10 (נומער)

10 (גאנצע צאל)

דעצימאל	10
אין ווערטער	צען
סדר'דיגע צאל	צענטער/טע/ר
גימטריא	י
פאַקטאָריזאַציע	$\ 2\cdot 5$
רוימישע צאל	$\ X$
בינארישע צאל	1010
העקס	A

10 (אין ווערטער: צען) איז די נאטירליכע צאל וואס קומט נאך 9 און בעפאר 11. דער נומער האט א וויכטיגע ראלע אין פארשידענע קולטורן.

אין מאטעמאטיק

צען אלס דרייעקיגע צאל

• 10 איז דער באזיס פון דער דעצימאל סיסטעם, וועלכע איז די מערסט פארשפרייטע רעכן-סיסטעם היינט צו טאג. דאס איז ווארשיינליך צוליב דעם וואס מענטשן האבן צען פינגער.
• א גאנצע צאל טיילט זיך מיט 10 נאר ווען זיין לעצטע ציפער איז 0.
• 10 איז א צוזאמענגעזעצטע צאל, וואס טיילט זיך אויף 1, 2, 5, און 10.
• 10 איז א דרייעקיגע צאל, ווייל מען קען עס אויסשטעלן ווי א דרייעק פון פונקטן: 1 + 2 + 3 + 4 = 10.
• 10 איז א הארשאד נומער, וואס צעטיילט זיך מיט'ן סך-הכל פון זיינע ציפערן: 10 ÷ (1+0) = 10.
• 10 איז די סומע פון די ערשטע דריי פרימצאלן: 2 + 3 + 5 = 10.

אין וויסנשאפט

• 10 איז דער אטאם נומער פון נעאן.

אין אידישקייט

• עס זענען דא צען דיברות וואס דער אויבערשטער האט געגעבן פאר די אידן ביי מתן תורה.
• עס זענען דא צען מכות וואס דער אויבערשטער האט געברענגט אויף מצרים.
• די וועלט איז באשאפן געווארן מיט צען מאמרות.
• מען דארף האבן צען אידן צו הייסן א מנין וואס פעלט אויס פאר דברים שבקדושה.
• עס זענען דא צען טעג פון תשובה צווישן ראש השנה און יום כיפור.
• די קבלה רעדט פון צען ספירות.
• עס זענען געווען צען הרוגי מלכות.
• עס זענען דא צען צדיקים וואס זענען אריין אין גן עדן לעבעדיגערהייט.
• עס זענען געווען צען נסיונות מיט וועלכע די אידן האבן פרובירט דעם אויבערשטן אין מדבר.
• עס זענען געווען צען דורות פון אדם הראשון ביז נח, און נאך צען דורות פון נח ביז אברהם אבינו.
• די עשרת השבטים האבן זיך אפגעטיילט פון מלכות יהודה, און שפעטער פארטריבן געווארן אין באזונדערן גלות.
• המן איז געהאנגען געווארן מיט זיינע צען קינדער.

פארשידנס

• צען יאר ווערט אנגערופן א יארצענדלינג.