רוי:1942

1942 אין פארשידענע קאלענדארן
גרעגאריאנישער קאלענדאר	1942 MCMXLII
אידישער לוח	ה'תש"ב - ה'תש"ג
כינעזישער קאלענדאר	4638 – 4639 辛巳 – 壬午 4639 איז דאס יאר פונעם פערד
עטיאפישער קאלענדאר	1934 – 1935
פערסישער קאלענדאר	1320 – 1321
איסלאמישער קאלענדאר	1360 – 1361

‏1942 איז דאס 42סטע יאר אינעם 20סטן יארהונדערט. דאס איז א געווענליך יאר, וואס איז 365 טעג. יאנואר 1 1942 לויט'ן גרעגאריאנישן קאלענדאר פעדערט יאנואר 1 לויטן יוליאנישן קאלענדאר מיט 13 טעג.

אלע דאטומען דא זענען לויט'ן גרעגאריאנישן קאַלענדאַר.

געשעענישן

• 2טן יאנואר - צווייטע וועלט מלחמה: די יאפאנישע אימפעריע נעמט איין מאנילא.
• 14טן יאנואר - די נאציס הייבן אן קאנצענטרירן די האלענדישע אידן אין אמסטערדאם
• 8טן פעברואר - דער ערשטער אפשיק פון אידן פון סאלאניקי קיין אוישוויץ
• 15טן פעברואר - צווייטע וועלט מלחמה: די יאפאנישע אימפעריע נעמט איין סינגאפור פונעם פאראייניגטן קעניגרייך
• 19טן פעברואר - צווייטע וועלט מלחמה: דער יאפאנישער מיליטער אטאקירט דארווין אין אויסטראליע
• 1טן מערץ - אנהייב פון אויפשטעלן דעם סאביבאר טויטלאגער
• 10טן מאי - חורבן אייראפע: רוב אידן פון וואלאזשין דערמארדעט דורך די נאציס.
• 4טן יוני - צווייטע וועלט מלחמה: אנגעהויבן דער קאמף פון מידוויי.
• 9טן יוני - צווייטע וועלט מלחמה: די אמעריקאנער ארמיי אין די פיליפינען קאפיטולירט צו יאפאן
• 10טן יוני - די נאציס מערדן אויס די איינוואוינער פונעם טשעכישן דארף לידיצע און פארניכטן עס, אלס נקמה פארן אטענטאט פון ריינהארד היידריך
• 14טן יוני - אנא פראנק הייבט אן שרייבן איר טאגבוך
• 21סטן יוני - צווייטע וועלט מלחמה: טאברוק פאלט אריין אין די הענט פון דייטשלאנד
• 22סטן יוני - אין טירת צבי, ישראל, ווערט פארשריבן די העכסטע טעמפעראטור געמאסטן נאר ווען אין דער יבשה פון אזיע (53.9 גראד צעלזיוס)
• 22סטן יולי - אנהייב פון דעפארטאציע פון די אידן אין דער ווארשעווער געטא צו טרעבלינקע פארניכטונגס לאגער
• 23סטן יולי - צווייטע וועלט מלחמה: די דייטשן נעמען איין די שטאט ראסטאוו אין דרום סאוועטן פארבאנד
• 28סטן יולי - באשלאסן אין דער ווארשעווער געטא אויפצושטעלן די אידישע קאמף ארגאניזאציע אונטער מרדכי אניעלעוויטש
• 23סטן אויגוסט - צווייטע וועלט מלחמה: אנהייב פון סטאלינגראד קאמף
• 21סטן סעפטעמבער - יום כיפור: די נאציס שיקן מער ווי 1000 אידן אין פאדהייץ צו בעלזיץ פארניכטונגס לאגער.
• 23סטן אקטאבער - אויסגעבראכן דער על-אלאמיין קאמף אין עגיפטן
• 8טן נאוועמבער - חורבן אייראפע: טביחה פון די אידן אין סטאשאוו
• 11טן נאוועמבער - נאצי דייטשלאנד ענדיגט אייננעמען פראנקרייך.

געבוירן

• 12טן פעברואר - אהוד ברק, שעף פון גענעראל שטאב, פארטיידיגונגס מיניסטער און פרעמיער מיניסטער פון ישראל
• 5טן מערץ - פעליפע גאנזאלעס, פרעמיער מיניסטער פון שפאניע
• 18טן יוני - טהאבא מבעקי, 11טער פרעזידענט פון דרום אפריקע
• 18טן יוני - פאל מאקארטני, זינגער און מיטגליד פון די ביטלס
• 15טן נאוועמבער - דניאל בארנבוים, פיאניסט און דיריגענט
• 20סטן נאוועמבער - דזשאו ביידען, אמעריקאנער סענאטאר און וויצע-פרעזידענט פון די פאראייניגטע שטאטן

געשטארבן

• 26סטן יאנואר - פעליקס הויסדארף, אידישער-דייטשער מאטעמאטיקער, א גרינדער פון טאפאלאגיע (געב' 1868)
• 8טן מערץ - האסע ראול קאפאבלאנקא, וועלט שאכשפיל גרויסמייסטער (געב' 1888)
• 10טן מערץ - וויליאם הענרי ברעג, ענגלישער פיזיקער (געב' 1862)
• 5טן אויגוסט - יאנוש קורטשאק, פירער פון דעם יתומים אנשטאלט אין ווארשע, דערמארדעט אין טרעבלינקע מיט זיינע שילערן (געב' 1878)
• 11טן סעפטעמבער - הלל צייטלין, יידישער שרייבער, דיכטער און זשורנאליסט אין ווארשע (געב' 1871)

נאבעל פריזן

דער בלאט קומט פון יידיש-וויקיפעדיע, קרעדיט,
ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!