אנדערש ווי זיין טאטע און טייל פון זיינע ברידער, איז רבי יצחק געווען א שווייגנדער, און האט זיך צוריק געהאלטן פון רעדן פאר'ן ציבור. ער איז אויך נישט ארומגעפארן צו זיינע חסידים, אנדערש ווי זיינע ברידער, און אויך ווען ער איז אנגעזאגט געווארן צו פארן צו די בעדער אלס רפואה, איז ער בלויז געפארן איין מאל[3].
רבי יצחק איז אוועק י"ז ניסן ה'תרמ"ה, און ער איז באהאלטן געווארן אין סקווירא. דריי פון זיינע זין האבן איבער גענומען זיין פלאץ אין סקווירא.
קינדער
פון זיווג ראשון:
- רבי אברהם יהושע העשיל (אוועק ג' כסלו ה'תרמ"ז), איידעם פון רבי שמואל אשכנזי, און בזיווג שני ביי רבי יוסף זילבערפארב
- רבי מנחם נחום פון שפיקוב
פון זיווג שלישי:
- רבי ישראל (אוועק כ"ז אלול ה'תרע"ט), איידעם פון זיין פעטער דער טריסקער מגיד
- רבי דוד (י"ד ניסן ה'תר"ח – ט"ו כסלו ה'תר"פ), איידעם פון רבי שמעון שלמה פון סאווראן, און בזיווג שני ביי רבי אליקים געץ פון אוסטראה
זעט אויך
צו ליינען מער
פאראמעטער פעלערן אין מוסטער:אוצר החכמה
פאראמעטער [ עמוד ] ערשיינען נישט אין מוסטער דעפיניציע חיים דב שטערן, נר ישראל - ריז'ין ו, ערך רבי יצחק מסקווירא
דרויסנדע לינקס
פאראמעטער פעלערן אין מוסטער:אייוועלט
סוג לא תואם [ 1 ] "יצחק טווערסקי מסקווירא זצ"ל - י"ז ניסן תרמ"ה 30003", אשכול אויף אייוועלט
רעפערענצן
- ↑ ילקוט מאורי אור, (שיכון-סקווירא תשס"א), עמוד שס"ג
- ↑ בעלוץ צדיקים, שיכון-סקווירא תש"ס, עמוד רנ"ד
- ↑
פאראמעטער פעלערן אין מוסטער:אוצר החכמה
פאראמעטער [ עמוד ] ערשיינען נישט אין מוסטער דעפיניציע יצחק אלפסי, אנציקלופדיה לחסידות - ב
קאַטעגאָריע:סקווירא קאַטעגאָריע:אוקראינער אידן קאַטעגאָריע:רוסישע אדמורי"ם קאַטעגאָריע:טווערסקי פאמיליע קאַטעגאָריע:המכלול ארטיקלען