רוי:רבי מאיר הלוי אבולעפיא

רבי מאיר הלוי אבולעפיא

יחוס בוים פון משפחת אבולעפיא, דער רמ"ה איז באצייכנט אויבן לינקס
געבורט	1170
פטירה	מערץ 1244 (אלט: 74 בערך)
השתייכות	בית המדרש אין טאלעדא, פון די מתנגדים צום רמב"ם
תחומי עיסוק	מקובל, פארשער פון מסורה, מפרש אויף תלמוד הבבלי און פוסק
בני דורו	רמב"ן, רשב"א, רבי שמשון משאנץ - פון די בעלי התוספות, און חכמי פרובאנס: רבינו יהונתן הכהן, רבי אהרן בר משולם, רבי יצחק מאיר אבן מיגאש (זון פון רבי יוסף אבן מיגאש) און רבי אברהם בן נתן הירחי
ספרים	יד רמ"ה (אריגינעלער נאמען - פרטי פרטין) ספר האגרות, אור צדיקים (שו"ת), מסורת סייג לתורה, לפני ולפנים, גינת ביתן

רבי מאיר הלוי אבולעפיא, באקאנט אלס דער רמ"ה (ד'תתק"ל, 1170 – י"ח ניסן ה'ד') איז געווען א רב, פוסק, מקובל, פארשער פון מסורה, דיכטער, און איינער פון די גדולי הראשונים וואָס זיינע חידושים אויף תלמוד בבלי זענען אָנגענומען געוואָרן אין דער לומדישער וועלט.

ביאגראפיע

דער קאפיטל איז אומפארענדיגט. ביטע ביישטייערט צו המכלול און פארענדיגט דאס. זיין משפחה, שייכות מיט אנדערע ראשונים.

רבי מאיר אבולעפיא, באקאנט מיט זיין ראשי-תיבות-נאָמען רמ"ה פאר "רבינו מאיר הלוי", איז געבוירן געוואָרן אין שפאניע אין דער שטאָט בורגאָס לערך 1170 (ד' אלפים תתק"ל), און איז נפטר געווארן אין טאלעדא אין יאָר 1244 (ה' אלפים ד'). ער האָט אָנגעפירט אין טאָלעדאָ מיט א גרויסער ישיבה.

מען האָט אים אזוי געשעצט, אַז די שטאָט-מענטשן האָבן אים געגעבן דעם טיטל "נשיא". זיין רום איז געגאנגען זייער ווייט, אזוי אז מען האָט אים געהאלטן גרויס נישט נאָר אין שפאניע, נאָר אויך צווישן די דעמאלטדיגע קהילות אין דייטשלאנד. דער גרויסער מפרש און פּוסק רבי משה בן נחמן, דער רמב"ן, האָט אים גערופן "נשיא מנשיאי הלוויים".

מחשבה

דער קאפיטל איז אומפארענדיגט. ביטע ביישטייערט צו המכלול און פארענדיגט דאס. פולמוס תחיית המתים, באציאונג צום רמב"ם בכלל.

רבי מאיר אבולעפיא איז געווען נישט נאָר א גרויסער גאון אין לומדות, נאָר אויך זייער א גרויסער מקובל, און ער איז געווען איינער פון די ערשטע אידישע רבנים וואָס האָבן געוואגט אָנצוהייבן א קאמף קעגן דער רמב"ם און זיינע פילאָזאָפישע ספרים - בעיקר קעגן די מיינונגען פון רמב"ם וועגן "עולם הבא" און "תחיית המתים".

ווערק

דער קאפיטל איז אומפארענדיגט. ביטע ביישטייערט צו המכלול און פארענדיגט דאס. מסורת, און פארברייטערן בכלל.

די בארימסטע ספרים וואָס רבי מאיר האָט מחבר געווען זענען: "פּרטי פּרטין" חידושים אויף דער גאנצער גמרא, פון וועלכע עס זענען געדרוקט געווארן אויף די מסכתות בבא בתרא און סנהדרין מיטן נאמען "יד רמה", ווי אויך זענען צו אונז דערגאנגען אויסצוגן וואָס ווערן געברענגט אין "שיטה מקובצת".

עס זענען אויך געדרוקט פון אים "תשובות". טייל ווילן זאגן, אז אויך געוויסע קבלה-ספרים ("גינת ביתן", "לפני ולפנים", "שושן סודות") זענען געשריבן געוואָרן דורך דעם רמ"ה.

צו ליינען מער

• פראפעסאר חיים בראדי, קבוצת שירים ומכתבים מר' מאיר הלוי, ידיעות המכון לחקר השירה העברית (חלק ב')
• Bernard Septimus, Hispano-Jewish Culture in Transition, The Career and Controversies of Ramah, Harvard Judaic Monographs, Cambridge, MA 1982

דרויסנדיגע לינקס

• "אַבּולְעֲפִיָא, מאיר בן טודרוס", יהודה דוד אייזנשטיין (רעדאקטאר), אוצר ישראל, ניו יארק: פרדס, תשי"ב, חלק א, עמוד 25, אויף היברובוקס
• מרדכי מרגליות (עורך כללי), "ר׳ מאיר (בר׳ טורדוס הלוי) אבולעפיה (רמ״ה)", אנציקלופדיה לתולדות גדולי ישראל ד, תל אביב: י' צ'צ'יק, תש"ו, אויף היברובוקס
• ספר יד רמ"ה אויף מסכת בבא בתרא און אויף מסכת סנהדרין, און שו"ת הרמ"ה אויף HebrewBooks
• טעקסט פון ספר יד רמ"ה אויף מסכתות בבא בתרא און סנהדרין אויף Sefaria
• על פירושי הרמ"ה, אויף "סדר הדורות של חכמי אשכנז וצרפת"
• אגרות הרמ"ה

תקופת חייו של הרב רבי מאיר הלוי אבולעפיא על ציר הזמן

דער ארטיקל נעמט אריין טעקסט פון דער ייִדישער פאָלקס־ענציקלאָפּעדיע (פּיעטרושקא), וואָס איז היינט אינעם רשות־הרבים. רעכטן פאר טוישונגען בלייבן רעזערווירט.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!