אונטערשייד צווישן ווערסיעס פון "רוי:כינע"

כינע איז דאס צווייטע גרעסטע [[לאנד]] אין אזיע לויטן [[שטח]] נאך [[רוסלאנד]]. כינע גרענעצט 14 לענדער (אויסגערעכנט זייגערווייז פון דרום): [[וויעטנאם]], [[לאאס]], [[מיאנמאר]], [[אינדיע]], [[בהוטאן]], [[נעפאל]], [[פאקיסטאן]],<ref>כינע'ס גרעניץ מיט פאקיסטאן ליגט אינעם נישט-איינשטימיקן [[קאשמיר]] פראווינץ. דער שטח אונטער פאקיסטאנער הערשאפט ווערט געפאדערט דורך אינדיע.</ref> [[אפגאניסטאן]], [[טאדזשיקיסטאן]], [[קירגיזסטאן]], [[קאזאכסטאן]], [[רוסלאנד]], [[מאנגאליי]] און [[צפון קארעא]].

די געאגראפיע פון כינע איז פארשפרייט 5026 ק"מ אריבער [[מזרח אזיע]] און גרענעצט דעם [[מזרח כינע ים]], [[קארעא בוכטע]], [[געלער ים]], און [[דרום כינע ים]], צווישן [[צפון קארעא]] און [[וויעטנאם]] דורך ברייטע פלאכלענדער, אויסגעשפרייטע [[מדבר]]יות, און געהויבענע [[בערג קייט]]ן, כולל ריזיגע שטחים פון אומגאסטפריינדלעכן באדן. דער מזרח העלפט פונעם לאנד, זיין באדן מיט די בייבארטנדיקע אינזלען, איז א ראיאן פון פרוכפערדיקע פלאכלענדער, בערג, מדבריות, [[סטעפ]]עס, און [[אונטער-טראפיקאליש]]ע שטחים. דער מערב העלפט פון כינע איז א ראיאן פון [[פלאטא]]ען און טורעמענדיקע [[מאסיוו]]ן, איינשליסנדיק א טייל פון דעם העכסטן [[הויכלאנד]] אויף דער ערד.

זינט כינע איז געווארן א גרויסע עקספארט מאכט איז עקענאמישע דימפלאמאטיע געווארן א וויכטיגע טייל פון איר אויסערן פאליסי. אין 1980 האט כינע אנגעהויבן זוכן מיטגלידערשאפט אין די גענעראלע אגרימענט פון טעריפס (די שטייער אפצאל פון יעדע פראדוקט וועלכע ווערט אימפארטירט גייט לויט א סיסטעם מיט קאודס וועלכע ווערן אנגערופן טעריפס) און האנדל וועלכע איז היינט די [[וועלט האנדל ארגאניזאציע]] (WTO) כדי צו קענען געניסן פון די בעסטע טעריף ראטעס דורך אנדערע מארקן, אריינגערעכנט די פאראייניגטע שטאטן וועלכע איז שוין דעמאלט געווען איר הויפט עקספארט מארק. כדי צו קענען האבן מיטגלידערשאפט אין דער וועלט האנדל ארגאניזאציע האט כינע געמוזט נאכגעבן און אנהויבן האנדלען מיט אלע לענדער וואס זענען געווען מיטגלידער אין דער ארגאניזאציע. כינע האט נישט אזוי שנעל מסכים געווען דערצו און איר מיטגלידערשאפט איז אלס אפגעלייגט געווארן. ענדליך 15 יאר שפעטער, אין 2001, איז כינע געווארן אן אפיציעלער מיטגלידער אין דער וועלט האנדל ארגאניזאציע און איינגעגאנגען צו רעדוצירן אימפארט צאלטאריפן און אראפנעמען אלע אירע באגרענעצונגן פון אויסערן אינוועסטמענטס.