רוי:ג' ניסן

ג' ניסן איז דער דריטער טאג פונעם זיבעטן חודש אין די אידישע יאר, ציילנדיג פון תשרי, און דער דריטער טאג פונעם ערשטן חודש ציילנדיג פון ניסן.

חגים וזמנים

• קרבן פון אליאב בן חלון, דער נשיא פון שבט זבולון

געשעענישן

• ב'תמ"ט – אין דעם טאג האט מען דעם ערשטן מאל געשפריצט דעם מי חטאת אויף אידן
• ה'רנ"ב – דער שפאנישער קעניג פערדינאנד דער צווייטער פון אראגאן און די קעניגין איזאבעלא די ערשטע פון קאסטיליע געבן ארויס דעם גירוש-באפעל פון די אידן פון שפאניע
• ה'תש"ד – חורבן אייראפע: אנגעהויבן די קינדער-אקציע אין קאוונער געטא

געבוירן

• ה'תרפ"א – רבי משולם פייש לאווי, דער טאהשער רבי

יארצייטן

• ה'תקפ"ב – רבי זאב וואלף פון זבאריזש, אן אדמו"ר און א זון פון רבי יחיאל מיכל פון זלאטשוב
• ה'תרמ"ה – רבי אליעזר ירוחם באראן פון קראקא, אן אייניקל פון סבא קדישא פון ראדאשיץ, און אן איידעם פון צאנזער רב
• ה'תש"ח – רבי יעקב חי בכור נסים, פון די פירער פון די ספרד'ישע קהילה אין ירושלים און א גבאי פון די כוללים
• ה'תשנ"ו – רבי אריה לייב גראסנס, אב בית דין אין לאנדאן און ראש ישיבה אין טאנדזשיר (געבוירן ה'תרע"ב)
• ה'תש"פ – רבי צבי שינקער, ראש ישיבת בית דוד און א תלמיד פון רבי אלעזר מנחם שך און רבי יחזקאל לעווינשטיין

---

• ב' ניסן – ד' ניסן
• ניסן