אונטערשייד צווישן ווערסיעס פון "רוי:סרול בראנשטיין"

'''סרול בֿראָנשטײן''' ([[1913]], שטעפענעשט, בעסאַראַביע – [[1943]], [[טאַשקענט]], ראַטנפאַרבאַנד) – אידישער [[דיכטער|פּאָעט]].

''סרול בראָנשטײן'' איז געבױרן געװאָרן אין אַ פאַמיליע פון אַ [[עסנווארג#באקן|בעקער]] אינעם [[דארף|דאָרף]] [[שטעפאנעשט]] אין דרום-מיזרחדיקן טײל פון בעסאַראַביע, דעמולט אַ געגנט אין [[רוסלאנד|רוסלאַנד]] און יעצט אין מאָלדאָװע. אין די [[1930ער]] יאָרן האָט ער געװױנט אין [[בוקארעשט|בוקאַרעשט]], װי ר'האָט זיך אָנגעהױבן [[דרוקעריי|דרוקן]] אין אידישע [[צייטונג|צייטונגען]] און זשורנאַלן אין [[רומעניע]], אַרײַנגערעכנט "[[די וואך|די װאָך]]" (רעדאַגירט פונעם [[פראזאיקער|פּראָזאַיִקער]] משה אַלטמאַן) און "שױבן" (רעדאַגירט דורכן באַרימטן [[דיכטער]] און [[טעאטער|טעאַטער]]-דירעקטאָר יעקבֿ שטערנבערג). געדרוקט פּאָעזיִע און [[ליטעראטור|ליטעראַטור]]-קריטיק.  

זײַן ערשט פּאָעזיע ביכל "מאָלדאָװע, מײַן הײם" איז אַרױס אין בוקאַרעשט אין [[1938]] און די צװײטע זאַמלונג "כ'האָב געעפנט ברײט די טױערן" - מיט אַ יאָר שפּעטער. אין [[1940]], װען בעסאַראַביע איז געװאָרן סאָװעטיש, איז בראָנשטײן אַהין קריקגעקומען. ער איז געװען אַ [[סאלדאט|סאָלדאַט]] אין דער סאָװעטישער [[ארמיי|אַרמײ]] בשעת דער [[צווייטער וועלט קריג|צװײטער װעלט-מלחמה]], פאַרװוּנדיקט געװאָרן אױpן פראָנט אין [[1942]] און געשטאָרבן פון די דורכגעשאָסענע לונגען-װוּנדן אין אַ מיליטער-שפּיטאָל אין טאַשקענט, [[מיטל אזיע|מיטל-אַזיע]] (יעצט אין [[אוזבעקיסטאן|אוזבעקיסטאַן]]) דעם װינטער [[1943]].

[[קאטעגאריע:אומבאקוקט]]

[[קאטעגאריע:אויף יידיש]]