אונטערשייד צווישן ווערסיעס פון "רוי:רבי אברהם ישעיהו קארעליץ"
ק (החלפת טקסט – "יידישער? וועלט" ב־"אידישער? וועלט") |
ק (החלפת טקסט – "אידישער?" ב־"אידישער") |
||
| שורה 21: | שורה 21: | ||
זומער [[תרצ"ד]] ([[1934]]) האט דער חזו"א געוואוינט א לענגערע תקופה אין [[צפת]] פאר זיין געזונט; במשך דער תקופה האט ער געלערנט בעיקר אינעם בית מדרש פון רבי [[יוסף קארו]] אין דער אלטשטאט. | זומער [[תרצ"ד]] ([[1934]]) האט דער חזו"א געוואוינט א לענגערע תקופה אין [[צפת]] פאר זיין געזונט; במשך דער תקופה האט ער געלערנט בעיקר אינעם בית מדרש פון רבי [[יוסף קארו]] אין דער אלטשטאט. | ||
דעצעמבער [[1936]] איז דער חזון איש געווארן געפערלעך קראנק. מען האט דאס מודיע געווען אומעטום אין דער אידישער | דעצעמבער [[1936]] איז דער חזון איש געווארן געפערלעך קראנק. מען האט דאס מודיע געווען אומעטום אין דער אידישער וועלט, און מ'האט גערופן דעם עולם צו דאווענען פאר אים{{הערה|1=[http://jpress.nli.org.il/Olive/APA/NLI_heb/SharedView.Article.aspx?parm=7nZqlfzYeBetoI0RygcTC4k5UW10a6511z7TkcjxQxQaZQK9MVyMGppydCSc%2Bs4VYw%3D%3D&mode=image&href=UES%2F1936%2F12%2F24&page=1&rtl=true הרב אברהם ישעיהו קארעליץ געפעהרליך קראנק], אונזער עקספרעס, 24.12.1936. ביי דער היסטארישער יידישער פרעסע.}}. | ||
אין [[תש"א]] איז נפטר געווארן ראשא לאה קארעליץ, דעם חזון איש'ס מוטער, אין ירושלים, און מען האט זי קובר געווען דארט. | אין [[תש"א]] איז נפטר געווארן ראשא לאה קארעליץ, דעם חזון איש'ס מוטער, אין ירושלים, און מען האט זי קובר געווען דארט. | ||
רעוויזיע פון 16:00, 19 מערץ 2023
| געבורט | י"א חשוון ה'תרל"ט |
|---|---|
| טויט | ט"ו חשוון ה'תשי"ד (אלט: 74) |
רבי אברהם ישעיהו קארעליץ (י"א חשוון ה'תרל"ט, 1878, קאסעוו - ט"ו חשוון ה'תשי"ד, 1953, בני ברק), איז געווען איינער פון די פירער פון אידנטום אין ארץ ישראל, און דער מחבר פון די ספרים חזון איש.
ביאגראפיע
רבי אברהם ישעיהו איז געבוירן געווארן י"א חשוון תרל"ט אינעם שטעטל קאסעוו, ליטע, (דעמאלסט אין גראדנער גובערניע, רוסלענדישע אימפעריע, היינט אין בריסקער גובערניע, בעלארוס) צו זיין פאטער, הרב שמריהו יוסף קארעליץ, קאסעווער רב, און זיין מוטער, ראשא לאה, א טאכטער פון הרב קאצנעלבויגן, רב פון קאסעוו און דערנאך פון קאברין.
ביי דער ערשטער וועלט־מלחמה האט ער געוואוינט אין סטויפץ, וואו ער האט געדינט ווי שטאטס־רב ווען דער ארטיקער רב, הרב יואל סאראצקין, איז געווארן פארטריבן פונעם שטעטל. נאך עטליכע יאר איז דער חזון איש אריבער צו מינסק.
אין 1920 האט די משפחה קארעליץ זיך באזעצט אין דער שטאט ווילנע, וואו ער איז געווארן נאנט צום שטאט'ס רב, הרב חיים עוזר גראדזענסקי.
ארץ ישראל
אום ט"ז תמוז תרצ"ג (1933) איז ער ארויף קיין ארץ ישראל, נאכדעם וואס הרב חיים עוזר גראדזענסקי האט געבעטן משה פרוש פון אגודת ישראל צו באקומען סערטיפיקאטן פארן חזו"א און זיין ווייב כדי זיי זאלן קענען וואוינען אין ארץ ישראל[1]. לויט רפאל האלפערן האט דער חזון איש זיך איינגעשפארט אז מען זאל נישט באקומען דעם סערטיפיקאט דורכן הויפטראבינאט נאר דורך אגודת ישראל[2].
ווען ער איז אנגעקומען אין לאנד איז ער געבליבן עטליכע טעג ביי הרב דוד פאטאש, ביז ער האט געדונגען א שטוב אין גאולה גאס אין תל אביב. עטליכע וואכן נאך תשעה באב האט ער געדונגען א דירה אין דער נייער קהילה וואס האט זיך אנטוויקלט אין בני ברק, וואס איז שפעטער געווארן, אין א גרויסער מאס צוליב אים, א פעסטונג פון חרדישן אידנטום אין ישראל.
זומער תרצ"ד (1934) האט דער חזו"א געוואוינט א לענגערע תקופה אין צפת פאר זיין געזונט; במשך דער תקופה האט ער געלערנט בעיקר אינעם בית מדרש פון רבי יוסף קארו אין דער אלטשטאט.
דעצעמבער 1936 איז דער חזון איש געווארן געפערלעך קראנק. מען האט דאס מודיע געווען אומעטום אין דער אידישער וועלט, און מ'האט גערופן דעם עולם צו דאווענען פאר אים[3].
אין תש"א איז נפטר געווארן ראשא לאה קארעליץ, דעם חזון איש'ס מוטער, אין ירושלים, און מען האט זי קובר געווען דארט.
פון זיינע תלמידים
- הרב אברהם גענאכאווסקי
- הרב אברהם חיים ברים
- הרב גדליה נאדל (תרפ"ג–תשס"ד)
- הרב גרשון עדלשטיין
- הרב דוב יפה
- הרב דוב לאנדא
- הרב דוד מיכאל שמידל, פירער פון אתרא קדישא
- הרב חיים קאניעווסקי (זיין נעפע)
- הרב חיים שאול גריינימאן (זיין נעפע)
- הרב יעקב ישראל קאניעווסקי, דער "סטייפעלר"
- הרב מאיר גריינימאן (זיין נעפע)
- הרב מיכל יהודה ליפקאוויטש
- הרב נסים קארעליץ (זיין נעפע)
- הרב נתן שולמאן, ראש ישיבה פון סלאבאדקע
- הרב קלמן כהנא
- הרב שריה דעבליצקי
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!
רעפערענצן
- ↑ דער קארעספאנדענץ איז געדרוקט אין ספר גנזים ושו"ת חזון איש חלק ב' פון עמוד ק"ט
- ↑ רפאל האלפערן, במחיצת החזון איש, עמ' 51
- ↑ הרב אברהם ישעיהו קארעליץ געפעהרליך קראנק, אונזער עקספרעס, 24.12.1936. ביי דער היסטארישער יידישער פרעסע.